Ululahu Korin 11:10 - Buka Blahi Ka Cheke Holo

¹⁰ Eghume, naugna igne gaꞌase na mala toku tafru pha'ugna na kate tarai ba toutonuni chekegna God na. Gaꞌase na jaola mala toku tafru pha'ugna na naugna naꞌa mala cheke ke uludi hatimare mae engel. Igne u fagaglana gna naꞌa te au ke parigna nogna nolaghi khetogna na.

Ululahu Korin 11:10 ပူးပေါင်းရင်းမြစ်များ

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Matiu 18:10

Mae Jisas ne cheke eghu, “Fiofilo ghami ghotilo ia, thosei filo soruni kaisei sua ka igre. Nu te chekeni iara ka ghotilo na, nodi engel sua igre au fabrahu kligna balugna mae Mama.

Jenesis 20:16

Mae Abimelek ne cheke eghu ka Sera, “Iara neke tusu lao ka mae thabusimu iagho gne kaisei thogha silva. Iara neke eni igne ke uludi naikno gre jateula teke poloru gna eghu puhi teke hata mei nigho iara ka sugagu gne. Iara magnahaghedi naikno te gnafa te au balumu iagho igre te lase nigho iagho teke theome eni kaisei najafra na.”

Eklesiasti 5:6

Thono diꞌa fara te chekeni iagho cheke te mala batu nigho ka nakhibo na. Jaola iagho thosei tei cheke eghu ka mae pris, “Nogu nhaꞌa cheke iara igne jafrau.” Ba, iagho magnahagheni God te diꞌatagna ka iagho te goigonidi gobigna lepo teke loku teke kmusadi iaghore sia?

Ululahu Korin 11:9

Eghuteuna God neke theome vuavuha nalhaꞌu na mala toghoni gaꞌase, nu God neke vuavuhani gaꞌase na mala toghoni nalhaꞌu.

Ululahu Korin 11:11

Naugna nakarhada ka Lord na gaꞌase ghe nalha'ure theome mala sopa au.