Ululahu Kings 9:1 - Buka Blahi Ka Cheke Holo

¹ King Solomon loku ne gnafa nogna Sugablahi Lord na balugna nogna suga biꞌo thegna na, nei keha glepo teke magnahaghei edi mana re.

Ululahu Kings 9:1 ပူးပေါင်းရင်းမြစ်များ

Fapea Kronikols 7:11

King Solomon ne loku fahui nogna Sugablahi Lord na, balugna nogna suga biꞌo thegna na, nei keha glepo te magnahaghei edi mana re.

Ululahu Kings 9:19

Eghuteuna mare jaola horo keha namono biꞌo mala lilisei gano, chariot mala magra nei hose. Eghuteuna mare jaola ne horo keha glepo te magnahaghei edi mana Jerusalem nei Lebanon, nei ka keha vido aheva te funei frunidi mana re.

Eklesiasti 6:9

Te keli na tahati mala glealeꞌa kolho ka glepo tela auhi tadare, thosei magnahaghei glepo te kmana. Nakarha te theome glealeꞌani tahati unha tela auhi tada igne, theo nafugna kolho. Eigna nafnata nakarha tuana jateula mae ihei te ngolho leghu ka nuri na ia eghu kolho.

Eklesiasti 2:10

Uve, iara au nogu gobigna lepo te magnahaghedi iara re, eghuteuna iara eni unha te magnahagheni fara iara na. Iara thofno glealeꞌa fara ka gobigna lepo te edi iara re, eghuteuna glepo igre jateula nogu taba eghu iara.

Eklesiasti 2:4

Iara edi kmana gloku te biꞌo fara. Iara horo kmana suga biꞌo, eghuteuna iara joꞌu kmana nagare grep malagu thegu.

Ululahu Kings 9:11

Eghuteuna King Hiram gna Taea ne famei thaba gaju sida nei keha famane nafnata gaju balu gol ka King Solomon, mala tangomana mana te eni gloku igne. Kate ari te gnafa gloku na, King Solomon ne snakre lao varadaki namono ke lamnagna provins Galili ka King Hiram.

Ululahu Kings 7:51

Kate gnafa king Solomon glokugna nogna Sugablahi Lord igne, mana hata ne mei silva nei gol nei keha glepo teke fablahi kmagna mana, King Devet tifa, ne lilisei ka Sugablahi na.

Ululahu Kings 6:37

Khotogna Sugablahi igne, mare neke eni ka fapea nhigra ka fafati finogha gna King Solomon.

Ululahu Kings 7:1

King Solomon jaola ne babana kaisei suga biꞌo malagna thegna. Suga igne hata nabotho thilo finogha neke gnafa nga.

Ululahu Kings 7:2

Mare kiloni suga igne, “Gaju Gna Lebanon.” Naugna suga igne hohoro ka gaju gna Lebanon. Brahugna suga igne thokeni phiatutu glima mita, eghuteuna krepa gna na thokeni varadaki thilo mita. Eghuteuna haghe gna na thokeni nabotho thilo mita vidogna. Suga igne au fati thura khegra biꞌo ka sida. Thura khegra te gnafa igre au nabotho glima khegra tagna. Kligna ka khegra igre, mare lilisei phiatutu glima thaba sida biꞌo. Eghuteuna suga biꞌo igne mare hohoro ka thaba sida.

Ululahu Kings 8:66

Aonu ka keha narane na, king neke kuru fapulodi ka nodi namonore. Naiknore ne filo glanini Lord teke keli fara ranghini nogna mae gloku King Devet tifa ia, nei jaola keli ranghidi mare. Mare cheke gleale'a ka King Solomon neke pulo ka namono, nei kelitadi fara ka unha te edi Lord ka mare igre.

Ululahu Kings 9:10

Kate gnafadi varadaki finogha igre, King Solomon ne babana phei suga biꞌo, nogna Sugablahi Lord nei nogna suga thegna.

Fapea Kronikols 8:6

Mare jaola neke babana fapulo namono Balat nei keha namono mala lilisei gano, chariot nei hose mala magra, ba keha glepo te magnahaghei edi mana Jerusalem nei Lebanon, nei ka keha vido ba nohi te king frunidi mana.

Ululahu Kings 3:1

King Solomon ne eni kaisei nhaꞌa cheke balugna king gna Ijep. Te mala rheta fakeligna nhaꞌa cheke igne, King Solomon ne tolaghi ka thugna gaꞌase king. Mana hata gaꞌase igne ne tei au Jerusalem ka namonogna Devet ne ghilei gnafa nogna suga na, nogna Sugablahi Lord na, nei bara thina te falithuini Jerusalem.

Fapea Kronikols 7:1

Kate gnafa tarai King Solomon igne, khaꞌaghi na ne soru mei funu kligna ne ghamu fateo fafara teke edi naiknore. Eghuteuna naphaegna nogna nolaghi Lord na ne fodu ka Sugablahi na!

Fapea Kronikols 8:1

King Solomon neke horo nogna Sugablahi Lord na nei nogna suga biꞌo thegna na neku nabagna varadaki finogha.