Ululahu Korin 1:20 - Buka Blahi Ka Cheke Holo

²⁰ Eghume ne faꞌunha si naikno te lalase fara ra, ba mae velepuhigna vetula nogna mae Moses ra, ba mae iheire te laseni fara gaoghathogna nauthoglu ra? Mare tangomana te cheke tughu ka God na? Theo, naugna God la falasenihi ka tahati u glalase gna nauthoglu gne jateula thoutonu te theo nafugna eghu kolho.

Ululahu Korin 1:20 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 1:22

Neubane cheke eghu mare, “Ghehati lalase fara,” mare la meomekrohi.

Thoutonu Eigna Mae Job 12:17

Mana hata fadeleidi nei famamajadi eghu goro mae biꞌo, eghuteuna mae mala baubatu re mala ke fameomekro.

Ululahu Korin 3:19

Naugna nogna glalase te keli nauthoglu gne theo nafudi kolho ka God. Tutuani, grioriso te blahi na cheke eghu, “God ginauna fatedi mae glalase te lase chaghi re.”

Ululahu Korin 1:19

Jateula te chekeni ka grioriso te blahi na cheke eghu, “Iara ginauna fahuidi nodi glalase mae iheire te lalase fara, eghuteuna rorhoꞌe nodi glalasere mala theome tangomana mare te lalase na.”

Profet Isaia 44:25

Iara famamajadi iheire te chaghi nei fariuriu toutonudi teu unha nate thoke mei nathuꞌu nauriha. Eghuteuna iheire te filo haghe ka nathunu are eghuteuna fariuriu chekedi unha nate thoke mei nathuꞌu nauriha teu igre theome tutuani kolho. Iara nhaꞌa faparidi nodi cheke mae te lalase igre mala laseni mare te nodi cheke mare igre theo nafudi kolho.

Thoutonu Eigna Mae Job 12:24

Mana hata koko nodi glalase hatimare mae king, mala nolo tafri mare ka vido te diꞌa.

Ululahu Korin 2:6

Tutuani, u cheke glalase te farirhiu iara ranghidi iheire te kotu haghe tela biꞌohi nakarhadire ka khiloau na igne theome nodi glalase iheire te lalase fara kau nauthoglu igne nei nodi iheire mae te nolaghi te funei frunini nauthoglu igne. Eghuteuna mare ginauna na ari luvu kolho.

Profet Isaia 53:1

Naiknore ne cheke eghu, “Ihei gne nate fatutuanini nomi cheke ghehati na? Ihei gne nate filo glani nogna nolaghi Lord na?

Profet Isaia 33:18

Ghotilo ginauna theome mhaghudi mae naoka nate funei fruni ghami, nei huhuru ghami mala foli takis teu are.

Thoutonu Eigna Mae Job 12:20

Mana fofotho foflodi mae iheire te cheke fajifladi cheke te keli, eghuteuna hata koko glalase ka goro mae biꞌo.

Fapea Samuel 17:23

Kate laseni mae Ahitofel te theome leghuni mare nogna cheke na, mana saghe ka nogna dongki na neke pulo ka nogna namono na. Kate fadoglidi te gnafa tharakna gna nei nogna bisnis teure, mana froro ne lehe. Tharakna gna mana re hata thinigna mana na ne giugilui ka nodi beku thedi na.

Fapea Samuel 17:14

Aonu mae Absalom baludi mae soldia di Israel gre ne nomhini igne ne cheke eghu, “Nogna cheke mae Husae igne thofno keli fara salaꞌuni nogna cheke mae Ahitofel tuana.” Mare ghaoghatho eghu naugna Lord la au nogna gaoghathohi te mala goigoni ni nogna gaoghatho keli mae Ahitofel igne mala thoke mei puhi biꞌo ka mae Absalom.

Fapea Samuel 16:23

Ka narane tuare, gaoghathodi naiknore, u cheke te edi mae Ahitofel igre thofno keli fara neke mei funudi ka God. Neubane mae Devet ba mae Absalom thofno leghudi fara nogna cheke mae Ahitofel igre.

Fapea Samuel 15:31

Kate nomhini king te tei mae Ahitofel te toghoni mae Absalom igne, mae Devet ne tarai eghu, “Lord God, iagho figri nogna farirhiu mae Ahitofel igne mala fameomekro kolho!”

