Ululahu Korin 11:29 - Buka Blahi Ka Cheke Holo

²⁹ Eigna jame ihei te ima bret igne nei koꞌu hinao igne teu nu theome filo glanini thinigna Lord te blahi na teuna, God ginauna fateni mana.

Ululahu Korin 11:29 ပူးပေါင်းရင်းမြစ်များ

Ululahu Korin 11:27

Eghume jame ihei te ima bret igne nei koꞌu ka nogna hinao Lord teu ka nagnafa te theome nabagna na, God ginauna na fateni mana naugna mana ne lausasaba thinigna nei dadaragna teu noda Lord na.

Ululahu Korin 11:30

Naugna igne, kmana ka ghotilo nigra nei fogra nei kehare la lehehi.

Jemes 3:1

Kheraguro, theome kmana mae ka ghotilo te magnahaghei mae velepuhi ka khiloau gne. Naugna ghotilo laseni God ginauna na fate ghita tahati mae velepuhi gre ke tulaodi keha naikno te theome velepuhi are.

Hibru 5:14

Nu ihei te ghamu gano te maku na mana jateula mae tela biꞌohi eghu. Nafnata naikno tuana au fabrahu tagna gaoghatho te keli mala laseni unha glepo te keli ba unha glepo te diꞌa.

Ululahu Korin 11:24

neke cheke fakelini ka God. Mana piepike bret na ne tusu ranghidi nogna mae fanomhore neke cheke eghu, “Igne thinigu iara na malami ghotilo. Hata ima, mala ghatho fapulo ghau iara.”

Letas Teke Riso Tei Mae Pol Ka Khiloau Rom 13:2

Eghume ihei te huhughuni mae biꞌo ka gavman na, mana huhughuni unha teke eni haghe God na. Eghuteuna ihei te eni igne na, mare ginauna fateni mana.

Eklesiasti 8:5

Ihei te leghuni nogna cheke king na, king ginauna na theome eni kaisei puhi te diꞌa ranghini mana, eghuteuna mae ihei te autagna gaoghatho te keli na laseni thofno narane te mala fadoglidi glepo igre.

Jemes 5:12

Kheraguro, kaisei glepo biꞌo te mala laseni ghotilo na igne. Ne nhaꞌa cheke nganu, ghotilo thosei baubahu lao ka kaisei glepo kligna ba pari ba unha langau. Chekeni ngala, “Uve, tutuani fara” ba chekeni ngala, “Theo, theome tutuani.” Te theome eni ghotilo igne na, God ginauna na fate ghami ghotilo.

Luku 7:34

Eghuteuna kate thoke mei iara te ima nei koꞌu teuna, naiknore ne cheke eghu, ‘Filoni si ghotilo mae igne! Mana ima nei koꞌu teuna ngala te glepo ulu ka mana na! Eghuteuna, mae te diꞌa te salo takis nei keha mae te diꞌa la teu igre ngala te mae kheragna mana re.’

Ululahu Korin 11:28

Naugna igne mana kulu filo glaninighu nagnafagna thegna na ame ima nga bret igne nei koꞌu nga hinao igne eghu.