Ululahu Korin 12:12 - Buka Blahi Ka Cheke Holo

¹² Kraes na jateula kaisei thini eghu, eghuteuna au kmana grerege thini tagna. Neubane au kmana nafnata vido tagna, mana kaisei thini ngala.

Ululahu Korin 12:12 ပူးပေါင်းရင်းမြစ်များ

Kolose 3:15

Eghuteuna snakreni nogna pharikeli Kraes na mala saghe leghudi gaoghathomire. Naugna God neke kilo ghami ghotilo mala au fodu jateula kaisei thini eghu ngala, nei u pharikeli igne tangomana te au balumi ghotilo. Eghuteuna leuleghu fata na ghotilo mala cheke fakelini God.

Ululahu Korin 12:27

Eghume, ghotilo te gnafa na thinigna Kraes. Ghotilo te gnafa na kaisei vido ngala ka thini tuana.

Kolose 2:19

nei mare theome au heta ka mae Kraes. Mae Kraes pha'ugna khiloau na, eghuteuna khiloau na jateula thinigna mana eghu. Eghuteuna pha'u na tangomana te edi grerege te gnafare te mala kotu heta nei kaisei baludi nhubra ghe naula. Eghuteuna thinigna mae Kraes gne na kotu haghe ka puhi te magnahagheni God na eghu.

Efesus 4:4

Tahati naikno khiloau gre kaisei thini ngala. Jare kaisei Tharunga te Blahi. Eghuteuna God neke kilo ghita tahati gnafa mala hata kaisei glepo te keli ngala te ofoni teu tahati na.

Ululahu Korin 10:17

Eghuteuna kaisei bret ngala. Eghume, neuba tahati ne kmana, tahati kaisei thini ngala, naugna tahati te gnafa na kafe ima ka kaisei bret ngala.

Efesus 5:30

Naugna tahati ka khiloau na jateula vido thinigna mana eghu.

Kolose 1:18

Mae Kraes ngala pha'ugna khiloau na, eghuteuna khiloau na jateula thinigna mana eghu, eghuteuna nakarhagna khiloau na mei funu ka mana. Mana ngala mae ulu lahu teke karha fapulo ka glehe na. Eghume mae Jisas ngala pha'udi gobigna lepo fateote'o re.

Efesus 5:23

Naugna mae nalhaꞌu na pha'ugna khetogna na, jateula Kraes te pha'ugna khiloau. Khiloau na u thinigna Kraes eigna mana neke fakarhinihi khiloau na.

Efesus 4:12

Mana neke eni igne mala tangomana nogna naikno te gnafa God re te mala loku fakelidi nogna glokure, nei mala kotu heta thinigna Kraes.

Galesia 3:16

Uve, God neke chekedi nhaꞌa cheke igre ka mae Ebraham nei thugna. Grioriso te blahi na theome neke cheke eghu, “Nei maladi goro thumu.” Tuana gaoghathogna na kmana naikno. Nu God neke cheke eghu, “Nei mala thumu iagho.” Tuana gaoghathogna na kaisei mae kolho, eghume mae tuana, mae Kraes.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Efesus 1:23

Eigna khiloau na thinigna Kraes, eghuteuna ka thini tuana te au mae ihei te au nolaghi ke klignadi gobigna lepo te au heva heva.

Ululahu Korin 12:7

Tutuani, Tharunga te Blahi na falalase nogna nolaghi na ka tahati gnafa, mala tangomana tahati te toghodi naiknore.

Ululahu Korin 12:20

Theome jateula tuana eghu, naugna kmana soasopai nafnata vido nu thini na kaisei glepo ngala.