Ululahu Korin 10:10 - Buka Blahi Ka Cheke Holo

¹⁰ Eghuteuna tahati mala thosei buiburini nogna gloku God ka nakarhadare jateula mare eghu, eigna engel gna glehe na neke falehedi mare.

Ululahu Korin 10:10 ပူးပေါင်းရင်းမြစ်များ

Naba 16:41

Ka keha narane na, naiknore mei ne cheke balu diꞌatadi ka Moses ghe pris biꞌo Eron ne cheke eghu, “Ei! Ghopa falehedi nogna naikno Lord re!” Eghuteuna kate cheke balu diꞌatadi te gnafa ka Moses ghe Eron na mare filo tei ka nogna Suga Tapuale te Blahi Lord na, ne filoni khoveo te toku tafru Suga Tapuale te Blahi na eghuteuna siasigla gna nogna nolaghi Lord na ne agha tongana ka vido tuana.

Naba 14:2

Aonu mare ne cheke balu diꞌatadi ka mae Moses ghe mae pris Eron, “Jame keli kolho teke lehe ghehati Ijep, ba ka namono nagou na!

Ululahu Kronikols 21:15

Eghuteuna God ne kuruni engel ne tei goigonini Jerusalem. Nu Lord filoni engel igne ne funu goigonini Jerusalem, eghuteuna mana ne diꞌanagnafagna fara ka glepo te diꞌa te thoke mei ka naiknore igne. Eghuteuna mana tughu nagnafagna ne cheke eghu ka engel igne, “Hui! La nabahi!” Ka narane tuana, nogna Engel Lord na kegra neu rhegna kaisei vido te mala fagagae wit na. Vido igne nogna mae Arauna, kaisei mae ka vikegna mae Jebus.

Filipae 2:14

Uve, te chekeni iara ka ghotilo na, thosei au cheke leghugna nei thosei khuru magra eghu.

Fapea Samuel 24:16

Eghuteuna engel te mala falehe naikno ka fogra igne ne tei thoke Jerusalem. Nu Lord ne kokhoni nognadi naiknore ne cheke eghu ka engel igne, “Gnafa jareghu! La nabahi!” Ka narane igne, engel nogna Lord na kegra neu rhegna vido te mala koko khune wit na. Igne nogna vido glose mae Arauna, kaisei mae ka vikegna mae Jebus.

Nodi Khoje Hatimare Mae Jiu 106:25

Mare au neu ka nodi suga thapuale re ne cheke buiburini God, ne tirodi leghuni mana.

Eksodas 12:23

Ka bongi tuana Lord ginau na tei ka vido te gnafa ka kantri Ijep gne mala falelehe mae sua nalhaꞌu teke kulu karha ka naiknodi Ijep. Kate filodi Mana u dadara te au ka geridi nomi grengatha ghotilo re, Mana ginau na ghasa polho ghami ghotilo. Eghuteuna Mana na theome snakreni engel te mala falehe naikno na te ruma te mala falelehe thumi ghotilo re.

Letas Teke Rioriso Mae Jud 1:16

Mae igre mae mala eꞌei puhi nei cheke diꞌa koba eghu kolho. Mare magnahaghei te leghudi kolho gaoghathodi thedi te diꞌa fara re nei mare mae fahaehaghe fara la eghu. Eghuteuna mare mae lase famaemahe fara ka keha naiknore mala toghodi thedi kolho.

Eksodas 15:24

Naiknore ne diꞌa tadi fara ka mae Moses ne nguru ngau ka mana ne ghusna eghu ka mana, “Ba? Na koꞌu unha si tahati ia?”

Mae Khuru 12:23

Eghuteuna mae Herod ne snakredi naiknore mala cheke fakelini thegna kolho nei theome cheke ranghidi mala kilo fnaknoni God. Aonu kaisei engel nogna God ne fafograni mae Herod. Eghuteuna momogo ikodi ne ghamu ka thinigna mana na ne ghilei lehe.

Fapea Kronikols 32:21

Aonu, Lord ne kuruni kaisei engel mala aknu falehedi soldia te gnafa nei mae komanda di Asiria te au falithuini Jerusalem. Aonu king gna Asiria gne neke figri ka nogna kantri na, eghuteuna mana ne mamaja nogna fara ka tathadi nogna naiknore. Ke leghu, kate tei mana ka Sugablahi nogna god na, phei thugna mana re hata naflahi ne aknu faleheni mana.

Thakle 16:1

Aonu iara ne nomhini kaisei cheke ne jifla mei ka Sugablahi na, ne eha eghu fabiꞌo ka fitu engel re, “Tei totofa fitu dis te fodu ka diꞌatagna God are ke kligna nauthoglu.”

Hibru 11:28

Mana ne fatutuani ni God. Naugna igne, mana ne fufunu narane Gaghamu Ghasa-Polho na. Mana neke cheke ranghidi naiknogna Israel mala fuafusa dadaradi sua sipure ka grengathadi nodi sugare. Ka puhi igne nogna engel God ne falelehe fateo goro sua nalhaꞌu teke kulu karha ka naiknodi Ijep. Eghuteuna theo kaisei sua te lehe ka goro sua nalhaꞌu teke kulu karha ka naiknodi Israel.

Naba 16:11

Iagho baludi keha kheramu teu are, ne cheke faparini hila mae pris Eron eghu si ghotilo gaoghathomi na ia. Theo fara! Tutuani, ghotilo cheke faparini kolho Lord!”

Naba 17:5

Eghuteuna mae ihei te vahini iara mala edi nogu gloku iara na, nogna khodo mana na ginauna kotu. Ka puhi igne, iara ginauna au baludi naiknore mala theome khuru cheke fabrahu mare.”

Naba 17:10

Lord ne cheke eghu ka mae Moses, “Iagho ginauna ke lisei fapulo nogna khodo mae pris Eron na ke ulugna bokis blahi igne. Iagho ginauna tathaji jare mala filo glanidi iheire naikno te khuru cheke fara ka iara igre. Eghuteuna khodo igne ginauna na lilisei au kolho, jame te theome ke hui mare te khuru cheke ka iara na, mare ginauna orio lehe.”