Ululahu Korin 1:2 - Buka Blahi Ka Cheke Holo

² te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Ululahu Korin 1:2 ပူးပေါင်းရင်းမြစ်များ

Jenesis 12:8

Aonu mae Ebram ne jifla Sekem ne tei ka kaisei thogele ke maghati rhegna namono Betel. Eghuteuna mana ne hohoro haghe nogna suga tapuale na fari hotei Betel nei namono Ai. Betel gne au ke mosu, eghuteuna Ai gne au ke maghati. Eghuteuna jare mae Ebram ne hohoro keha olta na malagna Lord ne pogho soru ranghini mana.

Jenesis 4:26

Mae Set jaola ne au kaisei thugna nalhaꞌu nanghagna na mae Enos. Ka narane tuare naiknore ne funu tarai ka Lord.

Nodi Khoje Hatimare Mae Jiu 45:11

Te eghu iagho na, king ginauna filo nigho nei magnahaghei nigho eghu iagho, naugna iagho kaisei famane gaꞌase fara. Mana mala nou mae funei iagho, eghume iagho mala ghatho tahuni mana.

Mae Khuru 10:36

Ghotilo lasenihi God neke cheke thakleni ka naiknodi Israel re u Nonomho te Keli na mala au tahati kau pharikeli balugna God. Naugna nogna gloku mae Jisas Kraes, mae ihei te funei frunidi naikno te gnafare.

Mae Khuru 15:9

Ka God na naikno tuare theome nhogri ka tahati. Kate fatutuani mare u Nonomho te Keli na, God na hata fadelei nakhibodire mala famane klino nagnafadire jateula teke enila mana ranghi ghita tahatia eghu.

Mae Khuru 18:1

Ke leghugna igne, mae Pol jifla Atens ne tei ka namono Korin.

Mae Khuru 22:16

Eghume ofo unha sagho ia? Kegra haghe, kiloni nanghagna Lord nei apublahi eghu mala tihi kokodi God nakhibomure. Kate eni igne, fatutuani ni mana nate fakarhi nigho na.’

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Mae Khuru 9:13

Nu mae Ananias ne cheke eghu, “Lord, iara nomhini kmana thoutonu eigna mae igne, mana edi kmana glepo te diꞌa ranghidi nou naikno iagho re Jerusalem.

Mae Khuru 9:14

Eghuteuna gognaro mana mei au agne Damaskas. Mae pris ulu re ne tusu ranghini mana nolaghi te mala lokini ihei te ghatho tahu nigho na.”

Mae Khuru 9:21

Naikno te gnafa te nomhini mana re ne kafe jaglo nodi, ne cheke eghu, “Tore! Igne si mae teke fariuriu falehedi naikno te fatutuani ni mae Jisas ia! Mana neke eni puhi tuana Jerusalem, eghuteuna gognaro mana kela mei enila glepo tuana agne eghu. Mana mei agne mala lokidi nogna fanomho mae Jisas re mala hata tei ka mae pris ulu re.”

Letas Teke Riso Tei Mae Pol Ka Khiloau Rom 1:7

Letas te riso ari iara igne malami ghotilo hui naikno te au ka namono Rom, eigna God namha ghami ghotilo nei kilo ghamihi ghotilo mala nogna naikno blahi mana. Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.

Letas Teke Riso Tei Mae Pol Ka Khiloau Rom 10:12

Naugna mae Jiu gre mare theome nhogri ka mae te theome Jiu gre. Tahati te gnafa na kaisei noda Lord ngala, mana tangomana te tusu lao glepo te keli ka iheire fateo te tore ka mana te mala toghodi na.

Letas Teke Riso Tei Mae Pol Ka Khiloau Rom 3:22

Igne u nabrou te chekeni iara na. Naikno te gnafa te fatutuani ni mae Jisas Kraes re, God au kaisei nabrou te mala fadoglodi ke ulugna thegna. God theome edi phei nabrou, kaisei maladi mae Jiu nei kehana maladi mae te theome Jiu.

Letas Teke Riso Tei Mae Pol Ka Khiloau Rom 8:28

Eghuteuna te laseni tahati na, ka gobigna lepo te posa ka tahati naikno te namhani God, God ginauna na edi fakeli gobigna lepo ka nakarhadare. Mana eni igne maladi naikno teke vahidi mana re, leghuni nogna gaoghatho thegna na.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Ululahu Korin 10:32

Thosei eni kaisei puhi te mala roꞌeni nodi fatutuani keha naiknore, neubane mae Jiu, ba mae te theome Jiu, ba naikno khiloau.

