Ululahu Korin 1:10 - Buka Blahi Ka Cheke Holo

¹⁰ Kheraguro, gognaro na iara cheke heta ka nanghagna noda Lord Jisas Kraes. Iara tore ghami fara ghotilo mala thosei eni ghotilo nafnata puhi te fnota tafri ghotilo igne. Te keli na ghotilo jame ke funu loku fodu ka kaisei nagnafa nei kaisei gaoghatho ngala.

Ululahu Korin 1:10 ပူးပေါင်းရင်းမြစ်များ

Ululahu Korin 12:25

Eghume ka puhi igne, soasopai vido igre na theome fnota, nu mare te gnafa na tangomana te ghathodi kehare.

Letas Teke Riso Tei Mae Pol Ka Khiloau Rom 12:16

Ghotilo mala au fodu ka pharikeli. Thosei fahaehaghe, nu fofodu ka iheire te au faparidi thedi. Eghuteuna thosei ne lalase farahi themi eghu.

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Nodi Khoje Hatimare Mae Jiu 133:1

Kheraguro! Thofno keli fara te au fodu tahati nogna naikno God ra te kaisei gaoghatho ngala jateula kaisei thabusigna teuna.

Ululahu Korin 11:18

Glepo ulu lahu te nomhini iara na, kate khapru te mala tarai na ghotilo fnota ka phei tothoghei, tothoghei mae dedei nei tothoghei mae khuma. Iara fatutuani ni igne jame roi tutuani fara.

Filipae 1:27

Uve, glepo te ulu na puhimi ghotilo re mala leghuni nogna Nonomho te Keli mae Jisas Kraes. Eghume neubane mei iara ne sigho ghami ba ne tei koko ghami, iara ginauna nomhidi thoutonu te keli eimi ghotilo re. Iara magnahaghei te nomhi ghami ghotilo te kaisei nomi gaoghatho ngala nei kegra maku ka nomi fatutuani na ka mae Jisas Kraes.

Letas Teke Riso Tei Mae Pol Ka Khiloau Rom 16:17

Kheraguro, iara cheke heta ka ghotilo mala fiofilo ghami ka iheire te magnahaghei fotani u khiloau gne. Mare tangomana te goigonidi nomi fatutuani ghotilo re baludi keha glepo te jafra ka farirhiu tela nomhidihi ghotilo ra. Thosei fanomho ka mare.

Fapea Korin 5:20

Eghume God neke kilo ghami ghehati mala toutonu eigna mae Kraes. Eghuteuna kate eni ghehati igne, jateula God thegna ngala teke ehadi naiknore mala mei ka mana. Uve, ghehati thofno tore ghami ghotilo ka nanghagna Kraes mala ke pulo mei ke au fakeli balugna God.

Ululahu Korin 4:16

Eghume iara tore ghami fara ghotilo te mala fariuriu leghuni puhigu iara na.

Mae Khuru 4:32

Naikno te fatutuani ni mae Jisas re ne kaisei nagnafa ngala nei kaisei gaoghatho ngala. Theo kaisei naikno te chekeni ne khotogna thegna ngala kaisei glepo teuna. Nu mare tufa gobigna lepore.

Profet Jeremaea 32:39

Eghuteuna iara ginauna toghodi mare mala kaisei loku fodu ka kaisei nodi gaoghatho ka unha nate eni mare na. Leuleghu fata na mare te gnafa na mala ghatho tahu ghau iara ka nakarhadi na, eghuteuna mare balu thudi nate karha mei ke leghudire tangomana nate au fakeli na.

Jone 17:23

Iara au baludi mare, eghuteuna iagho au balugu iara. Eghume mare ginauna thofno mala kaisei ngala. Aonu nauthoglu igne ginauna lase nigho iagho teke kuru mei ghau iara na. Jaola, nauthoglu igne ginauna lase nigho iagho te namhadi naikno igre jateula iagho te namha ghau iara.

Ululahu Tesalonika 5:13

Thofno ghatho tahudi fara nei namhadi eghu eigna nodi gloku te edi ranghi ghami ghotilo ra. Au fodu ka pharikeli.

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Jone 10:19

Kate nomhidi mae Jiu gre cheke mae Jisas igre, mare ne theome kaisei gaoghatho ka nogna cheke mana re.

Ululahu Pita 2:11

Uve kheraguro, ghotilo jateula naikno fasigho nei mae phosa eghu ka nauthoglu igne naugna ghotilo theo kaisei namono ka nauthoglu gne te thofno namonomi ghotilo na. Eghume, iara thofno tore ghami ghotilo mala au fadelei ka glepo te diꞌa te magnahaghedi thinimire. Naugna glepo te diꞌa igre magra ka nakarhami ghotilo re.

