Ululahu Korin 1:5 - Buka Blahi Ka Cheke Holo

⁵ Naugna igne ghotilo thofno dedei fara ka puhi te gnafa, ka nomi cheke ba ka nomi glalase fateo.

Ululahu Korin 1:5 ပူးပေါင်းရင်းမြစ်များ

Fapea Korin 9:11

God ginauna togho ghami mala dedei ghotilo ka glepo te kmana, naba ghotilo tangomana te tufa fabrahu kmana glepo na. Eghuteuna kmana naikno ginauna cheke fakelini ka God eigna sileni teke salo ghotilo te hata te tei ghehati ka mare igne.

Fapea Korin 8:7

Naugna ghotilo keli fara ke uludi keha naiknore ka gobigna lepo te edi ghotilo re, ka fatutuani, ka cheke, ka glalase, ka gaoghatho, ka thotogho nei ka nomi namha ranghi ghami ghehati. Eghume ghehati magnahaghe ghami ghotilo te mala jaola te bruara ka khokofakasai te mala toghodi naikno khiloau te kuma gre.

Kolose 2:3

Eghuteuna mae Kraes ne tothora ranghidi naikno te gnafare nogna gaoghatho te keli nei glalase eghu God teke au poru funu tifa.

Filipae 1:9

Iara tarai ghami ghotilo mala kotu biꞌo ghotilo nomi namha na ranghidi kherami fofodure ka nogna puhi nei nogna glalase eghu God.

Letas Teke Riso Tei Mae Pol Ka Khiloau Rom 15:14

Kheraguro, iara thofno laseni eigna ghotilo edi fabrahu puhi te kelire, naugna ghotilo lasenihi puhigna God na nei tangomana te farirhiudi naiknore thofno chekegna God.

Jemes 3:13

U famane glepo khuakhuda te edi kaisei mae ka ghotilo igre fagaglana gna te kaisei mae glalase tutuani mana na. Eghuteuna kate edi mana glepo te khuakhuda igre, mana na theome tangomana te fahaehagheni thegna na.

Kolose 3:10

Eghuteuna ghotilo la hatahi u nakarha majaghani na. Tutuani, God loku fabrahu ke lamnami ghotilo mala tuthughu ghotilo jateula thegna eghu nei togho ghami mala lase fakelini mana.

Efesus 6:19

Eghuteuna ghotilo jaola tarai ghau iara, mala tangomana God te tusu mei ka iara cheke te mala toutonuni iara na. Tarai ghau iara te mala theome mhaghuni te mala toutonu cheke te tutuani eigna Nonomho te Keli na.

Efesus 1:17

Eghuteuna iara toreni God koba, Kmagna noda Lord Jisas Kraes, mala tusu ranghi ghami nogna Tharunga te Blahi na mala tangomana ghotilo te filo glani puhigna God na, nei thofno laseni mana.

Ululahu Korin 12:8

Tharunga te Blahi na tusu ranghini kaisei naikno glalase te mala toutonuni chekegna God na ka gaoghatho te keli, eghuteuna ka keha naikno na tusu ranghini nolaghi te mala cheke ka glalase te biꞌo fara mala toghodi naiknore.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Efesus 2:7

Eghume, gaoghatho teke eni mana igne tangomana te falase ghita tifa tifa nogna khokofakasai biꞌo nei nogna thotogho ka tahati naugna mae Jisas Kraes.

Ululahu Korin 13:2

Eghuteuna, neuba iara ne tangomana te toutonuni chekegna God na jateula mae profet, ba lasedi fara gobigna lepo ka nauthoglu gne ba gobigna lepo te poru, ba au nogu fatutuani biꞌo te mala fathughadi thogelere, nu jame te theome namhadi iara keha naiknore, iara theo nafugu kolho.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Ululahu Korin 14:26

Kheraguro, igne unha te ghathoni iara na. Kate khapru ghotilo te mala tarai na, ghotilo te gnafa na mala kafe totogho. Kaisei naikno mala koje, eghuteuna keha na mala farirhiu, eghuteuna keha na mala chekeni unha teke falalase God tagna na, eghuteuna keha na mala chekeni chekegna God ka soasopai nafnata chekei, eghuteuna keha na mala rurutha gaoghathogna cheke tuana. Gloku te gnafa igre mala toghoni nodi fatutuani naikno te gnafare.

Ululahu Korin 13:8

Nogna namha mana ranghidi keha naiknore na theome gnafa. Nu nolaghi te mala toutonuni mana chekegna God na, ginauna hui nei nogna nolaghi te mala chekeni chekegna God ka soasopai nafnata cheke na ginauna hui, nei nogna glalase biꞌo eigna puhigna God na ginauna jaola hui.

Ululahu Korin 12:10

Eghuteuna ka keha naikno na Tharunga te Blahi tusu ranghini nolaghi te mala eꞌei kofubobhoi. Ka keha naikno na nolaghi mala toutonuni chekegna God na jateula mae profet eghu. Eghuteuna ka keha naikno na nolaghi mala filo glanini nogna nafnata nolaghi naikno, jame te nogna God ba theo. Ka keha naikno na Tharunga te Blahi na tusu ranghini nolaghi te mala cheke ka keha nafnata cheke. Eghuteuna ka keha naikno na tusu ranghini nolaghi te mala rurutha gaoghathodi nafnata cheke tuare.

Ululahu Korin 8:11

Eghume nou glalase iagho eigna gano igne na batu fadiꞌani mae ihei te theome nheta nogna fatutuani na. Ba, ghotilo theome laseni Kraes teke lehe eigna mae kherada igne?! Tutuani, ghotilo laseni mae kherada igne mana kaisei mae biꞌo ka Kraes.

Letas Teke Riso Tei Mae Pol Ka Khiloau Rom 15:4

Gobigna lepo teke rioriso soru mare ka buka blahi na tifa igre, mare neke rioriso mala farirhiu ghita tahati. Eghuteuna kate iu'ijudi grioriso igre, tahati thofno laseni God na eni ranghi ghita unha teke nhaꞌa cheke ranghi ghita na. Eghume gaoghathoda na heta fara nei tahati tangomana te ofoni God te mala togho ghita.

Letas Teke Riso Tei Mae Pol Ka Khiloau Rom 11:12

Tutuani, ka nodi najafra mae Jiu gre God tusu mei kmana glepo te keli ka nauthoglu gne. Eghuteuna unha teke luvu ka mae Jiu gre God neke hata mei fablahi te keli ka iheire te theome Jiu. Eghume, kate pulo mei ka God te gnafa naiknodi Israel re, kmana glepo te keli fara tulao ginauna mei thoke ka tahati!

Mae Khuru 2:4

Aonu mae Tharunga te Blahi ne mei au ka mare ne gnafa, eghuteuna mare ne funu cheke ka keha chekedi delei, leghuni unha nafnata cheke teke tusu ranghidi mae Tharunga te Blahi na.

Fapea Korin 6:10

Mare tangomana te fadiꞌa nagnafa ghami na, nu ghehati gleale'a fabrahu kolho. Ghehati kuma fara ka nauthoglu igne, nu ghehati toghodi kmana naikno mala dedei kligna. Ghehati theo kaisei nomi glepo ka nauthoglu igne, nu ghehati thofno khotodi glepo te gnafa te au kligna.