Ululahu Korin 1:27 - Buka Blahi Ka Cheke Holo27 Nu God vahidi iheire te theome lalase teu naiknogna nauthoglu igne mala famamajadi iheire te lalase fara. Mana vahidi iheire te theome nheta teu naiknogna nauthoglu igne mala famamajadi iheire te nheta fara. အခန်းကိုကြည့်ပါ။ |
Ululahu Korin 1:27
27 ပူးပေါင်းရင်းမြစ်များ
Aonu mae Jisas ne cheke eghu ka mae Kmagna na, “Mama, iara cheke fakeli nigho, iagho mae te funei frunidi gobigna lepo kligna ba pari. Iara cheke fakeli nigho, naugna iagho ne falalase ka iheire te jateula sua teu te ihoni thofno glalase na, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na.
Eghume ne faꞌunha si naikno te lalase fara ra, ba mae velepuhigna vetula nogna mae Moses ra, ba mae iheire te laseni fara gaoghathogna nauthoglu ra? Mare tangomana te cheke tughu ka God na? Theo, naugna God la falasenihi ka tahati u glalase gna nauthoglu gne jateula thoutonu te theo nafugna eghu kolho.
Mae Jisas jifla ka vido tuana ne mei filoni kaisei mae mala salo takis, nanghagna na mae Matiu, mana gnokro neu ka vido mala foli takis naiknore. Mae Jisas ne cheke eghu ka mana, “Ghema, mei leghu ghau iara, iagho mala nogu mae fanomho iara.” Aonu mae Matiu ghosei ne kegra haghe ne leghuni mae Jisas.
Aonu keha mae velepuhi ka phei tothoghei te kilodi Epikuria nei Stoiki teu gre ne fapoaphola ka mae Pol. Keha mae re ne cheke eghu, “Mae igne theome laseni kaisei glepo kolho. Unha gne te magnahaghei chekeni mana na?” Keha mae re ne cheke eghu, “Mae igne jau magnahaghei toutonudi ka tahati nodi god keha namonoi jau signe?” Mare ne cheke eghu naugna mare ne theome laseni unha te chekeni mae Pol kate toutonuni Nonomho te Keli eigna mae Jisas teke karha fapulo kau glehe na.
“Mae Moses gne, naiknodi Israel gre neke tirodinihi mana tifa na ne cheke eghu, ‘Tore! Mae ihei si teke vahi nigho te mala funei fruni ghami nei fate ghami teu ghehati na ia?’ Nu mae Moses igne la God teke kuru teini te mala funei frunidi nei fakarhidi teu mare na. Mae Moses ne tangomana te eni gloku igne ka nogna tothogho engel teke filoni mana ka gaju ikoi teke gnubra na.
Iara famamajadi iheire te chaghi nei fariuriu toutonudi teu unha nate thoke mei nathuꞌu nauriha. Eghuteuna iheire te filo haghe ka nathunu are eghuteuna fariuriu chekedi unha nate thoke mei nathuꞌu nauriha teu igre theome tutuani kolho. Iara nhaꞌa faparidi nodi cheke mae te lalase igre mala laseni mare te nodi cheke mare igre theo nafudi kolho.
ကြော်ငြာတွေ