Ululahu Korin 10:20 - Buka Blahi Ka Cheke Holo

²⁰ Theo! Nu unha te fafara iheire te theome fatutuani ni God re, mare fafara ka naitu kolho, theome ka God. Eghuteuna iara theome magnahaghe ghami ghotilo te kaisei balugna naitu na.

Ululahu Korin 10:20 ပူးပေါင်းရင်းမြစ်များ

Thakle 9:20

Keha naikno ka nauthoglu igne re ne theome lehe ka papara biꞌo igre. Nu mare tirodi tughu nagnafa nei figri tagrudi eghu mumuju teke horo thedi ka khamedire. Tutuani, mare theome gnafa ka puhi te pogho soru ka naitu nei mumuju eghu teke hohoro ka gol, silva, bras, thina, nei gaju. Glepo igre theome tangomana te fifilo ba nonomho ba nonolo.

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Fapea Kronikols 11:15

Jeroboam fablahidi nogna pris thegna re te mala loku ka vido blahire. Mare tarai tufru soru ka mumuju nanigot nei ka sua buluka.

Levitikas 17:7

Aonu ghotilo mala thosei ke fafarai ka nanigot naitu tuana, naugna puhi igne jateula gaꞌase te tei balugna mae te theome khetogna naꞌa ia eghu. Igne vetula te mala leghuni fabrahu ghotilo na.

Matiu 4:9

Eghuteuna Satan ne cheke eghu, “Gobigna lepo igre iara na snakre ari ka iagho, eghu jame te tuturupuku te pogho soru iagho ranghi ghau iara na.”

Galesia 4:8

Tifa, kani teke theome raꞌe lase fakelini teku God na, ghotilo neke sneka ka mumuju kolho.

Thakle 2:14

Nu kaisei glepo langau te theome magnahagheni iara ka ghotilo na. Keha naikno ka ghotilo re leghuni nogna farirhiu mae Belam. Tifa na mana neke farirhiuni mae King Balak mala chaichaghidi naiknodi Israel re, naugna mana magnahaghedi naiknore te tapla jafra ka nakhibo. Mana farirhiudi mala ghamu gano teke fafara ka mumuju na, eghuteuna batudi kau puhi gnognoro.

Thakle 2:20

Nu kaisei glepo ngala te theome magnahagheni iara ka ghotilo na. Eigna ghotilo ne snakreni Jesebel ne eni unha te magnahagheni naꞌa na. Jesebel gne kaisei gaꞌase gnognoro fara nu naꞌa chaichaghi ne cheke eghu, ‘Iara kaisei nogna profet God.’ Tutuani, Jesebel gne ne korho fadeleidi nogu naikno iara re mala leghuni nogna farirhiu thegna te jafra fara na. Naꞌa baubatudi naiknore mala gnognoro nei ghamu gano teke fafara ka mumujure eghu.