Ululahu Kings 8:24 - Buka Blahi Ka Cheke Holo

²⁴ Iagho neke famane taji fakelini u nhaꞌa cheke teke eni iagho tifa ka mae kmagu iara nou mae gloku iagho, King Devet. Eghuteuna nhaꞌa cheke igne la mei horoghoto gognarona.

Ululahu Kings 8:24 ပူးပေါင်းရင်းမြစ်များ

Fapea Samuel 7:16

Vikemu iagho gre ginauna na theome hui. Eghuteuna iara ginauna vavahi kaisei mae ka vikemu iagho gne mala king fabrahu tifa tifa. Eghuteuna nou sape nafnakno iagho na ginauna theo ka huigna.’ ”

Ululahu Kings 8:15

Aonu mana ne cheke eghu, “Tahati cheke fakelini Lord, noda God tahati naiknoda Israel. Mana thofno leghuni unha teke nhaꞌa chekeni thegna ka mae kmagu iara King Devet.

Fapea Samuel 7:12

Kate lehe iagho te giugilui nigho mare baludi mae kuꞌemu iaghora, iara ginauna vahini kaisei mae thumu iagho te mala king na. Mae igne ginauna kaisei mae king rheta, eghuteuna theo kaisei glepo nate faparini mana na.

Jajis 13:11

Aonu mae Manoa ne leghuni ne tei khetogna na. Eghuteuna kate filoni mae igne, mana ne ghusna eghu, “Iagho si mae ihei teke mei ka keha narane ia teke cheke balugna khetogu iara ia?” Mana ne cheke eghu, “Uve, iara.”

Ululahu Kings 8:23

ne tarai, “Lord, iagho nomi God ghehati naiknomi Israel, theo kaisei god te au kligna ba te au ka nauthoglu te jateula iagho teuna. Iagho leghuni fabrahu nou nhaꞌa cheke teke eni iagho ka ghehati. Eghume ghehati thofno gleꞌa fara te leghuni puhimu iagho na.

Ululahu Kings 8:25

Lord, nodi God mae Israel, iara tore nigho mala jaola ghathoni nhaꞌa cheke teke eni iagho ka mae kmagu iara nou mae gloku iagho Devet. Iagho neke cheke eghu ka mana, ‘Devet, jame te leghu ghau iara mae thumu iagho igre jateula iagho teuna, iara ginauna vahini kaisei mae ka vikemu iagho igne mala funei frunini Israel fabrahu.’

Josua 21:45

Lord neke tajidi nogna nhaꞌa cheke te gnafa teke edi mana baludi kuꞌedi mare tifa ra. Nogna famane nhaꞌa cheke mana igre ne thoke mei tutuani fara.

Nodi Khoje Hatimare Mae Jiu 138:2

Iara pogho soru nigho mala cheke fakelini nanghamu na ka sugamu te blahi igne, naugna iagho ne namha ghau iara nei theome ghatho ihoni nou nhaꞌa cheke na. Iagho neke togho ghami ghehati mala laseni nanghamu na nei chekemu eghu te nolaghi fara te salaꞌudi thua nafnotu fateote'o.