Ululahu Korin 1:11 - Buka Blahi Ka Cheke Holo

¹¹ Kheraguro, keha naikno ka tharaknagna Kloe te toutonu ka iara na ghotilo magra koba.

Ululahu Korin 1:11 ပူးပေါင်းရင်းမြစ်များ

Ululahu Timoti 6:4

Naikno te farirhiu chaichaghi igre theome laseni kaisei glepo nu mare fahaehaghe fara eghu, eghuteuna au gaoghatho te diꞌa mala magra fabrahu eidi nafnata cheke te theo nafudi. Nafnata puhi igne faꞌeiꞌeidi naiknore mala goghotu, magra, nagho nei au gaoghatho te diꞌa.

Galesia 5:26

Thosei fahaehaghe ghita theda, thosei eꞌei puhi ranghini ihei nei thosei goghotu fari theda.

Ululahu Korin 3:3

Tutuani, puhimi ghotilo re kaisei nanaba ngala ka naikno te leghuni puhigna nauthoglu igne. Naugna goghotu koba, magra koba teu ghotilo igre ngala fagaglana gna te leghuni ghotilo puhigna nauthoglu na, theome leghuni mae Tharunga te Blahi.

Proveb 18:6

Nogna cheke mae te fameomekro na mala faripholai ka keha mae na. Eghuteuna kate nomhini mare nogna cheke manare, mare magnahaghei te magrini mana.

Galesia 5:20

tufru soru ka mumuju, neilehe, majora, fapholai, goghotu, faheaheta, fabiꞌobiꞌo, famamagra, fafoafota,

Galesia 5:15

Nu jame diꞌatami fabrahu nei magra teu ghotilo fari themi na, fiofilo ghami, na eghunu roꞌe fahui ghami themi ghotilo ginauna eghu.

Fapea Korin 12:20

Eigna iara nanga nogu mala ari posa ka ghotilo, na eghunu jafra ghotilo ka unha te magnahaghei filoni iara ka ghotilo na eghu. Jame te eghu na, iara ginauna jaola na jafra ka unha te magnahagheni ghotilo na. Kate ari posa iara ka ghotilo na, theome keli te filoni iara ke lamnami te magra, goghotu, diꞌatami faghose, ghatho ghami themi kolho, nhagho, buiburi naikno, fahaehaghe, nei theome au fodu.

Proveb 13:10

Mae te fahaehaghe na, mae mala magra nei fapholai eghu. Nu mae te fanomho ka farirhiu na, mana mae glalase.

Jenesis 37:2

Igne u thoutonu eigna mae Jekop nei thugna mana re teuna. Mae Josep gne kaisei mae majaghani fara, nabotho fitu finogha gna kolho. Mana neke mae mala reireghi sipu nei nanigot eghu baludi mae ke biꞌogna re, mae ke biꞌogna mana igre neke thudi Bilha ghe Silpa, phei khetogna mae kmagna. Mae Josep neke posa toutonu koba ka mae kmagna na unha puhi te diꞌa teke edi mae ke biꞌogna re.

Jenesis 27:42

Rebeka ne nomhi unha te ghathoni mae Iso igne ne ehani mae Jekop ne cheke eghu ka mana, “Fanomho fakeli iagho ia. Tighamu iagho Iso gne fameomegoni thegna ka gaoghatho te mala falehe nigho iagho na.

Filipae 2:14

Uve, te chekeni iara ka ghotilo na, thosei au cheke leghugna nei thosei khuru magra eghu.

Ululahu Korin 11:18

Glepo ulu lahu te nomhini iara na, kate khapru te mala tarai na ghotilo fnota ka phei tothoghei, tothoghei mae dedei nei tothoghei mae khuma. Iara fatutuani ni igne jame roi tutuani fara.

Ululahu Korin 1:10

Kheraguro, gognaro na iara cheke heta ka nanghagna noda Lord Jisas Kraes. Iara tore ghami fara ghotilo mala thosei eni ghotilo nafnata puhi te fnota tafri ghotilo igne. Te keli na ghotilo jame ke funu loku fodu ka kaisei nagnafa nei kaisei gaoghatho ngala.

Ululahu Korin 1:12

Igne gaoghathogna unha te chekeni iara na. Keha mae cheke eghu, “Iara nogna mae Pol.” Kehare cheke eghu, “Iara nogna mae Apolosi.” Kehare cheke eghu, “Iara nogna mae Pita.” Eghuteuna kehare cheke eghu, “Iara nogna mae Kraes.”

Taetus 3:9

Nu thosei au baludi iagho naikno te chekedi gobigna lepo te fameomekro ba te magra eidi susurei teke funu tifa teke mei, ba naikno te fapoaphola, ba magra eigna u gaoghathogna nogna vetula mae Moses. Eghume u glepo te edi mare tuare theome glepo mala toghoni kaisei naikno.