Ululahu Kings 8:40 - Buka Blahi Ka Cheke Holo

⁴⁰ Ka puhi igne, mare ginauna ghatho tahu nigho fabrahu kate au teu mare ka glose teke tusu lao iagho ka kuꞌedi tifa ra.

Ululahu Kings 8:40 ပူးပေါင်းရင်းမြစ်များ

Nodi Khoje Hatimare Mae Jiu 130:4

Nu atha kokodi sagho nakhibomi ghehati gre mala tangomana ghehati te ghatho tahu nigho nei tufru soru nigho teuna.

Thakle 19:5

Iara ne nomhini kaisei cheke ne mei funugna ka nogna sape nafnakno mae King na, ne cheke eghu, “Ghotilo cheke fakelini noda God, ghotilo te gnafa te au nolaghi ba te theo nolaghi, iheire te loku ranghini mana nei ghatho tahuni mana teuna.”

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Hibru 12:28

Eghume tahati mala cheke fakelini God naugna tahati au noda namono te au fabrahu tifa tifa. Eghuteuna tahati mala loku ranghini mana balu mhaghu mala eni fabrahu unha te gleale'ani mana na. Naugna noda God te ghatho tahuni tahati gne jateula khaꞌaghi biꞌo te gnubra fateo gobigna lepo te diꞌa ra eghu.

Mae Khuru 10:2

Mana kaisei mae keli fara, eghuteuna mana nei tharaknagna teuna mare ghatho tahuni nei pogho soruni eghu God. Mana toghodi fabiꞌo fara naikno te kumare nei mana tarai koba ka God.

Profet Hosia 3:5

Eghuteuna kaisei narane ke leghudi igre, naiknodi Israel ginauna nake hogri nagnafa mala ke figri ka nodi Lord, nei nodi God. Eghuteuna mare ginauna nake jaola nake figri ka mae ihei nate karha mei ka vikegna mae king Devet, mae igne ginauna nodi king mare. Eghuteuna ka narane tuare, naiknore ginauna mei ka Lord mala kilo fnaknoni mana, eghuteuna mana ginauna na fablahidi.

Nodi Khoje Hatimare Mae Jiu 115:13

Mana ginauna fablahidi ihei te ghatho tahuni mana, neubane mae ihei te au tagna nafnakno ba theo.

Ululahu Samuel 12:24

Ghotilo mala ghaoghatho heta fabrahu mala faꞌuveni, nei leghuni eghu Lord ka gaoghathomi fateote'o. Eghuteuna leuleghu fata na, ghotilo mala ghatho tahudi u gloku biꞌo teke edihi mana ka ghotilo ra.

Diutronomi 6:13

“Ghotilo mala ghatho tahuni Lord, nomi God, mala loku ranghini kolho mana. Eghuteuna ghotilo nhaꞌa cheke kolho ka nanghagna mana.

Diutronomi 6:2

Ghotilo, baludi thumi nei grami teure mala ghatho tahuni fabrahu Lord nomi God ka puhi te leghudi ghotilo cheke nei vetula eghu te chekedi iara ka ghotilo gognaro igre. Jame te eni ghotilo igne na, ghotilo ginauna au ka nakarha te brahu.

Eksodas 20:20

Mae Moses ne cheke eghu, “Thosei mhaghu, God na mei mala fariuriu ghami ghotilo kolho, eghume ghotilo mala ghatho tahuni Mana eghuteuna ghotilo mala thosei eni kaisei nakhibo eghu.”

Jenesis 22:12

Engel na ne cheke eghu, “Thosei faleheni mae thumu na, ba eni kaisei glepo ka mana. Iagho kaisei mae thumu kolho, eghuteuna iagho neke theome lhotini mae thumu na ka God. Thono theo fara. Iagho neke tarabana neke snakreni ka God. Eghume gognaro na iara lase nigho iagho kaisei mae te ghatho branani God.”

Mae Khuru 9:31

Ka narane tuare, naikno khiloau te au heva heva ka Provins Judia nei Galili nei Samaria teure ne au ka pharikeli. Eghuteuna kau nogna thotogho Tharunga te Blahi na nodi gloku mae khiloaure ne nheta fara nei naikno te ruma haghe ka khiloau na kmana ne kmana. Eghuteuna leuleghu narane na naikno khiloaure ne ghatho tahuni nodi Lord na.

Diutronomi 12:1

Mae Moses tudu ne cheke eghu, “Gognarona iara na chekedi vetula nei farirhiu eghu te mala thofno leghudi fabrahu ghotilo ka glose Lord nodi God kuꞌemi ghotilo teke tusu ari ka ghotilo ra. Vetula igre:

Ululahu Kings 8:41

“Naikno phosa te mei funudi ka keha kantri igre ginauna nomhini eigna nou nolaghi biꞌo iagho na. Mare ginauna mei ka vido te khaba mala tarai ka Sugablahi igne.

Josua 4:24

Kate filodi glepo igre, naikno te gnafa ka nauthoglu igne ginauna laseni Lord te au nolaghi biꞌo na, eghuteuna tahati ginauna ghatho tahuni fabrahu mana.”