Ululahu Kings 8:25 - Buka Blahi Ka Cheke Holo

²⁵ Lord, nodi God mae Israel, iara tore nigho mala jaola ghathoni nhaꞌa cheke teke eni iagho ka mae kmagu iara nou mae gloku iagho Devet. Iagho neke cheke eghu ka mana, ‘Devet, jame te leghu ghau iara mae thumu iagho igre jateula iagho teuna, iara ginauna vahini kaisei mae ka vikemu iagho igne mala funei frunini Israel fabrahu.’

Ululahu Kings 8:25 ပူးပေါင်းရင်းမြစ်များ

Ululahu Kings 2:4

Jame te leghuni iagho Lord na, mana ginauna eni unha teke nhaꞌa chekeni ka iara tifa ia. Mana neke cheke eghu ka iara, ‘Jame thofno leghu ghau iara fabrahu iheire te karha mei ka vikemu iagho igre ka nakarhadi nei gaoghathodi teure meuna, leuleghu fata na kaisei ka mare ginauna mala king gna Israel.’

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Ululahu Kings 8:24

Iagho neke famane taji fakelini u nhaꞌa cheke teke eni iagho tifa ka mae kmagu iara nou mae gloku iagho, King Devet. Eghuteuna nhaꞌa cheke igne la mei horoghoto gognarona.

Nodi Khoje Hatimare Mae Jiu 119:9

Lord God, hatimare mae majaghani gre mala leghudi nou cheke iagho re, mala tangomana mare te mala thofno tajidi thofno nakarhadire.

Ululahu Kings 3:3

Neuba mae Solomon ne namhani Lord ne leghudi cheke te gnafa teke farirhiuni mae kmagna na. Nu mana jaola neke fafara nei gahu insens neku ka keha vido blahi ke kligna thogele.

Nodi Khoje Hatimare Mae Jiu 132:12

Nu mae thumu nalhaꞌu iagho re mala leghu fakelidi nogu nhaꞌa cheke iara gre baludi vetula teke farirhiudi iara ra. Eghuteuna thudi nalhaꞌu mare nate karha mei thogheirore ginauna nake gnokro ka nou sape nafnakno iagho na mala funei frunidi naiknore tifa e tifa.”