Ululahu Korin 10:9 - Buka Blahi Ka Cheke Holo

⁹ Eghuteuna tahati mala thosei fariuriuni Lord jateula mare eghu, eigna mogo na neke falehedi mare.

Ululahu Korin 10:9 ပူးပေါင်းရင်းမြစ်များ

Nodi Khoje Hatimare Mae Jiu 78:18

Mare magnahaghei te fariuriuni God mala tusu ranghidi mana u gano te magnahagheni mare na.

Eksodas 17:7

Naiknore ne diꞌa tadi ne fariu riuni Lord ne ghusna eghu, “Lord na au baluda tahati ba theo?” Aonu mae Moses ne kiloni vido igne Masa, gaoghathogna na “Fariu riu” nei Meriba, gaoghathogna na “Diꞌa tadi.”

Eksodas 17:2

Aonu naiknore ne diꞌa tadi fara ka mae Moses, ne cheke eghu ka mana, “Tusu mei ka ghemi khoꞌu mala koꞌu ghehati!” Mae Moses ne cheke eghu ka naiknore, “Naugna unha site diꞌatami ghotilo ka iara gnea? Ba, ghotilo magnahaghei te fariu riuni nogna nolaghi Lord na sia?”

Nodi Khoje Hatimare Mae Jiu 78:56

Neubane eghu ngau, mare heta ghedi te figri tagruni God mae ihei te thofno fnakno fara na. Uve, mare magnahaghei fara te fariuriuni mana na. Eghuteuna mare jaola theome tajini nogna vetula mana na.

Diutronomi 6:16

Ghotilo thosei fariuriuni Lord, nomi God jateula teke eni ghotilo tifa kani au teku ghotilo ka namono Masa ia eghu.

Nodi Khoje Hatimare Mae Jiu 106:14

Kate au teu mare ka namono nagou na, mare neke rofo fara, aonu mare neke tore gano ka God mala fariuriuni mana.

Nodi Khoje Hatimare Mae Jiu 95:9

Neuba mare ne filodi unha teke edi iara tadire, mare fariuriu mala laseni glaula me namhadi iara ba theo.”