Ululahu Kings 7:8 - Buka Blahi Ka Cheke Holo

⁸ Ke leghugna chogho mala fate igne, mare au keha suga na malagna King Solomon. Nogna suga mana igne falithui kaisei glalaba. Eghuteuna mare horo kaisei suga malagna khetogna king, thugna king gna Ijep.

Ululahu Kings 7:8 ပူးပေါင်းရင်းမြစ်များ

Fapea Kronikols 8:11

Eghuteuna kate gnafa nogna suga biꞌo khetogna mana thugna gaꞌase king gna Ijep, mana hata fajiflani naꞌa ka nogna namono biꞌo King Devet na ne tei au ka nogna suga majaghani biꞌo na. Mana ne cheke eghu, “Theome keli khetogu iara gne te au ka nogna suga biꞌo mae kmagu iara na, naugna vido te au nogna Bokis Blahi Lord igne thono blahi fara, eghume naꞌa theome naba te au agne na.”

Ululahu Kings 3:1

King Solomon ne eni kaisei nhaꞌa cheke balugna king gna Ijep. Te mala rheta fakeligna nhaꞌa cheke igne, King Solomon ne tolaghi ka thugna gaꞌase king. Mana hata gaꞌase igne ne tei au Jerusalem ka namonogna Devet ne ghilei gnafa nogna suga na, nogna Sugablahi Lord na, nei bara thina te falithuini Jerusalem.

Ululahu Kings 9:24

Eghuteuna kate gnafa nogna suga biꞌo thugna gaꞌase king gna Ijep igne, mae Solomon ne hata fajiflani naꞌa ka nogna namono biꞌo mae Devet na mala tei au ka nogna suga na. Ke leghu igne mana ne fafodu glose ka kaisei vido rhegna thogele ke lamna Jerusalem.

Fapea Kings 20:4

Kate theome jifla nga teu profet ka nogna suga king na, nogna cheke Lord na ne mei ka mana.

Ululahu Kings 7:9

Suga tuare mare horo ka famane thina, funu ka khotogna pari na tei posa kligna. Thina igre, mare famane kato fadoglo mala thofno horoghoto fakeli. Mare hata mei famane thina biꞌo igre mala horo ke kosi nei falithuidi glalabadi suga igre.

Ululahu Kings 9:16

Tifa na king gna Ijep na neke magra ka namono Gesa. Mana uluni namono igne neke gnubra ka khaꞌaghi, eghuteuna mana aknu falehe naiknodi Kenan teke au ka namono igne. Kate tolaghi ka King Solomon thugna gaꞌase na, king gna Ijep igne ne snakreni namono igne ka thugna gaꞌase na, jateula kaisei nogna namha neku ka naꞌa.