Ululahu Korin 1:30 - Buka Blahi Ka Cheke Holo

³⁰ Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Ululahu Korin 1:30 ပူးပေါင်းရင်းမြစ်များ

Efesus 1:7

Kraes neke foli fajifla ghita ka dadara glehegna ke kligna gaju fafatha jateula kaisei fafara teu te mala hata fadelei nakhiboda ka nogna khokofakasai God te bruara igne.

Filipae 3:9

nei mala kaisei balugna mana. Eghume iara gognaro na theome tangomana te cheke eghu, “Iara au doglo ke ulugna God naugna iara ne leghuni nodi vetula mae Jiu gre.” Theo. Nu iara doglo ke ulugna God naugna iara ne fatutuani ni mae Jisas Kraes.

Letas Teke Riso Tei Mae Pol Ka Khiloau Rom 8:1

Gognaro na tahati kaisei balugna Jisas Kraes mala theome tangomana God te fate falehe ghita na.

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Efesus 2:10

Gognaro na God nake vuavuha fapulo ghita eghuteuna tusu ranghi ghita u karha majaghani kate salo fodu ghita balugna mae Jisas Kraes. Mana neke eni igne mala tangomana tahati te edi unha gloku te keli teke kulu tarabana thegna te mala edi tahatire.

Kolose 1:14

Tutuani, mae Thugna na neke foli fajifla ghita nei hata kokodi nakhibodare.

Ululahu Korin 6:11

Tifa na, keha naikno ka ghotilo neke jateula tuana neku! Nu ka nanghagna noda Lord Jisas Kraes nei ka nogna nolaghi Tharunga gna noda God, mana neke hata fadelei nakhibomire mala nogna naikno nei mala au doglo ka tathagna God na.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Profet Jeremaea 33:16

Ka narane te funei fruni mana jateula king teu igne, mana ginauna fakarhidi nogu naikno iara te au Juda, nei Jerusalem. Eghuteuna mare ginauna kiloni nanghagna mae igne na, Lord Sedekenu. Gaoghathogna cheke igne, Mae ihei te eni unha te doglo ka nogna naiknore.’

Proveb 2:6

Naugna, Lord ngala nafugna gaoghatho te keli na, eghuteuna chekegna na tusu ranghi nigho u glalase.

Galesia 3:13

Mae Kraes neke hata fadelei ghitahi ka puhigna vetula te mala para ghita na, naugna mana neke tughu ghita ka naꞌau papara igne. Naugna u grioriso te blahi na jaola neke cheke eghu, “Mae ihei teke fafroroni mare ke kligna gaju na, God ginauna thofno fateni mana.”

Galesia 1:4

Mae Jisas neke snakreni thegna mala lehe tughudi nakhibodare mala snagla tahati ka puhi te diꞌa te funei frunini nauthoglu igne. Tutuani fara mae Jisas neke eni igne, naugna igne unha teke magnahagheni God Kmada na.

Ululahu Korin 1:24

Nu tahati naikno teke kilo ghita God ra, neubane mae Jiu ba theome Jiu, tahati laseni u thoutonu eigna Kraes igne, falalase ranghi ghita God te nolaghi nei lalase fara.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Thakle 14:4

Mae igre neke theome eni kaisei nakhibo jateula iheire te gnognoro. Nu mare au klino nodi fabrahu. Mare leghuni Lam fabrahu ka namono te gnafa aheva te tei mana na. God neke foli fajifladi ka naiknogna nauthoglu gne, mala thofno naikno malagna thegna nei malagna Lam.

Fapea Pita 1:1

Iara mae Simon Pita kaisei nogna mae gloku nei kaisei nogna mae khuru Jisas Kraes. Iara riso ari ka ghotilo iheire te hata nomi thofno fatutuani te keli fara ka God jateula ghehati. Tahati te gnafa na kafe hata u fatutuani igne naugna noda God nei Fakarhaida Jisas Kraes, mana kaisei mae keli nei eni unha te doglo fara.

