Ululahu Kings 8:26 - Buka Blahi Ka Cheke Holo

²⁶ Eghume, iagho nomi God ghehati naiknomi Israel, iara magnahaghei nigho te fathokeni nhaꞌa cheke teke eni iagho ka mae kmagu iara Devet igne.

Ululahu Kings 8:26 ပူးပေါင်းရင်းမြစ်များ

Profet Jeremaea 11:5

Eghuteuna iara neke tajini nogu nhaꞌa cheke na neke snakreni kaisei vido glose te biꞌo ka ghotilo.” Eghuteuna glose igne thofno keli fara ka gano na maladi mae kuꞌemi ghotilora.’ ” Igne namono te au ghotilo tagna gognarogne. Kate cheke te gnafa Lord cheke igre, iara ne cheke eghu, “Tutuani fara Lord, iagho tangomana te eni unha te chekeni iagho na!”

Profet Isaia 45:3

Iara ginauna tusu ari ka iagho glepo te keli teke pophoru mare lamna vido te romno are mala tangomana iagho te laseni puhigu iara Lord, nodi God mae Israel. Eghuteuna iara na kiloni nanghamu iagho na mala mei.

Profet Isaia 41:17

“Nogu naikno iara igre tanhi mei ka iara mala toghodi, jateula mae ihei te kuma te magnahaghei fara khoꞌu ra eghu. Eghuteuna iara Lord, nodi God mae Israel, iara ginauna nomhidi nodi tharai re na theome ghatho ihodi.

Nodi Khoje Hatimare Mae Jiu 119:49

Lord God, thosei ghatho ihoni u nhaꞌa cheke teke eni iagho ka iara nou mae gloku gne, naugna iara rouronuni iara u nou nhaꞌa cheke iagho na.

Nodi Khoje Hatimare Mae Jiu 41:13

Tahati cheke fakelini Lord, eigna mana noda God tahati naiknoda Israel. Tahati cheke fakelini mana fabrahu tifa tifa. Amen. Amen.

Ululahu Kings 8:23

ne tarai, “Lord, iagho nomi God ghehati naiknomi Israel, theo kaisei god te au kligna ba te au ka nauthoglu te jateula iagho teuna. Iagho leghuni fabrahu nou nhaꞌa cheke teke eni iagho ka ghehati. Eghume ghehati thofno gleꞌa fara te leghuni puhimu iagho na.

Ululahu Samuel 1:17

Aonu mae Eli ne cheke eghu ka Hana, “Iara toreni noda God tahati maeda Israel mala tusu ranghi nigho unha te toreni iagho na.”

Ululahu Kings 8:27

“Lord! Iagho tangomana te mei au ka nauthoglu igne na? Neuba maloa kligna igne ne krepa fara, nu maloa kligna igne theome naba te mala au iagho tagna na. Sugablahi igne ikoi fara theome naba te mala au iagho tagna na.

Ululahu Kronikols 17:23

“Lord, u nhaꞌa cheke teke eni iagho ka iara nei ka vikegu iara gre teu igne mala au fabrahu tifa tifa. Iara tore nigho iagho mala edi iagho unha teke nhaꞌa chekedi iagho ra.

Nodi Khoje Hatimare Mae Jiu 119:38

Tajini sagho nhaꞌa cheke teke eni iagho ka iara nou mae gloku gne. U nhaꞌa cheke igne iagho neke eni maladi iheire te leghu nigho re.