Ululahu Kings 8:22 - Buka Blahi Ka Cheke Holo

²² King Solomon tei ne kegra rhegna nogna olta Lord na ne figri lao ka mavitu gna Israel na. Aonu mana ngafa haghe phei khamegnare kligna,

Ululahu Kings 8:22 ပူးပေါင်းရင်းမြစ်များ

Esra 9:5

Ka grafi te fafara igne, iara theome keli gaoghathogu na ne fahaghe neu ngala pohe teke rerheku iara ia. Iara kegra haghe ka vido aheva teke diꞌanagnafa iara na, aonu iara tuturupuku soru pari ne ngafa haghe khamegure ka nogu God kligna,

Ululahu Kings 8:54

Eghuteuna mana tuturupuku soru ne ngafa haghe khamegna re ne tarai tei ka Lord. Kate gnafa tarai na, King Solomon kegra haghe ke ulugna olta na.

Eksodas 9:33

Mae Moses ne jifla ka mae king ne tei ke kosigna namono biꞌo na. Mana ngafa haghe khame gnare ne tarai ka Lord. Aonu maloa na neke theome gafu ka gromno, eghuteuna nakhete thina aes na neke hui.

Profet Isaia 1:15

Kate ngafa haghe ghotilo khamemire te tarai mei ka iara na, iara ginauna tirogu filo ari ka ghotilo. Neuba ghotilo ne tarai ne tarai leghu rane, iara ginauna tirogu fanomho ka ghotilo. “Naugna dadaradi naikno teke aknu falehe ghotilo ra fodu ka khamemi ghotilore.

Eksodas 9:29

Aonu mae Moses ne cheke eghu ka mana, “Uve, kate jifla ari iara kosi ka namono biꞌo igne na, iara ginau na ngafa haghe khame ghu gre mala tarai ka Lord. Eghuteuna fila igne ginau na gnafa, eghuteuna nakhete thina aes igne ginau na hui eghu ngala signea. Eghume iagho ginau na laseni, u glose igne nogna Lord kolho.

Ululahu Timoti 2:8

Eghume iara magnahaghedi mae nalha'ura heva heva ka khiloau gne mala tarai. Kate tarai na, mare mala au nagnafa te klino nei mala theo diꞌa tadi na ba magra na.

Nodi Khoje Hatimare Mae Jiu 63:4

Iara ginauna na tegio nigho nei pala hagheni eghu nanghamu iagho na ghilei lehe. Iara ginauna na ngafa haghe phei khamegu gre mala tarai ari ka iagho.

Nodi Khoje Hatimare Mae Jiu 28:2

Fanomho mei sagho ka nogu tharai iara gre. Iara tanhi ka iagho mala togho mei ghau iara. Iara filo lao ka sugamu iagho te blahi na nei ngafa haghe khamegure ne tarai.

Thoutonu Eigna Mae Job 11:13

“Nu iagho fadoglini gaoghathomu na, eghuteuna ngafa haghe khamemu re mala tarai ka God.

Fapea Kings 23:3

Ka narane tuana, king kegra neu rhegna khegra biꞌogna Sugablahi na, eghuteuna mana neke tuthughu majaghani nhaꞌa cheke igne balugna Lord. Mana nhaꞌa cheke ke ulugna mana thofno leghuni Lord kate tajidi nogna vetula nei nogna farirhiu nei nogna cheke teu mana re. Aonu mana ne nhaꞌa cheke mala farerheta nogna nhaꞌa cheke te au ka buka na igne. Aonu naiknore ne jaola ne nhaꞌa cheke te mala leghuni nhaꞌa cheke igne.

Fapea Kings 11:14

Jare naꞌa ne filoni mae king majaghani te kegra teu rhegna khegra biꞌo gna Sugablahi na. Igne nogna vido mala au mae king ka nodi kastom mare na. Hatimare mae komanda ne kegra faligohoni mana. Eghuteuna naiknore ne kelitadi fara ne kafe eha fabiꞌo balu kufli. Aonu Kuin Atalaea diꞌanagnafa gna fara ne rerheku nogna pohe na ne eha eghu, “Majora! Majora!”

Eksodas 33:10

Eghuteuna kate filoni khoveo te au ke ulugna suga tapuale ikoi igne, naiknore ne kafe kegra haghe ne pogho soru pari ke uludi nodi suga tapuale re.