Ululahu Korin 10:16 - Buka Blahi Ka Cheke Holo

¹⁶ Ghotilo ghathoni u hinao te cheke fakelini tahati ka God ia. Kate koꞌu tahati ka hinao igne, tahati kaisei ka dadaragna Kraes. Eghuteuna kate ima u bret te piphike igne, tahati kaisei ka thinigna Kraes.

Ululahu Korin 10:16 ပူးပေါင်းရင်းမြစ်များ

Mae Khuru 2:42

Eghuteuna naikno igre ne keli tadi fara ne fanomho fabrahu ka nodi farirhiu hatimare mae khuru, nei mala toghodi mare ka nodi tothoghei thedi na, nei ghamu fodu, nei tarai fodu.

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Hibru 3:14

Eni igne naugna tahati hui mala kaisei balugna mae Kraes, eghu te loku famaku fabrahu tahati u fatutuani teke kulu au ka tahati igne.

Mae Khuru 2:46

Leghu narane na mare salo fodu kau nogna Sugablahi God na mala tarai fodu nei jaola ima fodu ka sugadire balu gleale'a ka nagnafa te keli,

Ululahu Korin 1:9

God na tathaji fabrahu nogna nhaꞌa cheke na ranghidi nogna naiknore. Mana kilo ghami ghotilo mala au fakeli balugna Thugna Jisas Kraes noda Lord.

Ululahu Jone 1:3

Gognaro na ghehati toutonuni ka ghotilo unha ghehati teke filoni nei nomhini, naugna ghehati magnahaghe ghami ghotilo te kaisei fofodu balumi. Tahati mala kaisei fofodu ngala balugna God Mama nei Thugna, Jisas Kraes.

Mae Khuru 20:7

Ka grafi Sarere ghehati salo fodu mala tarai nei ima fodu. Mae Pol ne cheke fabrahu ranghidi naikno khiloau re ne ghilei farihotei bongi, naugna mana magnahaghei teke jifla keha narane. Eghume igne nogna toutonu leghu lahu mana ranghidi naikno khiloau igre.

Ululahu Korin 12:13

Eghuteuna neuba tahati ne mae Jiu ba theome mae Jiu, mae sneka ba theome mae sneka, kaisei Tharunga te Blahi ngala teke kafe faꞌapublahi ghita na mala jateula kaisei thini eghu tahati. God neke tusu ranghi ghita hui kaisei Tharunga te Blahi ngala mala au ke lamnada.

Mae Khuru 20:11

Ke leghugna igne mae Pol neke haghe ka chogho ke kligna na ne piepike bret na ne ima fodu. Mae Pol ne cheke faraugha ranghidi naikno khiloau re ne ghilei hamerane. Aonu mana jifla kokodi mare ne tei.

Luku 22:17

Eghuteuna, mae Jisas ne hata kaisei hinao te fodu ka waen ne cheke fakelini ka God. Mana ne cheke eghu ka mae fanomhore, “Ghotilo, hata hinao igne mala kafe koꞌu tagna.

Ululahu Korin 10:15

Iara cheke ka ghotilo iheire te lalase ra mala vahini themi unha te chekedi iara tami gre, te doglo ba theo.