Efesus 5:26

Mana neke eni igne mala fablahini nei mala tihi fagaeni eghu khiloau na ka khoꞌu nei ka chekegna.

Efesus 4:30

Eghuteuna thosei fadiꞌa nagnafani mae Tharunga te Blahi, naugna mana nogna nhaꞌa cheke God eigna God ginauna thofno fasnagla ghami ka narane leghu lahu na.

Ululahu Korin 12:8

Tharunga te Blahi na tusu ranghini kaisei naikno glalase te mala toutonuni chekegna God na ka gaoghatho te keli, eghuteuna ka keha naikno na tusu ranghini nolaghi te mala cheke ka glalase te biꞌo fara mala toghodi naiknore.

Jone 17:8

U nou farirhiu iagho teke famei iagho ka iara ra, iara la cheke laohi ka mare, la nomhidihi mare. Mare fatutuani nigho iagho ngala mae teke kuru mei ghau iara na nei laseni fara teke mei iara funu ka iagho na.

Hibru 9:12

Mae Kraes ruma kaisei fata ngala ka chogho te blahi fara na, kaisei fata tuana ngala tifa tifa. Mana neke theome atha balugna dadara nanigot ba dadara buluka. Theo. Mana neke hata dadaragna thegna mala fafara! Ka puhi igne, mana tangomana te atha fajifla ghita mala snagla fabrahu tahati ka khamegna mae Satan.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Efesus 1:14

Tutuani, naugna tahati la hatahi mae Tharunga te Blahi na, tahati ginauna tangomana te hata unha God teke nhaꞌa cheke ranghi ghita tifa na. Naugna igne tahati thofno laseni God ginauna thofno fasnagladi nogna naiknore balugna. Eghume tahati kilo fnaknoni God eigna nogna nafnakno biꞌo!

Ululahu Korin 12:27

Eghume, ghotilo te gnafa na thinigna Kraes. Ghotilo te gnafa na kaisei vido ngala ka thini tuana.

Letas Teke Riso Tei Mae Pol Ka Khiloau Rom 8:23

Nu theome glepo tuare kolho te tanhi eghu na. Tahati theda, eigna God neke tusu mei Tharunga te Blahi na ka tahati jateula kaisei nhaꞌa cheke glepo keli na mei ke leghu. Tutuani, tahati jaola eha ke lamnada balu kabru. Naugna tahati ofoni God fabrahu mala fasnagladi thinidare nei tusu ranghi ghita u thini majaghani, mala tangomana tahati te thofno thugna mana na.

Letas Teke Riso Tei Mae Pol Ka Khiloau Rom 8:9

Nu gognaro na ghotilo theome mala leghudi puhimi themi te diꞌare. Theo. Ghotilo mala leghuni Tharunga te Blahi, naugna Tharunga gna God na auhi ke lamnami ghotilo. Nu jame kaisei mae te theo Tharunga gna God tagna na, mana theome nogna Kraes.

Letas Teke Riso Tei Mae Pol Ka Khiloau Rom 5:21

Eghume, neuba ne au nogna nolaghi nakhibo tifa na te mala falehedi naiknore, gognaro na nogna khokofakasai God na au nolaghi biꞌo te mala au doglo tahati ka tathagna thegna na, nei mala hatini u karha fei tifa na ka nogna gloku noda Lord Jisas Kraes.

Letas Teke Riso Tei Mae Pol Ka Khiloau Rom 5:19

Tifa na mae Adam neke huhughuni chekegna God na. Naugna tuana, naikno te gnafare ne kafe leghuni mana ne tapla jafra ka puhi nakhibo. Ke leghu na, mae Jisas ne leghuni chekegna God na, eghuteuna naikno te gnafa te leghuni mana re ginauna kafe doglo ka tathagna God na.

Letas Teke Riso Tei Mae Pol Ka Khiloau Rom 4:25

God neke snakreni noda Lord Jisas mala lehe eidi nakhiboda. Eghuteuna God fakarha fapuloni mana kau glehe mala tangomana tahati te au doglo ka tathagna God na.

