Ululahu Korin 11:3 - Buka Blahi Ka Cheke Holo

³ Nu iara magnahaghe ghami ghotilo te mala lase fakelini eigna God na pha'ugna Kraes, eghuteuna Kraes na pha'ugna nalhaꞌu eghuteuna nalhaꞌu na pha'ugna khetogna na.

Ululahu Korin 11:3 ပူးပေါင်းရင်းမြစ်များ

Jenesis 3:16

Aonu God ne cheke eghu ka gaꞌase na, “Iagho ginauna na para nigho fara kate bukla na. Eghuteuna iagho ginauna na kabru gheu fara kate karha gna sua na. Neuba iagho ne au papara, iagho ginauna na magnahagheni fara khetomu na, eghuteuna mana ginauna na funei fruni nigho iagho.”

Kolose 3:18

Ghotilo goro gaꞌasera, leghudi khetomire, naugna ghotilo naikno khiloau.

Kolose 1:18

Mae Kraes ngala pha'ugna khiloau na, eghuteuna khiloau na jateula thinigna mana eghu, eghuteuna nakarhagna khiloau na mei funu ka mana. Mana ngala mae ulu lahu teke karha fapulo ka glehe na. Eghume mae Jisas ngala pha'udi gobigna lepo fateote'o re.

Ululahu Korin 3:23

Eghuteuna ghotilo nogna Kraes, eghuteuna Kraes na nogna God.

Efesus 4:15

Theo! Tahati mala cheke ranghidi kheradare unha te tutuani nei doglo balu namha, mala tangomana tahati te thofno kotu haghe te mala kaisei balugna Kraes mae ihei te pha'ugna khiloau.

Ululahu Pita 3:1

Jaola gaꞌase tholaghi ra, mala leghudi khetomire. Tutuani keha mae re theome fatutuaniu ngala chekegna God na. Te keli na puhimi ghotilo re jame te mala korho meidi mala fatutuani mare. Jame te eni ghotilo igne na, ghotilo theome naba te chekeni kaisei glepo ka mare na.

Kolose 2:19

nei mare theome au heta ka mae Kraes. Mae Kraes pha'ugna khiloau na, eghuteuna khiloau na jateula thinigna mana eghu. Eghuteuna pha'u na tangomana te edi grerege te gnafare te mala kotu heta nei kaisei baludi nhubra ghe naula. Eghuteuna thinigna mae Kraes gne na kotu haghe ka puhi te magnahagheni God na eghu.

Kolose 2:10

Eghuteuna ghotilo te kaisei balugna mae Kraes na, mana tusu ari ka ghotilo thofno nakarha na. Mana te funei frunidi thua engel fateo nei nolaghi fateo.

Jone 14:28

“Ghathoni unha teke cheke eghu iara ia, ‘Iara ginauna tei ka mae Mama, eghuteuna iara nake pulo mei ka ghotilo.’ Te thofno namha ghau iara ghotilo na, ghotilo ginauna keli tami te tei iara ka mae Mama na, naugna mae Mama na mae ke biꞌogu iarai.

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Profet Isaia 55:4

Iara neke vahini mana mala baubatu nei funei frunidi eghu naiknodi ka keha kantri are. Mana neke fakakhana nogu nolaghi iara na ka mare.

Profet Isaia 52:13

Lord ne cheke eghu, “Unha nate edi nogu mae gloku iara igne ginauna ari thofno horoghoto fara. Naiknore ginauna ghatho tahuni nei pala hagheni eghu nanghagna mana na kligna.