Ululahu Korin 1:14 - Buka Blahi Ka Cheke Holo

¹⁴ Iara cheke fakelini God naugna iara neke theome apublahi ghami ghotilo. Mae Krispasi ghe mae Gaeasi ngala teke faꞌapublahidi iara re.

Ululahu Korin 1:14 ပူးပေါင်းရင်းမြစ်များ

Mae Khuru 18:8

Mae biꞌogna suga tharai igne, nanghagna na mae Krispasi, mana baludi naikno te gnafa te au ka tharaknagna mana na ne kafe fatutuani ni Lord. Eghuteuna kmana naikno langau Korin ne fanomho ka mae Pol. Mare fatutuani ni mae Jisas ne apublahi.

Letas Teke Riso Tei Mae Pol Ka Khiloau Rom 16:23

Mae Gaeasi jaola kubae ghami ghotilo. Iara au ka sugagna mana gognaro na. Khiloau na salo fodu koba ka sugagna mana. Erastus mae mala reireghi sileni gna namono biꞌo Korin gne, nei mae kherada Kuotasi phiamare kubae ghami ghotilo.

Ululahu Tesalonika 5:18

Cheke fakeli eidi gobigna lepo fateo, neubane unha te keli ba diꞌa. Tuana unha God te magnahagheni ka ghotilo naikno khiloau ra.

Kolose 3:17

Gobigna lepo te edi ba te chekedi ghotilo re la kafe edihi malagna noda Lord Jisas Kraes. Eghuteuna ghotilo cheke fakelini God Kmada ka mana.

Kolose 3:15

Eghuteuna snakreni nogna pharikeli Kraes na mala saghe leghudi gaoghathomire. Naugna God neke kilo ghami ghotilo mala au fodu jateula kaisei thini eghu ngala, nei u pharikeli igne tangomana te au balumi ghotilo. Eghuteuna leuleghu fata na ghotilo mala cheke fakelini God.

Efesus 5:20

Eghuteuna ka nanghagna mae Jisas Kraes noda Lord, ghotilo cheke fakelini God Kmada eidi gobigna lepo te edi leuleghu narane.

Fapea Korin 2:14

Nu ghehati ne cheke fakelini God, mae ihei te togho ghami fabrahu balugna Kraes te mala uluni ghehati u magra na ka vido aheva mana teke kuru lao ghami na. God ne loku ke lamnami ghehati mala tangomana glalase eigna Kraes na te tei tongana heva heva jateula insens te siri keligna fara.

Ululahu Korin 14:18

Tutuani, iara cheke fakelini God, naugna iara tangomana te chekeni chekegna God ka keha nafnata chekei na, iara ulu ghami ghotilo hui.

Ululahu Korin 1:4

Iara cheke fakelini God leuleghu fata naugna mana neke tusu ari ka ghotilo nogna khokofakasai na mala kaisei ghotilo balugna Jisas Kraes.

Filimon 1:4

Uve ghema Filimon, iara cheke fakelini noda God koba kate tarai nigho na.

Ululahu Timoti 1:12

Iara cheke fakelini mae Jisas Kraes noda Lord eigna mana rouronu ghau iara mala loku ranghini. Mana neke tusu ranghi ghau iara nanheta malagna gloku blahi igne.

Mae Khuru 10:48

Aonu mae Pita ne chekedi naikno igre mala apublahi ka nanghagna mae Jisas Kraes. Eghuteuna naiknore ne toreni mae Pita mala ke au ghu baludi keha narane.

Ululahu Korin 1:15

Eghume theo kaisei naikno te chekeni neke apublahi mala leghu ghau iara teuna.