Ululahu Kings 9:19 - Buka Blahi Ka Cheke Holo

¹⁹ Eghuteuna mare jaola horo keha namono biꞌo mala lilisei gano, chariot mala magra nei hose. Eghuteuna mare jaola ne horo keha glepo te magnahaghei edi mana Jerusalem nei Lebanon, nei ka keha vido aheva te funei frunidi mana re.

Ululahu Kings 9:19 ပူးပေါင်းရင်းမြစ်များ

Ululahu Kings 9:1

King Solomon loku ne gnafa nogna Sugablahi Lord na balugna nogna suga biꞌo thegna na, nei keha glepo teke magnahaghei edi mana re.

Eklesiasti 6:9

Te keli na tahati mala glealeꞌa kolho ka glepo tela auhi tadare, thosei magnahaghei glepo te kmana. Nakarha te theome glealeꞌani tahati unha tela auhi tada igne, theo nafugna kolho. Eigna nafnata nakarha tuana jateula mae ihei te ngolho leghu ka nuri na ia eghu kolho.

Eklesiasti 2:10

Uve, iara au nogu gobigna lepo te magnahaghedi iara re, eghuteuna iara eni unha te magnahagheni fara iara na. Iara thofno glealeꞌa fara ka gobigna lepo te edi iara re, eghuteuna glepo igre jateula nogu taba eghu iara.

Fapea Kronikols 1:14

Mae Solomon ne hata kaisei thogha fati gobi chariot nei nabotho phei thogha hose mala magra. Eghuteuna mana ne lilisei kehare Jerusalem, eghuteuna kehare ka namono te ulu ke lamna Israel.

Ululahu Kings 10:26

Mae Solomon au kaisei thogha fati gobi chariot mala magra, nei nabotho phei thogha hose maladi mae armi. Kehare mana lilisei Jerusalem, eghuteuna kehare au ka keha namono Israel.

Eksodas 1:11

Aonu mae Ijep igre ne lilisei keha mae mala reireghidi nei huhurudi eghu maedi Israel mala loku jateula naikno sneka eghu. Mare eni igne mala thofno paradi mare. Ka puhi igne mare huhurudi mare mala loku ka phei namono biꞌo Pitom ghe Ramese, aheva king te lilisei gano nei keha glepo eghu tagna.

Ululahu Kings 9:20

Ka narane te uluni naiknodi Israel kantri igne, mare ne theome aknu falehe naikno te gnafa te au ka kantri igne. Naikno igre mei funudi ka vikegna mae Amo, ka vikegna mae Het, ka vikegna mae Peris, ka vikegna mae Hivi, nei ka vikegna mae Jebus. Aonu keha vike te theome naiknodi Israel re au lau ka nodi namono maedi Israel igne. King Solomon huhurudi mare mala loku jateula naikno sneka eghu fabrahu Israel.

Ululahu Kings 5:6

“Eghume, iara magnahaghei nigho iagho te mala chekedi nou mae glokudi Sidon ra mala tei Lebanon mala kato keha gaju sida jare, mala babana iara Sugablahi igne. Nu iara ginauna kurudi nogu mae gloku igre mala ari toghodi mare. Eghuteuna iara ginauna foli nigho unha te chekeni iagho na mala folidi iagho nou mae glokure. Tapa kafe lasedi nou mae gloku iagho are thofno lalase salaꞌudi keha mae te kato thabara.”