Ululahu Kings 9:16 - Buka Blahi Ka Cheke Holo

¹⁶ Tifa na king gna Ijep na neke magra ka namono Gesa. Mana uluni namono igne neke gnubra ka khaꞌaghi, eghuteuna mana aknu falehe naiknodi Kenan teke au ka namono igne. Kate tolaghi ka King Solomon thugna gaꞌase na, king gna Ijep igne ne snakreni namono igne ka thugna gaꞌase na, jateula kaisei nogna namha neku ka naꞌa.

Ululahu Kings 9:16 ပူးပေါင်းရင်းမြစ်များ

Ululahu Kings 3:1

King Solomon ne eni kaisei nhaꞌa cheke balugna king gna Ijep. Te mala rheta fakeligna nhaꞌa cheke igne, King Solomon ne tolaghi ka thugna gaꞌase king. Mana hata gaꞌase igne ne tei au Jerusalem ka namonogna Devet ne ghilei gnafa nogna suga na, nogna Sugablahi Lord na, nei bara thina te falithuini Jerusalem.

Ululahu Kings 9:24

Eghuteuna kate gnafa nogna suga biꞌo thugna gaꞌase king gna Ijep igne, mae Solomon ne hata fajiflani naꞌa ka nogna namono biꞌo mae Devet na mala tei au ka nogna suga na. Ke leghu igne mana ne fafodu glose ka kaisei vido rhegna thogele ke lamna Jerusalem.

Ululahu Kings 7:8

Ke leghugna chogho mala fate igne, mare au keha suga na malagna King Solomon. Nogna suga mana igne falithui kaisei glalaba. Eghuteuna mare horo kaisei suga malagna khetogna king, thugna king gna Ijep.

Josua 16:10

Vikegna mae Efrem igre theome ngolhi teidi kolho naiknodi Kenan te au ka namono Gesa. Mare au fodu kolho baludi mare mei posa gognarogne, nu vikegna mae Efrem igne huhurudi naiknodi Gesa mala loku jateula naikno sneka eghu.

Josua 10:33

Ke leghu, King Horam jifla Gasa ne tei toghodi maedi Lakis. Nu mae Josua ne uluni mae king igne nei mae iheire teke toghoni manare. Eghuteuna mae Josua ne falehedi ne gnafa naiknore ne theo kaisei te karha na.