Ululahu Korin 12:28 - Buka Blahi Ka Cheke Holo

²⁸ God neke lilisei soasopai naikno te mala edi soasopai gna gloku ka khiloau gne. Ulu lahu na, mana neu lilisei hatimare mae khuru, fapea na, hatimare mae profet. Fatilo na, hatimare mae velepuhi. Eghuteuna kehare mala eꞌei kofubobhoi, nei kehare mala fakelidi iheire te fogra, nei kehare mala totogho, nei kehare mala baubatu ka khiloau, nei kehare mala cheke ka keha nafnata cheke.

Ululahu Korin 12:28 ပူးပေါင်းရင်းမြစ်များ

Ululahu Korin 12:18

Nu theome ka puhi tuana God teke vuavuha ghita na. Tutuani mana neke vuavuha kmana vido malagna thinida na eghuteuna lilisei soasopai vido aheva mana te magnahagheni.

Efesus 3:5

Tifa na God neke theome chekeni ka naiknore eigna u gaoghatho teke poru igne. Nu gognaro na Tharungagna God na la falalasehi ka hatimare nogna mae khuru te blahi nei hatimare nogna mae profet.

Hibru 13:24

Ghotilo kubae ka mae biꞌo te gnafa ka khiloau gne baludi nogna naikno are. Naikno khiloau teke mei funudi ka namono Itali igre jaola kubae ghami la ghotilo.

Hibru 13:17

Hatimare nomi mae mala baubatu ghotilo re reireghidi nakarhamire. Mare ginauna na kegra ke ulugna God mala toutonu ka mana eigna nodi gloku teke eni mare ka nauthoglu igne. Eghume ghotilo leghudi nei ghatho tahudi eghu mare mala tangomana te gleale'a ka nodi glokure. Te loku balu diꞌanagnafa mare na, igne ginauna na theome togho ghami ghotilo.

Ululahu Timoti 5:17

Mae biꞌo te baubatu fakeli ka khiloau nei tulao iheire te loku heta kate toutonuni nei farirhiuni teu chekegna God na naba te hata taba na.

Efesus 2:20

Tahati naikno khiloau na jateula kaisei suga teke horo God eghu. Suga igne babana famaku ke klignadi hatimare mae khuru nei hatimare mae profet, jateula gogho thina eghu, eghuteuna thofno thina ulugna suga igne thegna mae Jisas Kraes ngala.

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Naba 11:17

Iara ginauna soru mala cheke balumu iagho jare. Eghuteuna iara ginauna atha keha nolaghi gna nogu Tharunga te Blahi ka iagho ra, mala ke tufa lao ka mare. Mala tangomana mare te togho nigho mala reireghidi naiknore, mala nu theome nanga nou iagho eghu.

Ululahu Korin 10:32

Thosei eni kaisei puhi te mala roꞌeni nodi fatutuani keha naiknore, neubane mae Jiu, ba mae te theome Jiu, ba naikno khiloau.

Luku 6:14

Nanghadi nabotho phei mae khurure igre. Mae Simon, fapea nanghagna na mae Pita, nei Aduru tahigna mana na; mae Jemes ghe mae Jone; mae Filip ghe mae Batolomiu;

Nonomho Te Keli Teke Risoi Mae Mak 16:17

Eghuteuna iheire te fatutuanire, God ginauna tusu ranghidi nolaghi, mala tangomana mare ei kofubobhoi. Mare ginauna tangomana te brue naitu ka nanghagu iara. Eghuteuna mare ginauna cheke ka keha nafnata cheke majaghani teke theome laseni mare tifa na.

Mae Khuru 11:27

Ka narane tuanala keha mae profet re ne jifla Jerusalem ne tei thoke Antiok.

Ululahu Korin 12:29

Mare theome kafe mae khuru ba profet ba velepuhi. Mare theome kafe au nolaghi mala eꞌei kofubobhoi,

Ululahu Korin 12:30

ba mala fakelidi iheire te fogra, ba mala cheke ka keha nafnata cheke, ba mala rurutha gaoghathogna nafnata cheke tuana.

Ululahu Korin 14:2

Tutuani, ihei te chekeni chekegna God ka soasopai nafnata chekei na, mana theome cheke ka naikno, nu mana cheke ka God kolho. Theo kaisei naikno te tangomana te laseni nafnata cheke tuana, naugna Tharunga te Blahi na neke tusu ranghini mana u nolaghi te mala chekedi glepo te poru igre.

Ululahu Korin 14:4

Ihei te chekeni chekegna God ka soasopai nafnata chekei na, mana tangomana te mala toghoni kolho nogna fatutuani thegna na, nu ihei te toutonuni chekegna God na, mana tangomana te toghodi nodi fatutuani naikno te gnafa ka khiloau na.

Ululahu Korin 14:5

Tutuani, iara magnahaghe ghami ghotilo hui te hata nolaghi te mala cheke ka soasopai nafnata cheke, ke tulaoi, nolaghi te mala toutonuni chekegna God na. Nu jame kaisei mae ka khiloau na au jare mala rurutha gaoghathodi cheke igre ka soasopai nafnata cheke, mana toghoni naikno khiloau na jateula mae mala toutonuni eghu chekegna God na.