Profet Jeremaea 10:7

Naikno te gnafa igre mala ghatho tahu nigho iagho, naugna iagho king frunidi kantri te gnafa igre. Theo kaisei mae glalase ba mae king te jateula iagho teu ka vido te gnafa ka nauthoglu igne.

Matiu 13:22

Sisi te sukha ke lamnadi glathi buburu te fachuchuru na igre eidi iheire te nomhini chekegna God, nu cheke igne ghosei ne thafru ka unha te magnahaghedi fara ka thua nafnata dedei gna nauthoglu igne. Eghume theo kaisei sisi te karha na.

Jone 12:31

Gognarona God ginauna kafe fatedi naikno te theome fatutuani ghau iara. Eghuteuna gognaro mana na kulu hata fadelei nogna nolaghi mae Satan, mae ihei te baubatu fadiꞌadi naikno te au ka nauthoglu igne.

Mae Khuru 17:18

Aonu keha mae velepuhi ka phei tothoghei te kilodi Epikuria nei Stoiki teu gre ne fapoaphola ka mae Pol. Keha mae re ne cheke eghu, “Mae igne theome laseni kaisei glepo kolho. Unha gne te magnahaghei chekeni mana na?” Keha mae re ne cheke eghu, “Mae igne jau magnahaghei toutonudi ka tahati nodi god keha namonoi jau signe?” Mare ne cheke eghu naugna mare ne theome laseni unha te chekeni mae Pol kate toutonuni Nonomho te Keli eigna mae Jisas teke karha fapulo kau glehe na.

Letas Teke Riso Tei Mae Pol Ka Khiloau Rom 1:20

Funu kate vuvuhagna nauthoglu igne, glepo eigna God igre neke theome kakhana ka tahati, nu tahati neke filo glanidi u tutuani nei nolaghi te fei au na ka glepo teke vuavuha mana re kolho. Eghume naugna glepo igre, naiknore theome tangomana te cheke eghu na, “Ghehati theome laseni God!”

Ululahu Korin 1:26

Kheraguro, ghathodi si ghotilo nakarhami kani teke kilo ghami God ia. Ka tathagna naikno na, theome kmana ka ghotilo te lalase na, theome kmana ka ghotilo te fnakno na, nei theome kmana ka ghotilo te karha funei na.

Ululahu Korin 1:27

Nu God vahidi iheire te theome lalase teu naiknogna nauthoglu igne mala famamajadi iheire te lalase fara. Mana vahidi iheire te theome nheta teu naiknogna nauthoglu igne mala famamajadi iheire te nheta fara.

Ululahu Korin 1:28

Eghuteuna mana jaola vahidi iheire te pari fara nei diꞌa fara nei fiti naikno kolho teu naiknogna nauthoglu igne mala tapla sorudi iheire te fnakno fara mala theo nafudi ka nauthoglu igne.

Ululahu Korin 2:8

Theo kaisei mae te funei frunini nauthoglu gne te laseni u cheke glalase igne. Jame laseni mare na, mare jame neke theome faleheni Jisas, mae funei gna kligna na.

Ululahu Korin 3:18

Thosei chaghi ghami themi. Jame kaisei mae ke lamnami ghotilo te magnahaghei lalase fara ka nafnata glalase gna nauthoglu igne na, nabagna na mana mala jateula te meomekro eghu ka puhigna nauthoglu igne mala tangomana mana teke lalase fara na.

Ululahu Korin 6:2

Eigna ghotilo lasenihi ginauna naikno khiloau gre tangomana te fatedi naikno te gnafa ka nauthoglu gne. Eghume jame te nabami ghotilo te fateni naiknogna nauthoglu igne na ghotilo jaola tangomana fara te fadoglidi farihoteimi themi puhi te ikodi tuare.

Ululahu Korin 11:32

Nu kate farirhiu ghita na, Lord na togho ghita mala laseni tahati puhi te doglo na. Mana eni igne ka tahati mala theome au tahati kau fate ginauna baludi naikno te theome fatutuani ni mana re.

Jemes 4:4

Ghotilo te tei kokoni God na, ghotilo ginauna na jateula kaisei gaꞌase te tei kokoni khetogna na te mala au fodu balugna kaisei mae delei ngau ia eghu. Ghotilo theome lasenihi igne? Mae ihei te magnahagheni kolho glepo te diꞌa ka nauthoglu igne na, mae tuana nogna mae naoka God. Naugna mae ihei te magnahaghei leghuni kolho nogna gaoghatho naiknogna nauthoglu igne na, mana theome tangomana te leghuni gaoghathogna God na.