Ululahu Kings 8:2 - Buka Blahi Ka Cheke Holo

² Aonu mare ne kafe mei ka King Solomon ka Narane biꞌo te mala Au ka Suga Naota Ikoi na, ka nhigra te kiloni mare Etanim, ka fafitu nhigra ka nodi finogha mare na.

Ululahu Kings 8:2 ပူးပေါင်းရင်းမြစ်များ

Levitikas 23:34

“Cheke ka naiknodi Israel, leuleghu finogha, ka fafitu nhigra igne, ka fabotho glima narane gna na, ghotilo mala eni Narane biꞌo te mala Au ka Grorofe Ikoi, narane biꞌo igne mala eni nabagna fitu narane.

Jone 7:37

Narane leghu lahu igne ngala narane biꞌo fara ka gaghamu na. Kau narane tuana mae Jisas kegra haghe farihoteigna nakhapru na ne cheke eghu fabiꞌo, “Mae ihei te roi koꞌu na mei ka iara mala koꞌu.

Jone 7:2

U narane biꞌo nodi mae Jiu te kiloi “Gaghamu Grorofe” na la namohi.

Esra 3:4

Eghuteuna mare thofno leghuni unha te chekeni ka vetula na, mare khapru ka Narane Gaghamugna Grorofe na. Eghuteuna leuleghu fata na, mare fafara ka narane biꞌo igne.

Fapea Kronikols 5:3

Eghuteuna mare ne kafe tei ka king ka Narane biꞌo te mala Au ka Grorofe Ikoi, ka fafitu nhigra ka nodi finogha mare na.

Ululahu Kings 8:65

Aonu King Solomon nei naikno te gnafa Israel igre ne ei gaghamu biꞌo eigna grorofe, mare ne eni gaghamu igne fitu narane. Eghuteuna ke leghugna igne mare neke eni gaghamu igne nabagna keha fitu naranei. Ka narane igre kmana naikno fara te mei funu ka namono ke raru Lebo-Hamat, tei posa ka khoꞌu ikoi ka nohi ke mata Ijep.

Diutronomi 16:13

Mae Moses ne cheke eghu, “Leuleghu fata kate gnafa gloku ghotilo ka nagare na, nei hata keha sisi grep ka nagare na teuna, ghotilo ei Gaghamu biꞌo te mala Au ka Grorofe Ikoi na. Gaghamu biꞌo igne nabagna fitu narane.

Ululahu Kings 12:32

Mae Jeroboam ne vahini kaisei narane biꞌo ka nabotho glimai gna narane fahana gna nhigra na, igne jateula kaisei nodi narane biꞌo eghu mae Juda. Mana neke horo kaisei olta Betel mala fafara ka phei mumuju buluka igre. Mana jaola neke fablahidi hatimare mae pris igre Betel mala loku ka vido blahi teke edi mana igre.