Ululahu Korin 13:3 - Buka Blahi Ka Cheke Holo

³ Neuba iara ne tufa nogu gobigna lepore ka naikno te kumare, ba snakre lao ghau thegu ka mae naokare mala nako falehe ghau ka khaꞌaghi eigna iara te loku ranghini God na, nu jame te theome namhadi iara keha naiknore, iara theo nafugu kolho ka nauthoglu igne.

Ululahu Korin 13:3 ပူးပေါင်းရင်းမြစ်များ

Jone 15:13

U thofno namha biꞌo te tangomana kaisei naikno te falalase ranghidi kheragnare ngala te lehe ranghidire.

Matiu 23:5

“Gaoghatho te edi mare glepo te keli igre mala filo naiknore eghu kolho. Mare hohoro fabiꞌo bokisidi grioriso te blahi igre ne haru ka greredi nei khamedi teure. Eghuteuna mare jaola hohoro fabrahu nodi phoko mala tarai re.

Galesia 5:26

Thosei fahaehaghe ghita theda, thosei eꞌei puhi ranghini ihei nei thosei goghotu fari theda.

Luku 18:28

Mae Pita ne cheke eghu ka mana, “Filo sagho, ghehati jifla kokodi nomi gobigna lepore mala leghu nigho iagho!”

Hibru 13:9

Eghume thosei ke riu ka keha nafnata puhi majaghani te jafra. Eigna ghotilo ginauna na snivi ka nabrou te doglo. Nu snakreni God mala farheta ghami ka nogna khokofakasai na. Nu nafnata vetula eigna gano na, theome tangomana te farheta ghita, nei theome eni kaisei glepo te kelila ranghidi iheire te leghudire.

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Jone 12:43

Mare magnahaghei nafnakno ka naiknore ke tulao gnai nafnakno te mei ka God.

Luku 18:22

Kate nomhini igne mae Jisas ne cheke eghu ka mana, “Nu kaisei glepo na iagho theome eni ngau. Iagho tei fofoli fateo nou gobigna lepo are mala hata sileni tufa ka naikno te kumare. Te eghu iagho na, iagho ginauna au nou dedei keli fara te au teu kligna. Aonu iagho tangomana te mei te leghu ghau iara na eghu.”

Mae Khuru 21:13

Nu mae Pol ne cheke eghu, “Ba, naugna unha site tanhi ghotilo te diꞌanagnafagu fara iara gnea? Iara gne tarabanau ngala te mala haru ghau mare Jerusalem na. Eghuteuna iara gne tarabanau ngala te mala lehe ranghini noda Lord Jisas!”

Jone 13:37

Mae Pita ne cheke eghu ka mana, “Lord, naugna unha site theome tangomana iara te leghu nigho iagho gognaro na ia? Tutuani fara, iara tarabana mala lehe ranghi nigho iagho.”

Jone 6:63

U thini na theome tangomana tusu lao u karha ka naikno na. Mae Tharunga te Blahi ngala tangomana te tusu lao u karha ka naikno na. Eghume, chekegu iara gre ngala te mala athini ghotilo u Tharunga te Blahi na, mae ihei nate tusu mei u karha na.

Luku 19:8

Nu mae Sakias ne cheke eghu ka mae Jisas, “Lord, funu gognarogne iara ginauna na tufa keha philegna nogu glepore ka naikno te kumare. Eghuteuna ihei teke chaghini iara na, iara nake tusu fapulo ka mana fati fata uluni unha teke hata iara ka mana na.”

Profet Jeremaea 7:8

Ghotilo fatutuanidi cheke te chaichaghi fara igre. Nu cheke te theo nafudi igre theome mala togho ghami ghotilo.

Filipae 2:3

Eghuteuna ghotilo thosei ghatho ghami themi ba fahaehaghe eidi unha glepo keli te edi ghotilo re. Nu nhaꞌa fapari ghami themi, eghuteuna ghatho tahudi keha naiknore.

Profet Isaia 57:12

Puhi te eni ghotilo igne keli fara ka gaoghathomi ghotilo re. Nu iara ginauna fakakhana puhimi ghotilo te diꞌa re, eghuteuna nomi god ghotilo tuare ginauna theome togho ghami ghotilo kolho.