Ululahu Korin 12:27

Eghume, ghotilo te gnafa na thinigna Kraes. Ghotilo te gnafa na kaisei vido ngala ka thini tuana.

Ululahu Korin 8:6

te fatutuani ni tahati na jare na kaisei God tutuani ngala te au na. Mana Kmada tahati naikno khiloau, eghuteuna mana neke vuavuhadi gobigna lepore, nakarhada tahati na nogna mana. Kaisei Lord ngala nanghagna na Jisas Kraes. God neke vuavuha gobigna lepore ka mana, nei tahati jaola karha kolho ka mana.

Fapea Korin 1:1

Iara mae Pol. God neke vahi ghau iara mala nogna khuru mae Jisas Kraes. Ghepa mae kherada Timoti te riso ari letas igne ka ghotilo naikno khiloau te au Korin nei ka keha namono ke lamnagna Provins Akaia.

Fapea Korin 4:5

Ghehati theome toutonu eimi themi, nu ghehati toutonu eigna mae Jisas Kraes na Lord. Eghuteuna ghehati nomi mae gloku ghotilo mala toutonu eigna mae Jisas.

Galesia 1:2

Iara nei naikno khiloau fateo te au balugu igre kubae ghami ghotilo naikno te au ka Provins Galesia.

Efesus 5:26

Mana neke eni igne mala fablahini nei mala tihi fagaeni eghu khiloau na ka khoꞌu nei ka chekegna.

Ululahu Tesalonika 1:1

Iara mae Pol baludi mae Silas ghe mae Timoti, te riso ari letas igne ka ghotilo naikno khiloau nogna God Mama nei noda Lord Jisas Kraes te au ka namono Tesalonika. Ghehati toreni nogna khokofakasai nei pharikeli God Mama te mala au balumi.

Ululahu Tesalonika 4:7

Naugna God neke kilo ghita mala naikno blahi eghuteuna theome magnahaghei ghita te au ka nakhibo.

Fapea Tesalonika 1:1

Iara mae Pol baludi mae Silas ghe mae Timoti, te riso ari letas igne ka ghotilo naikno khiloau te au Tesalonika nogna God Kmada nei Lord Jisas Kraes.

Ululahu Timoti 2:8

Eghume iara magnahaghedi mae nalha'ura heva heva ka khiloau gne mala tarai. Kate tarai na, mare mala au nagnafa te klino nei mala theo diꞌa tadi na ba magra na.

Ululahu Timoti 3:15

Nu neubane theome faghose ari iara, iagho ginauna tangomana te iu'ijuni letas igne eidi gloku te keli te edi nogna naikno God re. Igne u khiloau nogna God, mae ihei karha te tifa. Eghuteuna khiloau gne ngala te loku famakuni u thofno cheke te tutuani na mala theo kaisei naikno te roꞌeni.

Fapea Timoti 1:9

God neke fakarhi ghita, eghuteuna kilo ghita mala nogna naikno mana thegna. Mana neke theome eni igne unha tahati tangomana te eni theda na, nu mana thegna neke magnahaghei eni igne naugna mana namha ghita fara. Eghuteuna nogna namha God tuana neke tusu mei ka tahati ka mae Jisas Kraes kani theome fufunu nga neku nauthoglu igne.

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Fapea Timoti 2:22

Au fadelei ka glepo te diꞌa te magnahaghedi naikno majaghani are. Hati nhetamu na mala au doglo nei mala heta nou fatutuani na ka Lord, namhadi naiknore, eghuteuna au fakeli baludi thofno naikno khiloau te gnafare.

Hibru 10:10

Mae Jisas Kraes ne eni unha te magnahagheni God na ne snakreni thinigna thegna na ne lehe kaisei fata ngala. Kate eni fafara mana igne, tahati ne klino ke ulugna God.

Hibru 13:12

Mae Jisas jaola neke au papara nei lehe ke kosi namono Jerusalem. Mana neke lehe mala blahi nogna naiknore ka dadaragna thegna.

Hibru 2:11

Tutuani fara, mae ihei te faklinodi naiknore ke ulugna God nei naikno te klinore eghu God ngala Kmadi na. Naugna igne mae Jisas ne keli tagna te kilo ghita thabusigna thegna.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Thakle 19:16

Ka nogna pohe nei boebokegna teure mare rioriso nangha igne, “Mae King te funei frunidi King te gnafa nei Lord te funei frunidi Lord te gnafa.”