Ululahu Kings 8:6 - Buka Blahi Ka Cheke Holo

⁶ Ke leghugna te fafara te gnafa na, hatimare mae pris pala nogna Bokis Nhaꞌa Cheke Lord na ne tei lamna Sugablahi. Mare lilisei lamna ka Thofno Chogho te Blahi fara na ke pari baghidi phei mumuju engel igre.

Ululahu Kings 8:6 ပူးပေါင်းရင်းမြစ်များ

Ululahu Kings 6:27

Mare fakegra haghe phei engel igre lamna ka Chogho te Blahi fara na. Aonu khukru baghidi phei engel igre namo ka gringnigna chogho igne, eghuteuna keha khukru baghidi phei engel igre loku fodu farihotei.

Ululahu Kings 6:19

Mare eni Chogho te Thono Blahi Fara igne mala lilisei nogna Bokis Blahi Lord ra eghu.

Fapea Samuel 6:17

Aonu mare pala ne tei lilisei Bokis Blahi igne ka suga tapuale teke tarabana mae Devet na. Aonu mana ne falelehe sipu mala fafara ka Lord. Kehare gahu ka khaꞌaghi, eghuteuna kehare fafara mala au ka pharikeli balugna Lord.

Profet Esikiel 10:5

Eghuteuna naogla baghidi engel igre thono biꞌo fara, mala tangomana naiknore te nomhidi neubane kegra mei neu delei ka keha philegna glalaba biꞌogna Sugablahi na. Naogla igne thono biꞌo fara jateula naogla gna Lord mae ihei te au nolaghi fateote'o eghu kate cheke teu mana na.

Profet Isaia 37:16

“Lord, iagho mae ihei te au nolaghi fateote'o! Iagho nomi God ghehati maemi Israel, iagho King mae ihei te gnokro ka sape nafnakno farihoteidi phei engel. Iagho ngala thofno God te tutuani na, eghuteuna iagho funei frunidi kantri te gnafa ka nauthoglu igne. Iagho neke vuavuhadi maloa ghe nauthoglu igre.

Nodi Khoje Hatimare Mae Jiu 99:1

Lord na King! Kate funei fruni mana naiknore thono mhaghuni fara mana. Mana gnokro ka nogna sape nafnakno na fari hoteidi phei engel, eghuteuna u nauthoglu na nghali kate kilo fnaknoni mana.

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Fapea Kronikols 5:7

Aonu hatimare mae pris pala Bokis Nhaꞌa Cheke igne ne tei lamna ka Sugablahi na. Mare tei ne lilisei lamna ka Chogho te Thofno Blahi Fara na ke pari baghidi phei mumuju engel igre.

Ululahu Kings 8:4

eghuteuna keha mae pris baludi keha mae Livaet pala ne tei Suga Tapuale te Blahi na baludi keha glepo blahi re. Mare pala ne tei glepo igre ka Sugagna Lord.

Fapea Samuel 6:2

Aonu mana batudi tolufulu thogha mae igre ne tei ka namono Bala ke lamnagna kantri Juda mala ke hata fapulo nogna Bokis Nhaꞌa Cheke God na. Bokis Nhaꞌa Cheke igne mare kiloni nogna “Bokis Nhaꞌa Cheke Lord mae ihei te au nolaghi fateote'o.” Mana gnokro jateula king teu jare farihoteidi phei engel te gnokro ke kligna Bokis Blahi igne.

Ululahu Samuel 4:4

Aonu mare ne kurudi keha mae mala tei Saelo, mala pala mei Bokis Blahi na. Phei thugna mae Eli, Hofni ghe mae Finihas, phiamare ne mei balugna Bokis Blahi aheva siasiglagna Lord mae ihei te au nolaghi fateote'o na gnokro jateula king eghu farihoteidi phei engel igre.

Eksodas 37:9

Eghuteuna mana jaola edi phei engel igre mala fari totoi, eghuteuna repa filo soru ka thotoku igne. Eghuteuna phei baghidi re fnerha tei ka repa, mala tava baghidi re ke kligna gna bokis igne.

Ululahu Kings 6:16

Eghuteuna lamna ka khukru gna Sugablahi na, mare horo kaisei chogho ikoi, mare kiloi chogho igne, “Chogho Thono Blahi Fara.” Brahugna chogho igne thokeni nheva mita, eghuteuna mare horo gringni igne ka thaba sida. Gringni igne funu pari tei posa kligna.

Ululahu Kings 8:3

Kate mei te gnafa mare na, mae pris re ne pala Bokis Blahi na,

Ululahu Kings 8:7

Aonu baghidi phei engel igre ne toku tafru Bokis Nhaꞌa Cheke igne baludi phei gaju te mala palagna Bokis igne.

Ululahu Kronikols 22:19

Eghume, gognarona ghotilo kaisei gaoghatho ngala mala leghuni gaoghathogna Lord nomi God. Gognarona ghotilo fufunu loku ka Sugablahi te mala cheke fakelini nanghagna Lord, eghuteuna ghotilo ginauna tangomana te hata te mei lilisei nogna Bokis Nhaꞌa Cheke Lord nei keha glepo blahi ra eghu ke lamnagna.”

Profet Esikiel 41:4

Mana jaola fafaja chogho lamna igne. Chogho igne kaisei nanaba ngala, eigna fati philegna re nabotho mita. Chogho igne au ke leghugna Chogho Blahi na, eghuteuna mae igne ne cheke eghu ka iara, “Igne ngala Chogho te thofno Blahi fara na.”

Nodi Khoje Hatimare Mae Jiu 80:2

Fatakle meini sagho nou nolaghi na ka ghehati vikegna mae Efrem, nei vikegna mae Benjamin, nei vikegna mae Manase. Fatakle mei sagho nou nolaghi na ka ghehati hui. Uve, mei sagho mala fakarhi ghami ka khamedi mae naoka gre.