Ululahu Korin 13:12 - Buka Blahi Ka Cheke Holo

¹² Gognaro na tahati theome tangomana te thofno filo glanidi glepo eigna God re jateula te filo ka thiro te theome klino ia eghu. Nu ka narane nathuꞌu nauriha na, tahati ginauna filo fakelidi gobigna lepore jateula ka tathagna God thegna eghu. Eghume unha te laseni iara eigna God gognaro na, theome naba. Nu ka narane tuana, iara ginauna na thofno lase fakelini God, jateula God te thofno lase fakeli ghauhi iara eghu.

Ululahu Korin 13:12 ပူးပေါင်းရင်းမြစ်များ

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Filipae 3:12

Iara theome chekeni nakarhagu ka mae Jisas Kraes na la gnafahi teuna. Theo! Nu gognaro na iara loku heta te mala hatagna u taba tela kulu tarabanahi mana malagu iara teku ia.

Thakle 22:4

Mare ginauna filoni God fabrahu, eghuteuna rioriso nanghagna mana na ka greredire.

Jemes 1:23

Naugna mae ihei te khogla nomhini kolho chekegna God na nu theome leghuni teuna, mana jateula mae ihei te khogla filoni kolho naungogna thegna na ka thiro na ia eghu kolho.

Matiu 5:8

Keli tadi iheire te thofno namhani God. Naugna mare ginauna au balugna God.

Ululahu Korin 8:3

Nu ihei te namhani God na, God laseni mana.

Letas Teke Riso Tei Mae Pol Ka Khiloau Rom 8:18

Iara thofno laseni igne, kate ghatho laoni tahati u nakarha te ulu tulao nate tusu mei God ka tahati igne, glepo te para ghita gognaro igre theo nafudi kolho.

Naba 12:8

Tuana site mei fakakhana iara te facheke teu balugna mana grea, eghuteuna kate facheke teu iara balugna mana na, iara theome chekedi cheke te ninhigrana gaoghathodire. Nu iara facheke balugna mana ka cheke te bligi gaoghathodire. Mana la filo ghauhi iara. Ne unha site theome mhaghu ghopa te cheke faparini nogu mae gloku iara gnea?”

Jenesis 32:30

Mae Jekop ne cheke eghu, “Iara la filonihi tathagna nei foflogna teu God na, eghuteuna iara gne na theome lehe eghu.” Aonu mae Jekop ne kiloni vido igne Peniel.

Matiu 18:10

Mae Jisas ne cheke eghu, “Fiofilo ghami ghotilo ia, thosei filo soruni kaisei sua ka igre. Nu te chekeni iara ka ghotilo na, nodi engel sua igre au fabrahu kligna balugna mae Mama.

Eksodas 33:11

Lord ne cheke balugna Moses jateula kaisei mae te cheke teu balugna mae kheragna ra neu. Leuleghu fata kate cheke te gnafa phia mare na, Moses figri ke pulo ka nodi vidore. Nu Josua mae majaghani thugna Nun igne, mana tangomana te toghoni Moses, mana au fabrahu kolho lamna ka suga tapuale ikoi igne.

Profet Esikiel 17:2

“Maegna ka nauthoglu. Iagho chekeni kaisei cheke naba ka naiknodi Israel.

Thoutonu Eigna Mae Job 19:26

Neuba fogra igne ne goigoni ni thinigu iara na, iara ginauna tangomana te filoni God kate karha iara na.

Thoutonu Eigna Mae Job 36:26

Tahati theome tangomana te lase fakelini nogna nolaghi God na, eghuteuna tahati theome tangomana te kahadi finogha gna manare.

Ululahu Korin 13:11

Tifa, kani suai gu na, nogu cheke nei nogu glalase nei nogu gaoghatho teure jateula sua eghu kolho. Nu gognaro na iara mae biꞌohi, iara theome jateula sua eghu.