Ululahu Korin 10:13 - Buka Blahi Ka Cheke Holo

¹³ Gobigna lepo te mei fariuriu ghami ghotilo igre, nafnata glepo thoke dila naikno te gnafare. Nu God ginauna theome ghatho ihoni nogna nhaꞌa cheke te mala togho ghami na. Tutuani, mana ginauna theome snakreni kaisei fariuriu mala funei frunini nomi nolaghi ghotilo na. Naugna kate thoke mei ka ghotilo fariuriu na, God ginauna togho ghami ghotilo mala tangomana ghotilo te kegra heta na. Aonu, God ginauna jaola tusu ranghi ghami kaisei nabrou te mala gnafagna u fariuriu tuana.

Ululahu Korin 10:13 ပူးပေါင်းရင်းမြစ်များ

Fapea Pita 2:9

Thoutonu igre falalase ranghi ghita Lord ginauna fakarhidi iheire te fatutuani ni mana kate thoke meidi hoholo. Nu iheire te theome doglore, Lord ginauna paradi ghilei thokeni narane te mala fatedi naikno te gnafare.

Fapea Timoti 4:18

Lord Jisas Kraes ginauna hata fajifla ghau iara ka glepo te diꞌa fateote'o, eghuteuna hata tei ghau ka namono kligna aheva mana te King. Tahati kilo fnaknoni mana tifa tifa! Amen.

Fapea Tesalonika 3:3

Nu te keli na, ghotilo tangomana fatutuani ni Lord, naugna mana ginauna farheta ghami nei bara ghami ka nogna nolaghi mae Satan.

Hibru 12:4

Kmana naikno te diꞌa fara neke magra ghami ghotilo, nu theo kaisei ka ghotilo te lehe ka puhi igne.

Ululahu Tesalonika 5:24

Mae ihei te kilo ghami ghotilo ginauna na eni igne ranghi ghami ghotilo. Ghotilo tangomana te fatutuani ni mana.

Luku 22:46

Aonu mae Jisas mei ne cheke eghu ka mare, “Thuru unha si ghotilo ia? Dofra haghe mala tarai, mala theome khale ghami fariuriu.”

Profet Jeremaea 29:11

Iara Lord, iara ghathonihi unha te magnahaghei eni iara te mala togho ghami ghotilo na. Iara magnahaghei ghami ghotilo te au fakeli fabrahu mala theo kaisei puhi biꞌo nate thoke ghami ghotilo na. Iara magnahaghei ghami ghotilo te fatutuani ghau iara ghilei thoke mei narane te vahini iara na.

Profet Daniel 3:17

Nu God mae ihei te pogho soruni ghetilo na ginauna fakarhi ghami ghetilo ka khaꞌaghi te brana fara tuana, nei fakarhi ghami ka nou nolaghi iagho na.

Diutronomi 7:9

Te mala laseni ghotilo na Lord nomi God ghotilo na, mana ngala God mae ihei te ghatho tahu ghami ghotilo na. Eghuteuna mana tajini nogna nhaꞌa cheke na, eghuteuna mana namha ghami ghotilo iheire te namhani nei leghudi teu nogna vetula mana re. Kate namhani nei leghuni teu ghotilo mana na, mana tangomana te tajini u nhaꞌa cheke na balumi ghotilo nei thumi ghotilo re eghu fabrahu ghilei posani kmana thogha finogha.

Fapea Korin 1:10

God neke fakarha ghami ghehati kate namo lehe na, eghuteuna mana jaola ginauna nake fakarha ghami ghehati ke leghu na. Ghehati fatutuani ni fara igne eigna mana na fakarha ghami ghehati fabrahu,

Thakle 3:10

Ghotilo jaola leghuni nogu farirhiu iara te mala kegra heta fabrahu ghotilo ka nomi fatutuani na. Eghume, iara na togho ghami ghotilo mala fatutuani ghau iara fabrahu, neuba nogu mae naoka iara re ne fariuriu goigonidi nodi fatutuani naikno te gnafa ka nauthoglu igne.

Lamentations 3:23

Uve, puhigna Lord na au fabrahu, jateula narane majaghani te haghe fabrahu hamerane boibongi ra eghu. “Uve, Lord, iara cheke fakeli nigho eigna iagho ne namhadi fabrahu nou naiknore!”

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Ululahu Pita 4:19

Naugna igne, naikno te magnahaghedi God te mala au papara tulao eigna nodi gloku te keli ranghidi keha naiknore, snakre lao nakarhadire ka khamegna God. Naugna God neke vuavuhadi, mana theome tangomana te ghatho ihoni nogna nhaꞌa cheke te mala reireghidire.

Ululahu Jone 1:9

Nu te cheke thakledi tahati ka God nakhibodare, mana ginauna hata fadeleidi. Tahati fatutuani ni God te eni unha te doglo na. Eghume mana ginauna na hata fadelei nakhiboda nei fagae ghita ka thua najafra fateo.

Ululahu Korin 1:9

God na tathaji fabrahu nogna nhaꞌa cheke na ranghidi nogna naiknore. Mana kilo ghami ghotilo mala au fakeli balugna Thugna Jisas Kraes noda Lord.

Hibru 11:11

Mae Ebraham ne fatutuani ni God. Naugna igne, neuba mana ne kuekuꞌehi, eghuteuna Sera khara theo sua hi, God ne tusu lao nolaghi ka mae Ebraham mala kmagna mae Isak. Naugna mana fatutuani ni God na theome ghatho ihoni nogna nhaꞌa cheke na.

