Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ululahu Kings 8:43 - Buka Blahi Ka Cheke Holo

43 Neuba iagho ne au neu kligna, fanomho mei sagho ka unha te toreni mare na. Aonu naikno te au heva heva ka vido te gnafa igre ginauna lase nigho, nei ghatho tahu nigho jateula te edi nou naikno iagho Israel igre eghu. Eghuteuna naikno te gnafa igre ginauna laseni Sugablahi te horo iara igne kaisei vido mala pogho soru nigho iagho.

အခန်းကိုကြည့်ပါ။ ကော်ပီ




Ululahu Kings 8:43
19 ပူးပေါင်းရင်းမြစ်များ  

Naikno te gnafa ka kantri te gnafa igre ginauna ghatho tahuni Lord. Uve, hatimare mae king ka nauthoglu na gre ginauna na jaola fafnaknoni mana eigna nogna nolaghi biꞌo na.


Gognarogne, Lord ginauna snakre mei nigho iagho ka khamegu iara. Iara ginauna falehe nigho iagho, eghuteuna iara ginauna kusu phaꞌumu iagho na. Eghuteuna iara ginauna snakre lao thinimi ghotilo mae Filistia are ka nanghaji nei ka glepo te tautagu are eghu mala ghamu reꞌe. Aonu naikno te gnafare ginauna laseni te God na reireghini Israel.


Ka Thogele blahi Saion igne, naiknore ginauna theome tangomana te goigonidi gobigna lepo re, naugna nauthoglu igne ginauna fodu ka naikno te thofno laseni Lord, jateula thongna te fodu te salaꞌui ra eghu.


Iagho neke vuavuha naikno te au ka kantri te igre. Mare ginau mei pogho soru ka iagho mala cheke fakelini nanghamu iagho na.


Te eghu na naikno te gnafa ka nauthoglu igne ginauna laseni puhimu iagho na, eghuteuna naiknodi keha kantri gre ginauna laseni te fakarhidi iagho naiknore.


Naikno te gnafa nei kokholo te gnafa teu kau nauthoglu igne ginauna nake pulo mei ka iagho mala tufru soru nigho.


Nu iagho Lord, iagho nomi God ghehati maemi Israel. Fakarhi ghami ka khamedi mae Asiria gre, eghuteuna naikno te gnafa ka kantri te gnafa ka nauthoglu na igre ginauna laseni te kaisei iagho ngala God na.”


Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”


Jame te eghuna, neuba iagho ne au neu kligna, fanomho mei ka nogna tharai mana na. Ka puhi igne, naikno te gnafa ka nauthoglu igne ginauna thofno laseni nanghamu iagho na, nei gaoghathomu iagho na, jateula nou naikno iagho te ghatho tahu nigho igre eghu. Eghuteuna mare ginauna laseni Sugablahi teke horo iara igne, thofno nou iagho.


Kate filodi glepo igre, naikno te gnafa ka nauthoglu igne ginauna laseni Lord te au nolaghi biꞌo na, eghuteuna tahati ginauna ghatho tahuni fabrahu mana.”


Naugna Lord noda God neke cheke ranghini khoꞌu na neke krango neke ghilei kasa neke gnafa naiknore. Khoꞌu na moja neu ne ghilei kasa ne gnafa naiknore ka keha phile na jateula teke eni Lord ka Thongna Ukru na ranghidi kuꞌeda tifa ra neu.


Ka puhi igne naikno te gnafa ka nauthoglu igne ginauna laseni te Lord na ngala God te tutuani na.


Eghuteuna fei grafi ka vido mala fafara na, profet Elija lao ka olta na ne tarai, “Lord, iagho nogna God mae Ebraham, nogna God mae Aesak nei nogna God mae Israel. Iagho falase mei gognarogne iagho te nomi God ghehati maemi Israel, eghuteuna iara gne nou mae gloku iagho, eghuteuna iara eni igne, naugna iagho neke cheke ranghi ghau iara.


Tahati mala tegio Lord! Uve, tahati mala cheke fabiꞌoni nanghagna mana na! Eghuteuna tahati mala cheke ka naiknodi keha kantri are unha te edi God re.


Mana au neu jare ka sape nafnakno te mala funei fruni na ne filo soru ka naikno te gnafa te au teu ka nauthoglu gne.


Filo si ghotilo! Iara ginauna goigonidi naikno te au ka nauthoglu igne. Eghuteuna iara ginauna fufunu glepo igne Jerusalem, ka nogu namono thegu igne. Ba, na theome para ghami iara neu si ghotilo ia? Theo. Iara Lord mae ihei te au nolaghi fateote'o igne ginauna kuru meidi mae naokare mala magra ka vike te gnafa ka nauthoglu igne.


Iagho au kligna ka nou vido blahi na. Filo soru sagho ka ghehati naiknomi Israel, mala fablahi ghami, nei fablahini famane glose te keli tela tusu meihi iagho ka ghehati jateula teke nhaꞌa chekeni iagho ka kuꞌemi ghehati tifa ra.’ ”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