Ululahu Korin 11:25 - Buka Blahi Ka Cheke Holo

²⁵ Jaola, ke leghugna te ima bret na, mana hata hinao na ne cheke eghu, “Hinao igne u nhaꞌa cheke majaghani funu ka God ranghidi nogna naiknore. Nhaꞌa cheke majaghani igne farerheta ka dadara glehegu iara na. Kate ko'uni igne, ghotilo ghatho fapulo ghau iara.”

Ululahu Korin 11:25 ပူးပေါင်းရင်းမြစ်များ

Luku 22:20

Ke leghugna te gnafa ima na, mana jaola neke hata hinao na, ne cheke eghu, “Waen igne fagaglana gna nhaꞌa cheke majaghani teke eni God ka nogna naiknore. Eghume nhaꞌa cheke majaghani igne fufunu ka dadaragu iara te thofa te mala fakarhi ghami ghotilo gnafa.”

Hibru 13:20

Dadaragna noda Lord Jisas fufunu gna nhaꞌa cheke te theo ka huigna teke eni God ka nogna naiknore. God mae ihei te tusu mei ranghi ghita u nogna pharikeli na neke fakarha fapuloni mae Jisas, mae biꞌo mala reireghi sipu.

Fapea Korin 3:6

Tutuani, God neke eni kaisei nhaꞌa cheke majaghani baludi nogna naiknore. Mana ngala te fatangomana ghami ghehati te mala loku ranghini mana mala toutonu ka naiknore eigna nhaꞌa cheke majaghani na. Igne u nabrou teke eni mana mala fakarhidi mare. U nhaꞌa cheke majaghani igne theome glepo neke rioriso soru ka nogna vetula mae Moses nu nogna Tharunga te Blahi. Naugna vetula tuana mala faleheni naikno na, nu Tharunga te Blahi na mala tusu meini u karha na.

Ululahu Korin 10:16

Ghotilo ghathoni u hinao te cheke fakelini tahati ka God ia. Kate koꞌu tahati ka hinao igne, tahati kaisei ka dadaragna Kraes. Eghuteuna kate ima u bret te piphike igne, tahati kaisei ka thinigna Kraes.

Fapea Korin 3:14

Nu gaoghathodire neke thono romno fara tifa na. Neuba gognaro gne, kate iu'ijuni naiknore u nogna vetula mae Moses na, gaoghathodire romnou ngala. Tutuani, Kraes na ngala te hata fadelei gaoghatho te faromnodi mare igne kate kaisei mare balugna mana na.

Eksodas 24:6

Mae Moses ne lilisei ka keha dis biꞌo vido dadaradi buluka igre eghuteuna atha keha vido dadara na mala fuafusa ke kligna olta.

Eksodas 24:8

Aonu mae Moses ne atha dadara te au ka dis na igre ne fuafusa ke klignadi naiknore, ne cheke eghu, “Igne u dadara te mala farerhetagna u nhaꞌa cheke te eni Lord balumi ghotilo gognaro igne.”

Profet Jeremaea 31:31

Lord ne cheke eghu: “Fanomho ghotilo ia. Iara la vahinihi kaisei narane eigna iara ginauna eni kaisei nhaꞌa cheke majaghani baludi Israel ghe Juda.

Ululahu Korin 11:24

neke cheke fakelini ka God. Mana piepike bret na ne tusu ranghidi nogna mae fanomhore neke cheke eghu, “Igne thinigu iara na malami ghotilo. Hata ima, mala ghatho fapulo ghau iara.”