Ululahu Korin 10:18 - Buka Blahi Ka Cheke Holo

¹⁸ Ghatho laodi naiknodi Israel ra. Kate imani mare unha teke fafara ka God ka olta na, mare kaisei ngala balugna God.

Ululahu Korin 10:18 ပူးပေါင်းရင်းမြစ်များ

Galesia 6:16

Iara toreni God mala tusu lao pharikeli nei lolokeli ka iheire te leghuni gaoghatho igne nei ka iheire te gnafa te thofno nogna naikno God.

Levitikas 7:6

Kaisei mae ka tharaknadi mae pris igre tangomana te ghamu nafnahigna na, nu mare mala ghamu lamna ka Suga Tapuale te Blahi na naugna fafara igne thono blahi fara.”

Ululahu Korin 9:13

Ghotilo lasedihi iheire te loku ka Sugablahi ra, mare tangomana te hata gano ka Sugablahi na. Eghuteuna iheire te gahu fafara ka olta ra, mare tangomana te hata vido gano teke fafara mare ka olta na.

Letas Teke Riso Tei Mae Pol Ka Khiloau Rom 4:12

Eghuteuna mae Ebraham gne jaola kuꞌeda tahati mae Jiu te tohi fagaglana gre nei jaola te fatutuani ni God. Tutuani fara, tahati fatutuani ni God mala fadoglo ghita jateula mae kuꞌeda Ebraham teke fatutuani funu ka narane teke theome tohi fagaglana teku na.

Letas Teke Riso Tei Mae Pol Ka Khiloau Rom 4:1

Unha te laseni tahati eigna fatutuani kate filoni tahati nakarhagna mae kuꞌeda Ebraham tifa ia?

Letas Teke Riso Tei Mae Pol Ka Khiloau Rom 1:3

U Nonomho te Keli igne eigna Thugna Jisas Kraes noda Lord. Mana neke karha mei ka vikegna mae King Devet. Eghuteuna mana mae blahi jateula God eghu, eghuteuna God neke fakarha fapuloni mana ka nogna nolaghi biꞌo na nei mala laseni naiknore mana te thofno Thugna God na.

Levitikas 7:7

Lord ne cheke eghu, “Kaisei vetula au maladi phei nafnata fafara igre, fafara mala doglo naikno na ka tathagu iara na, nei fafara mala poloru igne. Vetula igre chekedi nafnahidi phei fafara igre ghedi mae pris, mae ihei te edi fafara igre.

Diutronomi 12:17

Gobigna lepo te tufa ghotilo ka Lord igre, ghotilo thosei ghamu ka sugami re. Neubane kaisei ka fabothodi gano ba waen ba oel, eghuteuna neubane sua karha ulu ka nomi glepo te tautagu ghotilo, ba fafara eigna kaisei nhaꞌa cheke, ba kaisei fafara te eni ghotilo leghuni unha te magnahagheni ghotilo na, ba keha fafara la ngau, gobigna lepo jateula igre teuna blahi te ghamu ghotilo ka sugami re.

Hibru 13:10

Mae Kraes ne snakreni thegna jateula kaisei fafara malada tahati. Nu iheire te leghuni fabrahu nodi vetula hatimare mae Jiu eigna u fafara na, mare theo kaisei nodi nolaghi te mala hata kaisei glepo te keli ka nogna fafara mae Kraes.