Ululahu Kings 8:32 - Buka Blahi Ka Cheke Holo

³² Ka narane igne, neuba iagho ne au neu kligna, iagho fanomho mei mala fadoglini puhi igne. Jame te theome doglo tutuani mana na, iagho fateni nei parani eghu leghuni unha teke eni mana na. Nu jame te doglo kolho mana na, iagho tangomana te chekeni te mana theome naba te papara na.

Ululahu Kings 8:32 ပူးပေါင်းရင်းမြစ်များ

Diutronomi 25:1

Mae Moses neke cheke eghu, “Jame phia mae fari fapholai, phia mare tei ka fate mala fadoglini fapholai igne. Eghuteuna mae fate na ginauna cheke fajiflani ihei te doglo na, nei ihei te nabagna te au papara na.

Profet Esikiel 18:20

Mae ihei te tapla jafra ka nakhibo na, mana ginauna mala lehe. Thugna mana re ginauna theome tangomana te au papara ka nakhibogna mae kmadi na, eghuteuna mae kmadi na theome tangomana te au papara ka nakhibodi thudi re. Ihei te au doglo na, mana ginauna hata nogna fablahi, nu ihei te diꞌa na mala au papara eidi glepo te diꞌa teke edi mana re.

Profet Esikiel 18:13

Mana tufa sileni koba ka keha mae na mala hata sileni biꞌo. Ba, mae igne ginauna au ka karha? Theo! Mana ginauna mala lehe! Mana edi koba glepo te diꞌa re, eghume mana ginauna mala lehe kolho. Nu najrafagna thegna igre kolho nate faleheni mana na.

Eksodas 34:7

Iara thofno namhadi koba nogu naiknore, nei iheire nate karha mei ke leghudi mare ghilei thokeni kmana thogha finogha. Iara tangomana te atha koko nakhibodi re jame te edi mare glepo te diꞌare, ba figri tagru ghau iara, ba edi thua nafnata nakhibo. Nu iheire te gnafa te leghudi fabrahu puhi te diꞌa re, iara ginauna paradi mare, baludi thudi te gnafa nei gradi te ikodi te gnafa teu mare re, ghilei thokeni fapea gradi nei fatilo gradi nate karha mei ke leghudi mare.”

Letas Teke Riso Tei Mae Pol Ka Khiloau Rom 7:9

Tifa na, neubane theome laseni iara vetula na, nakarhagu iara na neke keli fara, naugna iara theome laseni nakhibo na. Nu kate funu laseni iara nogna vetula God na, iara neke filo glani u nakhibo na ke lamnagu iara na heta fara.

Letas Teke Riso Tei Mae Pol Ka Khiloau Rom 2:13

Iheire te fiti fanomho kolho ka vetula na, mare theome doglo ke ulugna God, nu iheire te leghuni unha te chekeni ka vetula na, God ginauna fadoglodi ke ulugna.

Profet Esikiel 18:30

“Eghume iara ginauna fate ghami ghotilo gnafa naiknomi Israel ra, eidi unha teke edi ghotilo ra. Iara Lord God cheke kate tutuani ka ghotilo: Ghotilo mala figri leghu ka nakhibomi fateote'o. Jame te eghu ghotilo na, nakhibomi ghotilo igre ginauna theome tangomana te goigoni ghami ghotilo na.

Proveb 17:15

Jame mae mala fate snakre fajiflani mae te diꞌa na, ba parani mae te keli na. Lord na tirognadi phei puhi igre.

Proveb 1:31

Eghume, ghotilo ginauna hata taba te diꞌa eidi puhi te diꞌa te edi ghotilo ra.

Naba 5:27

Eghuteuna ne tuani nga teke tei ei puhi naꞌa balugna kaisei mae ngau na, naꞌa ginauna goigonini thegna, uve, khoꞌu blahi te koꞌu naꞌa tuana ginauna paparani, au khabru, eghuteuna naꞌa ginauna theome tangomana te au thugna na. Eghuteuna naiknore ginauna cheke fadiꞌani nanghagna gaꞌase igne.

Eksodas 23:7

Thosei toutonu chaichaghi mala athini ihei ka fate, ba fate faleheni ihei te theo kaisei nakhibogna na. Te eghu ghotilo na, iara ginau na theome atha koko nakhibomi ghotilo re.

Fapea Samuel 22:21

“Lord na togho ghau iara fabrahu, naugna iara ne leghuni puhi te doglo na. Mana fablahi ghau iara koba, naugna iara ne theome eni kaisei glepo te diꞌa.

Nodi Khoje Hatimare Mae Jiu 18:25

God, ihei te au balumu fabrahu, iagho na au balugna mana fabrahu. Ihei te eni puhi te doglo na iagho tabani mana ka puhi te doglo.

Profet Isaia 45:25

Iara Lord, iara ginauna toghodi iheire nate karha mei ka vikegna Israel mala leghuni puhi te doglo na, eghuteuna mare ginauna na thofno kilo fnakno ghau iara.

Ululahu Samuel 2:25

Jame mae ihei te eni puhi te diꞌa na ranghini keha mae na, Lord ginauna tangomana te toghoni mana mala fadoglini nakhibogna mana na. Nu jame mae ihei te eni puhi te diꞌa ranghini Lord na, ihei gne nate tangomana te toghoni mana na?” Neuba, phiamare theome fanomho ka nogna cheke mae kmadi na, naugna Lord la kulu ghathonihi te mala falehedi phiamare na.

Ululahu Kings 2:32

Lord ginauna nake tughu fapulo ka mae Joab dadaradi phia mae tura, naugna mae kmagu iara na theome laseni mae Joab te aknu falehedi mae Abna, thugna mae Neri mae komanda ka armi gna Israel, ghe mae Amasa, thugna mae Jeta mae komanda ka armi gna Juda. Phia mae igre thofno keli fara nei doglo eghu uluni mae Joab.

Ululahu Kings 2:33

Mae Joab nei vikegna teu mana ra nabadi te au papara eidi dadaradi mae Abna ghe mae Amasa ra. Nu ghehati vikegna mae Devet te gnokro ka sapegna king igre, Lord ginauna togho ghami ghehati mala au fabrahu ka pharikeli.”

Nogna Buka Esta 9:25

Nu kate nomhini King gaoghatho te diꞌa te eni mae Haman igne, mana neke fatei cheke ka nogna kantri na. Eghuteuna gaoghatho te diꞌa teke eni mae Haman ranghidi mae Jiu gre igne neke figri ka thegna. Aonu mare ne fagefe hagheni mana baludi nabotho mae thugnare ka gaju na.

Nodi Khoje Hatimare Mae Jiu 7:9

God, puhimu iagho na thofno doglo fara, iagho filo suplidi nagnafami nei lasedi teu glepo te magnahaghedi ghehati re. Tapla fothidi sagho u gaoghatho te diꞌa te au ka naikno te diꞌa are. Eghuteuna toghodi naikno te keli re mala kegra heta.

Profet Esikiel 9:10

Iara ginauna theome kokhonidi mare, ba fakarhidi mare. Gobigna lepo te diꞌa te edi mare ka keha naiknore igre na nake tughu fapulo iara ka mare.”