Letas Teke Riso Tei Mae Pol Ka Khiloau Rom 4:6

Mae King Devet jaola neke chekeni igne. Mana neke chekeni eidi naikno te gleale'a nodi fara kate filodi God jateula naikno te doglo teu ke ulugna thegna na, naugna mare fatutuani ni mana theome naugna te loku fakeli mare na.

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Luku 21:15

Naugna iara ginauna na tusu ari ka ghotilo glalase te mala chekedi kmana glepo te theome tangomana nomi mae naoka ghotilo re te cheke fapari ghami ghotilo ne jafra ghotilo teuna.

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Profet Hosia 13:14

“Nu iara ginauna na hata fafigridi ka namonodi mae tela lehehi ra. Glehe! Aheva nou nolaghi iagho te mala faleheni naikno na? Beku! Aheva nou nolaghi iagho te mala goigonini naikno na? “Uve, iara ginauna na fakarhidi nogu naiknore, eghuteuna iara na theome tughu nagnafagu na.

Profet Daniel 2:20

ne cheke eghu: “Leuleghu fata na tahati mala cheke fakelini God. Naugna mana lalase fara nei au nolaghi fateote'o.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Ululahu Jone 5:6

Igne mae Jisas Kraes, mae ihei te mei balu khoꞌu apublahi nei dadara glehe. Theome khoꞌu kolho, nu khoꞌu balu dadara. Eghuteuna mae Tharunga te Blahi na thofno tutuani fara. Te chekeni mae Tharunga te Blahi na igne te thofno tutuani fara mae Jisas neke meihi ka puhi igne.

Ululahu Pita 1:2

Tifa na, God Mama neke vahi ghami ghotilo leghuni nogna gaoghatho na. Eghuteuna mae Tharunga te Blahi neke fablahi ghami naugna mana neke magnahaghe ghami ghotilo te leghuni mae Jisas Kraes nei fagae ghami ka dadaragna mae Jisas Kraes. Iara toreni God mala fablahi ghami nei tusu ranghi ghami pharikeli mala bruara fabrahu tifa tifa.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Efesus 1:10

Nogna gaoghatho God igne ginauna thokei mei ka thofno narane te mala salofodu ka Kraes gobigna lepo te au kligna ba pari. Eghuteuna Kraes ginauna mala pha'udi gobigna lepore.

Ululahu Korin 12:18

Nu theome ka puhi tuana God teke vuavuha ghita na. Tutuani mana neke vuavuha kmana vido malagna thinida na eghuteuna lilisei soasopai vido aheva mana te magnahagheni.

Letas Teke Riso Tei Mae Pol Ka Khiloau Rom 16:11

Eghuteuna ghotilo kubaeni mae Herodion, mana mae Jiu jateula iara eghu. Eghuteuna ghotilo kubaedi naikno khiloau ka tharaknagna mae Nasisa.

Letas Teke Riso Tei Mae Pol Ka Khiloau Rom 16:7

Eghuteuna ghotilo kubaedi mae Adronika ghe mae Junia, eigna phiamare mae Jiu, jateula iara eghu, eghuteuna phiamare neke au balugu iara ka suga sosolo. Hatimare mae khuru filo faꞌuludi phiamare ke lamnadi mae khuru, eghuteuna phiamare neke kulu fatutuani ni Kraes ke ulugu iara.

Letas Teke Riso Tei Mae Pol Ka Khiloau Rom 12:5

Jateula tuana eghu tahati, neubane kmana naikno tahati, tahati jateula kaisei thini eghu ngala, eigna tahati te gnafa na fatutuani ni mae Kraes. Naikno khiloau te gnafare kaisei grerege ka thini, eghuteuna grerege te gnafare salo fodu mala kaisei thini ngala.

Letas Teke Riso Tei Mae Pol Ka Khiloau Rom 11:36

Uve, God neke vuavuhadi gobigna lepore, eghuteuna gobigna lepore neke kegra ka nogna nolaghi mana, eghuteuna gobigna lepore nogna ngala mana. Tahati kilo fnaknoni God tifa tifa! Amen.

