Ululahu Korin 10:30 - Buka Blahi Ka Cheke Holo

³⁰ Iara tangomana te cheke fakelini God eigna gano tuana. Eghume naugna unha si keha naikno gre te cheke fanogra ghau iara eigna glepo teke cheke fakelinihi ka God gnea?”

Ululahu Korin 10:30 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 14:6

Mae ihei te ghathoni kaisei narane na ulu fara teuna, mana eni igne naugna mana ghatho tahuni Lord. Eghuteuna mae ihei te ima thua nafnata gano na, mana eni igne naugna mana ghatho tahuni Lord, eghuteuna mana jaola cheke fakelini God eigna gano tuana. Eghuteuna mae ihei te theome ima thua nafnata gano na, mana eni igne naugna mana ghatho tahuni Lord, nei jaola cheke fakelini God eigna gano tuana.

Letas Teke Riso Tei Mae Pol Ka Khiloau Rom 14:16

Jame te eni iagho glepo ne keli teu ka gaoghathomu iagho na nu batu fadiꞌani mae kheramu fofodu na teuna, iagho thosei eni glepo tuana. Naugna naiknore ginauna mala cheke fadiꞌadi puhimi ghotilo te keli te au ka gaoghathomire.

Ululahu Korin 9:1

Ghotilo lase ghauhi iara, eigna iara kaisei mae te snagla te eni unha te magnahagheni thegu na. Eghuteuna ghotilo jaola lase ghau iara kaisei mae khuru. Ghotilo lase ghau iara neke filoni mae Jisas noda Lord. Eghuteuna ghotilo lasenihi eigna ghotilo te gnafa na funu fatutuani ni Lord ka nogu gloku iara na.