Ululahu Kings 9:25 - Buka Blahi Ka Cheke Holo

²⁵ Thilo fata leuleghu finogha, King Solomon fafara ka Lord ka olta teke eni mana na. Fafara te eni mana igne thofno knoro fara, mana eni fafara igne mala laseni naiknore te au fakeli mana balugna Lord. Eghuteuna mana jaola gahu insens ranghini Lord. Ka nafnata puhi igne, mana edi gobigna lepo igre kate tarai ka nogna Sugablahi Lord teke horo mana na.

Ululahu Kings 9:25 ပူးပေါင်းရင်းမြစ်များ

Fapea Kronikols 8:16

Aonu gloku te gnafa teke edi mae Solomon igre ari ne gnafa nodi. Glokugna nogna Sugablahi Lord na ne thofno keli fara, funu ka narane teke famamhakugna pari na tei posa ka fahuhuigna gloku na.

Diutronomi 16:16

“Leuleghu finogha, ghotilo mae nalhaꞌu te gnafa Israel ra ghotilo mei thilo fata ka vido blahi teke vahini Lord igne. Thilo fata igre, Gaghamu Ghasa-Polho na, nei Narane biꞌodi Fitu Wik, nei mala Au ka Grorofe Ikoi teuna. Ka thilo gaghamu igre, theome tangomana kaisei naikno te fiti sasama te mei na.

Fapea Kronikols 34:25

Naugna naiknore ne tirodi ghau iara ne gahu insens ka keha god delei, eghuteuna puhidi mare igre te thono diꞌatagudi fara iara re. Eghume iara ginauna na fakakhana diꞌatagu na ka mare, eghuteuna diꞌatagu iara igne theome tangomana te gnafa na.’ ”

Fapea Kronikols 29:11

Kheraguro! Ghotilo fanomho ka nogu cheke iara igre! Na glahu glaꞌe soru ghotilo. Lord neke vahi ghami ghotilo mala gahu insens ka mana, nei batudi nogna naikno mana re mala pogho soruni mana.”

Ululahu Kronikols 23:13

Mae Amram neke au phei thugna nalhaꞌu: Mae Eron ghe mae Moses. Lord neke vahini mae Eron baludi thugna mana re mala fiofilodi glepo blahi teke tusu lao naiknore ka Lord, eghuteuna vikegna mana na eni koba gloku igne. Nodi gloku mare na mala gahu fafara mala tufru soruni Lord, eghuteuna mare edi keha gloku te mala fablahidi naiknore ka nanghagna Lord.

Ululahu Kings 6:38

Eghuteuna ka fahana nhigra ka nabotho kaisei finogha gna King, mare ne loku fahui Sugablahi igne. Mare horo ne thofno horoghoto ka unha teke ghathoni mana na. King Solomon ne hata fitu finogha te horo Sugablahi igne.

Eksodas 34:23

Thilo narane biꞌo igre leuleghu finogha na mala mei ghotilo mae nalhaꞌu ra mala tarai ke ulugu iara Lord, nodi God maedi Israel.

Eksodas 30:7

“Leuleghu hamerane na, Eron mala tarabana mala fakasa juta igre ke kligna olta na. Eghuteuna mana atha insens te famane sisiri gna na.

Jajis 11:40

Naugna igne leuleghu finogha na gaꞌasedi Israel igre jifla tei tanhi nabagna fati narane ke ghatho fapuloni thugna gaꞌase Jefta maegna Gilead.

Ululahu Kings 6:9

Eghume mare ne loku fahui Sugablahi igne. Mare horo ka thaba sida ke pari ka glamna gna suga na.

Ululahu Kings 6:14

Aonu mae Solomon ne loku fahui Sugablahi igne.