Fapea Timoti 4:1

Iara cheke fajiflani cheke igne ka ghotilo ke ulugna God nei ke ulugna mae Jisas Kraes. Mana ginauna fatedi naikno te gnafa te karha nga teu ba tela lehehi. Naugna mae Kraes ginauna nake pulo mei mala funei frunidi jateula mae King eghu tifa tifa, iara cheke heta ka iagho

Filipae 3:16

Neubane eghu ngau, te keli na tahati kaisei nagnafa ngala mala leghuni fabrahu u nafnata farirhiu te leghuni te mei tahati funu tifa te ghilei thoke ka narane gognaro gne.

Fapea Korin 10:1

Keha naikno ka ghotilo cheke eghu, “Kate au teu delei na mae Pol gne cheke faheta fara ka tahati, nu kate mei agne na mana mhaghu te cheke fabiꞌo na!” Fanomho ka iara. Uve, Kraes na mae keli, eghuteuna mana theome ghosei diꞌatagna. Iara leghuni puhigna mana na. Eghume te chekeni iara ka ghotilo na,

Jone 7:43

Aonu naiknore ne theome kaisei gaoghatho eigna mae Jisas ne fnota.

Nonomho Te Keli Teke Risoi Mae Mak 2:21

“Theome tangomana tahati te hata nabreku pohe majaghani na te susuki fodu ka pohe tiatifa tela korahi na. Te eghu tahati na, kate titihi na, nabreku pohe majaghani tuana ginauna rerheku ngala keha pohe tiatifa tuana. Eghuteuna khora tuana ginauna na biꞌo uluni tifa na.

Matiu 9:16

“Theome tangomana tahati te hata nabreku pohe majaghani na te susuki ka pohe tiatifa tela korahi na. Te eghu tahati na, kate titihi tahati na, nabreku pohe majaghani tuana ginauna nake rerheku ngala keha pohe tiatifa tuana. Eghuteuna khora tuana nake biꞌo lao gnai teke ului na.

Ululahu Timoti 5:21

Iara cheke faheta ka iagho ke ulugna God nei Jisas Kraes nei hatimare mae engel te blahi, iagho mala famane leghudi cheke igre. Eghuteuna kate leghudi cheke igre, iagho thosei filo ka tatha me vahini kolho mae ihei te magnahagheni themu na.

Fapea Tesalonika 2:1

Uve kheraguro, ghehati magnahaghei te cheke ka ghotilo eigna narane meigna noda Lord Jisas Kraes mala salo fodu ghita balugna.

Galesia 4:12

Kheraguro, iara neke jateula ghotilo neku. Eghume iara tore ghami fara mala leghuni puhigu iara gne. Ghotilo neke theome eni kaisei najafra ranghi ghau iara tifa na.

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Letas Teke Riso Tei Mae Pol Ka Khiloau Rom 15:30

Kheraguro, naugna tahati kaisei balugna noda Lord Jisas Kraes nei Tharunga te Blahi togho ghita te mala fari namhai, iara thofno tore ghami mala kaisei balugu ka tharai nei toreni God mala togho ghau iara.

Jone 9:16

Eghuteuna, keha mae Farasi re ne cheke eghu, “Mae teke eni igne neke theome mei funu ka God, naugna mana ne theome leghuni vetula gna narane Sabat.” Nu keha mae re ne cheke eghu, “Jame mae teke eni igne mana mae diꞌa meuna, mana jame theome tangomana te edi kofubobhoi igre.” Mae Farasire ne theome kaisei gaoghatho eigna mae Jisas.

Letas Teke Riso Tei Mae Pol Ka Khiloau Rom 1:13

Uve kheraguro, funu tifa te mei posa gognaro gne iara magnahaghe ghami ghotilo te laseni kmana fata iara au gaoghathogu fara te mala ari posa ka ghotilo na, nu keha glepo te fanogra ghau koba iara. Iara magnahaghei te mei mala toghodi kmana naikno jare ke lamnami ghotilo te leghuni mae Jisas jateula teke edi iara ke lamnadi keha naikno te theome mae Jiu.

Ululahu Korin 1:11

Kheraguro, keha naikno ka tharaknagna Kloe te toutonu ka iara na ghotilo magra koba.

Ululahu Korin 3:3

Tutuani, puhimi ghotilo re kaisei nanaba ngala ka naikno te leghuni puhigna nauthoglu igne. Naugna goghotu koba, magra koba teu ghotilo igre ngala fagaglana gna te leghuni ghotilo puhigna nauthoglu na, theome leghuni mae Tharunga te Blahi.

Fapea Korin 13:9

Ghehati gleale'a fara jame te kegra heta ghotilo ka puhi te doglo na, neuba ghehati ne jateula te nigra neu kolho. Eghume ghehati tarai mala tangomana ghotilo te thofno naikno keli fara ke ulugna God na.

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Josua 22:15

Kate posa lao mare ka namono Gilead, mare ne cheke baludi vikegna Ruben, nei vikegna Gad, nei vido gaga ka vikegna Manase te au ke maghatigna namono igne.

Nonomho Te Keli Teke Risoi Mae Mak 3:24

Filo si ghotilo, jame naiknogna kaisei namono magra fari thedi, namono tuana theome tangomana te au raugha.