Ululahu Kings 8:23 - Buka Blahi Ka Cheke Holo

²³ ne tarai, “Lord, iagho nomi God ghehati naiknomi Israel, theo kaisei god te au kligna ba te au ka nauthoglu te jateula iagho teuna. Iagho leghuni fabrahu nou nhaꞌa cheke teke eni iagho ka ghehati. Eghume ghehati thofno gleꞌa fara te leghuni puhimu iagho na.

Ululahu Kings 8:23 ပူးပေါင်းရင်းမြစ်များ

Fapea Samuel 7:22

“Lord God iagho thofno kligna lahu tulao! Theo kaisei jateula iagho teuna! Thono theo fara. Ghehati te nomhini nei laseni teuna kaisei iagho ngala God na. Theo ihei nga.

Diutronomi 7:9

Te mala laseni ghotilo na Lord nomi God ghotilo na, mana ngala God mae ihei te ghatho tahu ghami ghotilo na. Eghuteuna mana tajini nogna nhaꞌa cheke na, eghuteuna mana namha ghami ghotilo iheire te namhani nei leghudi teu nogna vetula mana re. Kate namhani nei leghuni teu ghotilo mana na, mana tangomana te tajini u nhaꞌa cheke na balumi ghotilo nei thumi ghotilo re eghu fabrahu ghilei posani kmana thogha finogha.

Nehemaea 1:5

ne cheke eghu, “Lord God gna kligna. Iagho haghe fara, eghuteuna ghehati mhaghu nomi fara te mei namo ka iagho na. Leuleghu fata na iagho tajini nou nhaꞌa cheke na, baludi iheire te namha nigho nei leghudi teu nou chekere.

Nehemaea 9:32

“Nomi God, iagho fnakno fara nei au nolaghi biꞌo fateote'o, eghume ghehati mhaghu nomi te mei namo ka iagho na. Leuleghu fata na iagho tajini nou nhaꞌa cheke na neke ghatho tahu ghami ghehati. Funu ka narane teke mei king di Asiria teke goigoni ghami ghehati te ghilei mei posa ka narane gognarogne, ghehati au papara fara. Nomi king, nomi lida, nomi pris, nomi profet, nei kuꞌemi teku ghehati tifa ra, ghehati te gnafa na neke kafe au papara fara. Eghume puhi biꞌo igne theome tei koko ghami ghehati ghilei mei posa gognarogne.

Ululahu Samuel 2:2

“Theo kaisei te blahi jateula iagho teuna Lord, eghuteuna theo kaisei god jateula iagho teuna. Iagho kaisei nomi vido keli mala poru ghehati, eghuteuna ghehati theo kaisei naikno te mala togho ghami jateula iagho teuna.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Luku 1:72

God neke nhaꞌa cheke ranghi ghita mala kokhonidi mae kuꞌeda tifa ra. Mana neke ghatho fapuloni u nogna nhaꞌa cheke te blahi na.

Profet Jeremaea 10:16

Nu nogna God mae Jekop igne theome jateula keha nafnata god are eghu. Mana ngala mae ihei teke vuavuhadi gobigna lepo ka nauthoglu igne. Eghuteuna vahi fadelei ghita tahati naiknoda Israel mala nogna naikno thegna. Nanghagna na Lord mae ihei te au nolaghi fateote'o.

Profet Jeremaea 10:6

Lord, theo kaisei god te jateula iagho teuna! Nanghamu iagho na fnakno fara kligna lahu, eghuteuna iagho au nolaghi fateote'o.

Profet Isaia 40:25

Igne nogna cheke God mae te blahi fara, “Ihei gne te jateula iara teu puhigna na?

Nodi Khoje Hatimare Mae Jiu 113:5

Theo kaisei naikno te jateula God noda Lord tahati gne teu na. Mana mae King te gnokro teu kligna ka nogna sape nafnakno na.

Profet Isaia 40:18

Ihei gne te jateula God teuna? Ba? Mumuju na jateula God eghu filogna na?

Nodi Khoje Hatimare Mae Jiu 86:8

Lord, theo kaisei god ka keha kantri gre te jateula iagho teuna. Naugna theo kaisei god ka kantri tuare te tangomana te jateula iagho teu te edi gloku te keli gre.

Nodi Khoje Hatimare Mae Jiu 35:10

Eghuteuna ka nagnafagu fateo na iara ginauna cheke eghu ka God, “Theo kaisei naikno te jateula iagho teuna, iagho togho fakelidi naikno te nigra re. Eghume naikno te nheta re theome tangomana te goigonidi re naikno te kumare.”

Fapea Kings 20:3

“Lord, ghatho mei ghau. Iara loku ranghi nigho iagho ka nogu nolaghi fateote'o nei ka gaoghathogu fateote'o, eghuteuna iara fariuriu mala edi gobigna lepo te magnahaghedi iagho re.” Eghuteuna mana ne funu tanhi fabiꞌo.

Ululahu Kings 6:12

“Iara magnahaghei te cheke ka iagho eigna Sugablahi te loku iagho igne. Jame te leghudi iagho nogu cheke nei vetula teu iara igre na, iara ginauna edi ranghi nigho unha teke nhaꞌa chekedi iara ka mae kmamu iagho King Devet.

Ululahu Kings 3:6

Aonu mae Solomon ne cheke eghu, “Kmagu iara na neke thofno leghu nigho iagho tutuani neke eni unha te doglo na. Eghume, leuleghu fata na iagho thofno magnahagheni fara mana. Eghuteuna gognarona, iagho jaola vahi ghau iara mae thugna mana na mala tughuni mana te mala king na.

Ululahu Kings 2:4

Jame te leghuni iagho Lord na, mana ginauna eni unha teke nhaꞌa chekeni ka iara tifa ia. Mana neke cheke eghu ka iara, ‘Jame thofno leghu ghau iara fabrahu iheire te karha mei ka vikemu iagho igre ka nakarhadi nei gaoghathodi teure meuna, leuleghu fata na kaisei ka mare ginauna mala king gna Israel.’

Eksodas 3:15

“Eghuteuna iagho tei cheke eghu ka mare, ‘Lord nodi God kuꞌeda tahati tifara, nogna God Ebraham, nei Isak nei Jekop, mana neke kuru mei ghau iara ka ghotilo.’ “Nanghagu iara na Lord, eghuteuna naikno te karha gognaro igre nei nate karha mei ke leghure eghu ginauna ghathoni fabrahu nanghagu iara na.

Jenesis 33:20

Mae Jekop ne fakekegra kaisei olta ka vido igne ne kiloni olta igne “El Elohe Israel,” gaoghathogna na “God gna Israel.”

Jenesis 17:1

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Ululahu Kings 8:24

Iagho neke famane taji fakelini u nhaꞌa cheke teke eni iagho tifa ka mae kmagu iara nou mae gloku iagho, King Devet. Eghuteuna nhaꞌa cheke igne la mei horoghoto gognarona.

Esra 1:3

Iara toreni God gna Israel mala au baludi nogna naiknore. Ihei ka mare teke magnahaghei figri na, mare tangomana teke figri Jerusalem mala ke babana fapulo nogna Sugablahi Lord, nodi God mae Israel te tufru soruni mare Jerusalem.

Diutronomi 7:12

Mae Moses ne cheke eghu, “Jame te leghudi nei nomhidi teu ghotilo vetula igre na, Lord nomi God ghotilo igne ginauna tajini nogna nhaꞌa cheke na eghuteuna namha ghami ghotilo fabrahu jateula teke nhaꞌa chekeni mana ka kuꞌemi ghotilo ra eghu.