Ululahu Korin 1:12 - Buka Blahi Ka Cheke Holo

¹² Igne gaoghathogna unha te chekeni iara na. Keha mae cheke eghu, “Iara nogna mae Pol.” Kehare cheke eghu, “Iara nogna mae Apolosi.” Kehare cheke eghu, “Iara nogna mae Pita.” Eghuteuna kehare cheke eghu, “Iara nogna mae Kraes.”

Ululahu Korin 1:12 ပူးပေါင်းရင်းမြစ်များ

Jone 1:42

Mae Aduru hatani mae Pita ne tei ka mae Jisas. Mae Jisas ne filo ka mae Pita ne cheke eghu ka mana, “Gognarona nanghamu iagho na mae Simon, thugna mae Jone, eghuteuna ginauna mare na kilo nigho iagho mae Sifas.” Nangha igne gaoghathogna na “mae Pita” ba “thina.”

Galesia 3:17

Igne gaoghathogu iara na. Ulu lahu na God neke eni kaisei nhaꞌa cheke balugna mae Ebraham. Fati gobi tolufulu finogha ke leghu, God neke tusu mei u vetula ranghini mae Moses. Eghuteuna u vetula na theome tangomana te paꞌeni ba te tuthughu u nogna nhaꞌa cheke God balugna mae Ebraham igne.

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Fapea Korin 9:6

Ghathoni igne, ihei te theome joꞌu fakmana na, mana ginauna theome hata kmana gano kolho. Ihei te joꞌu fakmana na, mana ginauna jaola hata kmana gano.

Ululahu Korin 16:12

Eigna thabusida ka khiloau mae Apolosi, iara chekeni mana kmana fata mala ari baludi keha mae thabusigna mala sigho ghami ghotilo. Gognaro na mana theome ghathoni ngau te mala ari na, nu ka vido te snagla ginauna, mana na ari ka ghotilo.

Ululahu Korin 15:50

Kheraguro, iara magnahaghei te chekeni ka ghotilo igne, thinigna naikno na theome tangomana te tei thoke kligna na. Uve, thini na theome tangomana te au raugha na naugna glepo mala boto kolho. Eghuteuna glepo te mala boto na theome tangomana te au fodu balugna glepo te theome boto kligna na.

Ululahu Korin 15:5

Mana neke fatakleni thegna ka mae Pita, ke leghu na ka hatimare nabotho phei mae fanomhore.

Ululahu Korin 9:5

Eghuteuna jame magnahagheni iara na, iara jaola tangomana te hata kaisei gaꞌase khiloau te mala tei balugu ka nogu gloku na, jateula te edi keha mae khurura eghu, hatimare mae thabusigna Lord, nei mae Pita teu ra neke eni igne.

Ululahu Korin 7:29

Uve kheraguro, igne gaoghathogna nogu cheke iara na, katha vido kmoꞌei kolho te mala loku tahati ranghini Lord na. Eghume, funu gognaro na, mae iheire tela tolaghihira, mare mala au jateula iheire te theome tolaghi eghu mala loku brana.

Ululahu Korin 4:6

Kheraguro, te mala laseni ghotilo unha te chekeni iara na, iara neke cheke eidi puhimi ghepa mae Apolosi, mala glola fakeli ka ghotilo gaoghathodi u cheke igre, “Ghotilo leghuni ngala unha te risoni ka grioriso te blahi na.” Ka puhi igne ghotilo ginauna theome tangomana te cheke fahaehagheni fara kaisei naikno ke uludi keha naiknore.

Mae Khuru 18:24

Ka vido tuana, kaisei mae Jiu teke karha Aleksadria na, mana tei ne posa Efesus. Mae igne nanghagna na, mae Apolosi. Mae Apolosi gne kaisei mae lase cheke fara, nei laseni fara u grioriso te blahi na.

Matiu 23:8

“Nu te chekeni iara ka ghotilo na, thosei jateula mare eghu snakreni kaisei naikno mala kilo ghami ‘Mae Velepuhi’. Naugna ghotilo kafe thabusigna nei thabureghagna eghu ngala. Eghuteuna iara ngala nomi mae velepuhi ghotilo na.

Mae Khuru 19:1

Kate au teu mae Apolosi ka namono Korin, mae Pol liu mhata ne tei thoke Efesus. Mana ne filodi keha naikno khiloau jare.

Ululahu Korin 1:11

Kheraguro, keha naikno ka tharaknagna Kloe te toutonu ka iara na ghotilo magra koba.

Fapea Korin 10:7

Ghotilo mala filoni unha te ulu! Ihei te chekeni ne nogna Kraes teuna, mana mala ke ghaoghathoni, eigna ghehati jateula mana eghu nogna Kraes.

Ululahu Kings 16:21

Ke leghugna te lehe mae Simri igne, vikegna Israel na ne fnota pea ka phei tothoghei. Kehare magnahagheni mae Tibni thugna mae Genat te mala king gna Israel. Eghuteuna kehare magnahagheni mae Omri te mala king gna Israel na.