Ululahu Kings 9:26 - Buka Blahi Ka Cheke Holo

²⁶ King Solomon jaola ne horo kmana vaka Esion-Geba rhegna Elat, ka gratha Thongna Ukru Idom.

Ululahu Kings 9:26 ပူးပေါင်းရင်းမြစ်များ

Ululahu Kings 22:48

King Jehosafat ne horo vaka biꞌo mala luja glepo. Eghuteuna mana ne kuru teidi nogna mae gloku re mala tei hata gol Ofia. Nu vaka igne ne tei ghorho Esion-Geba ne theome tangomana te tei thoke jare.

Diutronomi 2:8

“Eghume tahati neke lithui neke tei ka nodi vido vikeda theda mae Iso. Eghuteuna tahati neke theome leghuni nabrou te tei fei Thongna Lehe ia nei phei namono Elat ghe Esion-Geba. Eghuteuna tahati tei neke posa ka namono nagou Moab.

Naba 33:35

Ke leghugna te jifla mare Abrona na, mare neke tei au Esion-Geba.

Fapea Kings 14:22

Ka narane ke leghu gna te lehe King Amasaea igre, King Asaraea tei ne magra Elat, eghuteuna mana neke hata fapulo namono igne neke babana fapulo.

Ululahu Kings 10:22

Eghuteuna King Solomon au nogna kmana vaka biꞌo mala luja kago te loku baludi nogna vaka King Hiram. Vaka igre tangomana te tei faligoho nabagna thilo finogha. Eghuteuna mare ke pulo mei baludi silva, gol, kheꞌi elefant, mongki nei thua nafnata nanghaji.

Ululahu Kings 22:49

King Ahasaea gna Israel igne ne cheke eghu ka Jehosafat, “Iagho snakredi nogu mae gloku iara gre mala loku baludi nou mae kru iagho are.” Nu mae Jehosafat ne theome magnahagheni nogna gaoghatho mana igne.

Proveb 31:14

Leuleghu fata na naꞌa tei hiro gano eghuteuna hata mei ka suga na, naꞌa jateula vaka te hata kako te meira eghu.