Letas Teke Riso Tei Mae Pol Ka Khiloau Rom 1:17

U Nonomho te Keli gne cheke ranghi ghita eigna puhigna God te fadoglo ghita ke ulugna thegna kate thofno fatutuani ngala tahati mae Jisas. Jateula te chekeni ka grioriso te blahi, “Mae ihei te fatutuani ni God na, mana ginauna doglo ke ulugna God, eghuteuna mana ginauna hatini u karha fei tifa na.”

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Jone 17:26

Iara la falalasehi ka mare nanghamu iagho na, eghuteuna iara na eni koba igne. Iara ginauna au baludi mare, mala jateula iagho te namha ghau iara gne eghu mare mala namhadi keha naiknore.”

Profet Daniel 9:24

“God na liliseihi fati gobi nheva salei finogha te mala toghodi nou naikno iaghore balugna namono biꞌo Jerusalem. Ka gnafadi narane tuare, mana ginauna koko fahui nakhibomi nei puhimi teu ghotilo te diꞌare. Eghuteuna mana ginauna lilisei gaoghatho te doglo ka nogna naiknore mala au fakeli tifa tifa. Eghuteuna mifi nei nodi cheke hatimare mae profet teu igre ginauna thoke mei tutuani. Funu gognarogne, Sugablahi igne ginauna thono blahi fara.

Profet Isaia 54:17

Nu theo kaisei glepo mala magra ka igre nate ghoreho ghotilo na. Eghuteuna ghotilo ginauna tangomana te cheke tughu ka iheire te cheke fapari ghami ghotilo na. Uve, iara ginauna edi glepo te keli ka ghotilo nogu mae gloku iara ra, eghuteuna togho ghami ghotilo mala ulu.” Igne chekegna Lord.

Profet Isaia 45:17

Nu iagho ginauna fakarhi ghami ghehati fabrahu, eghuteuna ghehati ginauna na theome mamaja.

Proveb 8:5

Ghotilo iheire te theome ghaoghatho fadoglo ra, ghotilo mei, iara ginauna fadoglidi gaoghathomi ghotilo re. Ghotilo te theome lalase ra, ghotilo mei, iara ginauna togho ghami ghotilo mala hata glalase.

Proveb 1:20

Gaoghatho te keli nei doglo teuna jateula kaisei gaꞌase te kegra ka nabrou, ba ka maket te eha ka naiknora eghu.

Fapea Korin 12:2

Iara laseni God hata ghau iara neke haghe kligna ka nabotho fati finogha te liu ra. Iara theome raꞌe laseni jame teke eni tutuani ka thinigu iara na ba neke khogla ka mifi kolho, nu God ngala te laseni na.

Profet Isaia 11:2

Eghuteuna Tharungagna Lord na ginau mei au ka mana mala tusu ranghini gaoghatho te keli nei glalase. Tharunga igne ginauna tusu ranghini mana cheke te keli nei nolaghi mala funei fruni. Tharunga gna Lord na ginauna au balugna mana, mala batuni mana. Eghuteuna Tharunga igne ginauna toghoni king mala laseni unha Lord te magnahagheni te mala laseni mana na, nei mala ghatho tahuni mana.

Luku 11:49

Naugna igne, ka nogna glalase na, God ne cheke eghu, ‘Iara ginauna na kuru teidi nogu mae profet nei nogu mae mala hata nonomhore eghu ka naiknore. Eghuteuna mare ginauna na falelehe kehare nei fakokhoanadi kehare.’

Ululahu Korin 4:15

Eigna neuba ne au nabotho thogha naikno ghotilo te mala farirhiu ghami puhigna Kraes na, kaisei mae ngala te jateula kmami teu ghotilo na. Tutuani, iara ngala te hata mei u Nonomho te Keli igne ka ghotilo mala jateula kmami eghu ghotilo ka mae Jisas Kraes.

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.