Ululahu Korin 13:2 - Buka Blahi Ka Cheke Holo

² Eghuteuna, neuba iara ne tangomana te toutonuni chekegna God na jateula mae profet, ba lasedi fara gobigna lepo ka nauthoglu gne ba gobigna lepo te poru, ba au nogu fatutuani biꞌo te mala fathughadi thogelere, nu jame te theome namhadi iara keha naiknore, iara theo nafugu kolho.

Ululahu Korin 13:2 ပူးပေါင်းရင်းမြစ်များ

Ululahu Jone 4:8

Ihei te theome namhadi keha naiknore theome laseni God, naugna namha na mei funu ka God.

Ululahu Korin 13:3

Neuba iara ne tufa nogu gobigna lepore ka naikno te kumare, ba snakre lao ghau thegu ka mae naokare mala nako falehe ghau ka khaꞌaghi eigna iara te loku ranghini God na, nu jame te theome namhadi iara keha naiknore, iara theo nafugu kolho ka nauthoglu igne.

Matiu 17:20

Mae Jisas ne cheke eghu ka mare, “Ghotilo theome tangomana ghami te brue teini naitu na, naugna nomi fatutuani ghotilo na theome naba. Tutuani fara te chekeni iara ka ghotilo na, neubane ikoi fara jateula sisi gaju mastad neu nomi fatutuani ghotilo na, ghotilo na tangomana te cheke eghu ka thogele igne, ‘Jifla agne mala tei jare.’ Teu ghotilo na, thogele tuana ginauna thugha tei. Eghume ginauna theo kaisei glepo nate ninhigrana ranghi ghami ghotilo na.

Ululahu Korin 16:22

Jame ihei te theome namhani Lord na, iara magnahagheni mae tuana ginauna mala fnota fabrahu ka God tifa tifa. Nomi Lord, mei iagho!

Matiu 21:21

Mae Jisas ne cheke eghu ka mare, “Tutuani fara te chekeni iara ka ghotilo na. Te fatutuani ghotilo te theome ghatho peapea na, ghotilo ginauna tangomana te eni unha teke eni iara ka gaju igne. Eghuteuna ghotilo ginauna tangomana te edi glepo ke biꞌodi igrei. Ghotilo ginauna tangomana te cheke eghu ka thogele igne, ‘Kegra haghe tei krofu ka nhorora gno.’ Te fatutuani ghotilo na, thogele tuana na kegra tei krofu ka nhorora gno.

Efesus 3:4

jame iu'iju fakeli ghotilo unha te risoni iara na meuna, ghotilo ginauna laseni unha te laseni iara eigna Kraes teke theome laseni tifa igne.

Ululahu Korin 13:1

Neuba iara ne tangomana te chekeni chekegna God na ka soasopai cheke ka nauthoglu igne ba chekegna kligna, nu jame te theome namhadi iara keha naiknore, iara jateula kaisei belo ba vido aean eghu te fiti taitanhia eghu kolho.

Galesia 5:16

Eghume te chekeni iara ka ghotilo na, snakreni mae Tharunga te Blahi mala batuni nakarhami na. Eghuteuna ghotilo ginauna na theome tangomana te eni unha te magnahagheni thinimi na.

Kolose 1:26

Ka fufunu gna nauthoglu na te ghilei posa gognaro gne, cheke igne neke poru ka naikno te gnafare, nu gognaro na God la falalasehi ka nogna naiknore.

Galesia 6:3

Jame kaisei mae ghaoghatho eghu ka nagnafagna na, “Iara gne kaisei mae biꞌo fara!” Nu mana chaghini thegna, naugna mana kaisei naikno kolho.

Galesia 5:22

Nu kate snakreni tahati nakarhada na te mala baubatu mae Tharunga te Blahi na, mana ginauna tusu ranghi ghita namha, gleale'a, pharikeli, au kmu, lolokeli, au keli, u gaoghatho nheta te mala eni unha te chekeni,

Ululahu Korin 12:28

God neke lilisei soasopai naikno te mala edi soasopai gna gloku ka khiloau gne. Ulu lahu na, mana neu lilisei hatimare mae khuru, fapea na, hatimare mae profet. Fatilo na, hatimare mae velepuhi. Eghuteuna kehare mala eꞌei kofubobhoi, nei kehare mala fakelidi iheire te fogra, nei kehare mala totogho, nei kehare mala baubatu ka khiloau, nei kehare mala cheke ka keha nafnata cheke.

Ululahu Korin 7:19

Naugna te vahe ba te theome vahe na theome glepo ulu. Glepo te ulu na te leghuni ngala nogna vetula God na.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Efesus 6:19

Eghuteuna ghotilo jaola tarai ghau iara, mala tangomana God te tusu mei ka iara cheke te mala toutonuni iara na. Tarai ghau iara te mala theome mhaghuni te mala toutonu cheke te tutuani eigna Nonomho te Keli na.

