Ululahu Korin 11:23 - Buka Blahi Ka Cheke Holo

²³ Farirhiu teke hata iara ka Lord na tela tusu arihi iara ka ghotilo ana. Tutuani, ka bongi mae Judas teke snakreni Jisas ka khamedi mae naokare, Lord Jisas neke hata bret na,

Ululahu Korin 11:23 ပူးပေါင်းရင်းမြစ်များ

Ululahu Korin 15:3

Cheke te ulu fara teke hata iara na tela toutonu arihi iara ka ghotilo ana. Tutuani, nogu cheke iara na igne, mae Kraes na neke lehe mala hata fadeleidi nakhibodare, jateula te chekeni teu kau grioriso te blahi na.

Ululahu Tesalonika 4:2

Eigna ghotilo lasedihi farirhiu teke tusu ari tami ka nogna nolaghi noda Lord Jisas.

Diutronomi 4:5

“Iara la farirhiu ghamihi ghotilo cheke nei vetula teu igre leghuni unha teke cheke ranghi ghau noda Lord God. Iara eni igne mala leghudi ghotilo vetula igre kate au teu ghotilo ka glose te hata ghotilo re.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Galesia 1:1

Mae Jisas Kraes nei God Kmada neke vahi ghau iara mae Pol mala kaisei nogna mae khuru. Naiknore neke theome vahi ghau iara, eghuteuna theo kaisei naikno teke tusu mei ka iara u nolaghi te mala loku jateula mae khuru. Nu God mae ihei teke fakarha fapuloni mae Jisas kau glehe ia teke eni igne ka iara na.

Mae Khuru 20:7

Ka grafi Sarere ghehati salo fodu mala tarai nei ima fodu. Mae Pol ne cheke fabrahu ranghidi naikno khiloau re ne ghilei farihotei bongi, naugna mana magnahaghei teke jifla keha narane. Eghume igne nogna toutonu leghu lahu mana ranghidi naikno khiloau igre.

Matiu 26:34

Mae Jisas ne cheke eghu ka mae Pita, “Tutuani fara te chekeni iara ka iagho na. Iagho ginau bongi na, iagho na chekeni ne theome lase ghau iara teuna. Iagho na thilo fata chaghi ghau iara ame taitanhi nga khokorako na eghu.”

Matiu 26:17

Ka narane ululahu Gaghamu Bret te Theo Isi gna na, mae fanomhore mei ne cheke eghu ka mae Jisas, “Aheva te magnahagheni iagho te mala tarabana ghehati Gaghamu Ghasa-Polho te mala ima iagho na?”

Matiu 26:2

“Ghotilo lasenihi, nauriha na narane Gaghamu Ghasa-Polho. Ka narane tuana mae te majora ghau iara na ginauna snakre lao ghau iara ka khamedi nogu naoka iara re mala tupijuru ghau iara ka gaju fafatha.”

Luku 22:17

Eghuteuna, mae Jisas ne hata kaisei hinao te fodu ka waen ne cheke fakelini ka God. Mana ne cheke eghu ka mae fanomhore, “Ghotilo, hata hinao igne mala kafe koꞌu tagna.

Ululahu Korin 10:16

Ghotilo ghathoni u hinao te cheke fakelini tahati ka God ia. Kate koꞌu tahati ka hinao igne, tahati kaisei ka dadaragna Kraes. Eghuteuna kate ima u bret te piphike igne, tahati kaisei ka thinigna Kraes.