Hibru 10:23

Tahati mala kegra haghe balu rouronu kau nonomho te keli eidi glepo te fatutuani ni tahati nate thoke mei ginau. Eghume thosei ghatho peapea naugna God neke kulu nhaꞌa chekehi ka tahati. Mana ginauna edi glepo igre.

Luku 11:4

Hata fadeleidi tami nakhibomi gre, eigna ghehati mala jaola hata fadelei nakhibodi iheire te fadiꞌa ranghi ghami. Thosei snakreni kaisei glepo mala mei fariuriu ghami.’ ”

Nodi Khoje Hatimare Mae Jiu 125:3

God na theome tangomana te snakredi naikno te diꞌare te mala baubatudi nogna naiknore te mala eni puhi te diꞌa na.

Hibru 6:18

Uve, tahati laseni gaoghathogna God na ginauna theome tughu. Eigna mana neke kulu nhaꞌa cheke ka mae Ebraham nei jaola farerheta nhaꞌa cheke tuana kate cheke ka nhaꞌa cheke ka nanghagna thegna. Eghuteuna God na theome tangomana te chaghini naikno na! Eghume, ka phei glepo igre tahati te gnafa na thono rheta fara gaoghathodare. Uve, tahati rikha ari ka God mala reireghi ghita. Gognaro na tahati au noda fatutuani biꞌo te mala athini glepo teke nhaꞌa chekeni mana na.

Nodi Khoje Hatimare Mae Jiu 124:7

Tahati la snaglahi jateula nanghaji te jifla ka phighoro na te tei nogna ia eghu.

Profet Isaia 11:5

Mana ginauna funei frunidi nogna naiknore ka puhi te doglo ka tathagna God. Eghuteuna leuleghu fata na mana ginauna leghudi fabrahu nogna vetula God re.

Nodi Khoje Hatimare Mae Jiu 89:33

Nu iara ginauna na namhani fabrahu mae Devet, eghuteuna iara ginauna tajini nogu nhaꞌa cheke teke eni ka mana na.

Eksodas 3:17

Eghuteuna iara neke nhaꞌa chekehi mala atha fajifla ghami ghotilo ka nakarha te ninhigrana ka namono igne. Iara ginauna hata ghami tei ka kaisei namono te keli fara glosegna na, eghuteuna leghu fata na au kmana gano tagna. Igne nodi namono vikegna Kenan, nei vikegna Hit, nei vikegna Amoa, nei vikegna Peres, nei vikegna Hivi, nei vikegna Jebus.’

Thakle 19:11

Aonu iara ne filoni maloa na ne thora, eghuteuna iara ne filoni kaisei hose vegha. Mae te saghe ka hose na nanghagna na, “Mae ihei te eni fakeli nogna gloku na, nei nogna cheke na doglo fabrahu.” Kate fatedi naiknore nei kate tei ka magra teuna, puhigna mana na jaola doglo fara kolho.

Profet Hosia 2:20

Iara ginauna na leghuni nogu nhaꞌa cheke teke eni iara ka iagho ia mala au balumu fabrahu tifa tifa. Iagho lase ghauhi iara te nou God iagho na.

Profet Isaia 25:1

Lord, iagho nogu God iara. Iara ginauna cheke fakeli nigho, eghuteuna pala hagheni nanghamu iagho na. Iagho edi koba gobigna lepo te biꞌo re, la jaglo nodi fara naiknore. Naugna iagho neke ghathodi funu tifa te mala edi glepo igre, iagho neke tajini fabrahu nou nhaꞌa cheke na.

Luku 16:26

Theome tuana kolho, naugna jare farihoteida na au kaisei gloha mamhara te fanogra ghita na. Eghume ninhigrana fara kaisei naikno te funu ka ghehati te ari jare ka ghotilo na, eghuteuna theome tangomana la kaisei naikno ka ghotilo te kasa mei agne ka ghehati na.’

Profet Jeremaea 12:5

Lord ne cheke eghu ka iara, “Jeremaea, jame te fangenghele iagho baludi mare te babaꞌo na, faꞌunha eghu iagho tangomana te fangenghele ka hose na? Eghuteuna jame te uka iagho ka vido te gae na, faꞌunha eghu iagho tangomana te daka mata rhegna khoꞌu Jordan?

Profet Isaia 49:7

Lord, God te Blahi mae ihei te fakarhini Israel. Mana cheke ka ihei te tirodini fara naiknore nei nogna mae gloku mae ihei te mala funei fruni. Lord ne cheke eghu, “Hatimare mae king ginauna filo nigho eghuteuna kegra haghe mala fafnakno nigho. Mae biꞌore ginauna jaola pogho soru mala kilo fnakno nigho. Glepo igre ginauna thoke mei, naugna Lord nodi God te Blahi mae Israel igne, theome huhughuni nogna nhaꞌa cheke na, eghuteuna mana vahi nighohi te mala nogna mae gloku na.”

Mae Khuru 27:44

Mae te gnafa teke au faleghu ka vaka na mare hata vido thaba ba kaisei glepo ka vaka na mala phogla longa mata. Igne unha teke kafe eni ghehati teke thoke mata na, eghuteuna theo kaisei ka ghehati te lehe na.

Nodi Khoje Hatimare Mae Jiu 36:5

Lord, nou namha iagho na thono biꞌo fara tei posa ka maloa gro. Puhi te tajini fabrahu iagho nou nhaꞌa cheke na biꞌo fara tei posa ka khoveo gro.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Ululahu Samuel 29:10

Nathuꞌu hamerane boibongi kate aꞌaga narane na, iagho baludi nou mae soldia gre jifla ka vido igne.”