Ululahu Korin 4:1

Ghotilo mala ghatho ghami ghehati jateula nogna mae gloku Kraes eghu, eigna God vahi ghami ghehati mala toutonuni nogna cheke God teke poru tifa igne.

Letas Teke Riso Tei Mae Pol Ka Khiloau Rom 11:25

Uve kheraguro, iara magnahaghe ghami te thofno laseni glepo biꞌo te poru igne, eigna glepo te poru igne ginauna togho ghami mala thosei fahaehaghe ghotilo. God ne fapatugamadi nagnafadi mae Jiu gre ghilei thokeni narane te mala ke pulo mei ka God hatimare mae iheire te theome Jiu teke vavahi mana gre.

Matiu 21:19

Kate filoni kaisei gaju fig ka geri nabrou na, mana tei ne filo, eghuteuna theo kaisei sisi te au na, nu khogla khakla kolho. Mana ne cheke eghu ka gaju na, “Funu gognaro te haghe na iagho ginauna theo sisimu!” Aonu, gaju tuana ghosei ne brango soru.

Matiu 13:11

Mae Jisas ne cheke eghu ka mare, “Te eni iara igne, naugna God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Fapea Korin 12:11

Iara cheke jateula kaisei mae te fameomekro eghu, nu ghotilo huhuru ghau iara mala eni igne. Nabami ghotilo te mala chekedi nogu gloku te keli te edi iara gre. Iara laseni te fiti mae kolho iara na, neuba, iara theome au ke paridi mae iheire te kilodi ghotilo “Hatimare mae khuru keli fara.”

Ululahu Korin 14:39

Eghume kheraguro, ghotilo fariuriu fara te mala hata nolaghi te mala toutonuni chekegna God na. Nu ghotilo mala thosei fanograni ihei te au nolaghi te mala chekeni chekegna God ka keha nafnata chekei na.

Ululahu Korin 8:4

Eghume igne unha te chekeni iara eigna te ghamu gano teke fafara ka mumuju na. Eigna te laseni tahati na, u mumuju na tharumaꞌei lepo kolho ka nauthoglu igne. Eghuteuna te laseni langau tahati na jare na kaisei God ngala.

Mae Khuru 13:1

Igre mae profet nei mae velepuhi eghu te au ka khiloau Antiok re: mae Banabas; nei mae Simion mae te kiloni mae Pipito; nei mae Lusias mae gna Saerini; nei mae Manaen mae ihei teke biꞌo haghe balugna mae funei Herod Antipas; nei mae Sol.

Letas Teke Riso Tei Mae Pol Ka Khiloau Rom 15:14

Kheraguro, iara thofno laseni eigna ghotilo edi fabrahu puhi te kelire, naugna ghotilo lasenihi puhigna God na nei tangomana te farirhiudi naiknore thofno chekegna God.

Ululahu Korin 11:4

Jame kaisei mae khiloau toku tafru pha'ugna na, kate tarai ba toutonuni chekegna God na, mana faparini Kraes.

Ululahu Korin 13:8

Nogna namha mana ranghidi keha naiknore na theome gnafa. Nu nolaghi te mala toutonuni mana chekegna God na, ginauna hui nei nogna nolaghi te mala chekeni chekegna God ka soasopai nafnata cheke na ginauna hui, nei nogna glalase biꞌo eigna puhigna God na ginauna jaola hui.

Ululahu Korin 14:4

Ihei te chekeni chekegna God ka soasopai nafnata chekei na, mana tangomana te mala toghoni kolho nogna fatutuani thegna na, nu ihei te toutonuni chekegna God na, mana tangomana te toghodi nodi fatutuani naikno te gnafa ka khiloau na.

Ululahu Korin 14:29

Eghuteuna te mala toutonuni chekegna God na, theome kmana, nu phei ba thiloi ngala te mala cheke na. Eghuteuna keha naiknore mala vahi fakelini unha te toutonuni mare na.

Ululahu Korin 15:51

Iara magnahaghei te chekeni kaisei glepo teke poru tifa ia. Tahati ginauna theome kafe lehe, nu tahati na karhau ngala kate nomhini naogla gna khufli ka narane leghu lahu na, tahati te gnafa na ginauna ghosei tughu ngala jateula nakafli eghu. Uve, kate tanhi gna khufli na, naikno teke lehehira ginauna nake ghosei karha fapulo mala karha fabrahu tifa tifa. Eghuteuna tahati te karha nga teugre mala jaola e tughu.