Ululahu Kings 7:7 - Buka Blahi Ka Cheke Holo

⁷ King Solomon jaola ne horo chogho gna sape nafnakno te kiloni mare, “Chogho mala Fate.” Ka chogho igne te mala gnokro King Solomon te mala fanomho ka nodi cheke naiknore. Mare horo gringni gna na ka thaba sida, funu pari tei posa kligna.

Ululahu Kings 7:7 ပူးပေါင်းရင်းမြစ်များ

Proveb 20:8

Kate gnokro mae funei na te fateni naikno na, mana tangomana filodeni unha te keli na, nei unha te diꞌa na.

Nodi Khoje Hatimare Mae Jiu 122:5

Agne Jerusalem, hatimare mae king te mala fate ghita tahati na.

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Ululahu Kings 3:28

Kate nomhini naikno gna Israel eigna puhi te famane fadoglini King Solomon puhi biꞌo farihoteidi phei gaꞌase vine igre, mare ne thofno ghatho tahuni mana. Naugna mare laseni God neke tusu lao ka King Solomon famane gaoghatho te keli mala fate fadoglidi mana naiknore.

Ululahu Kings 6:3

Krepagna varanda na, thokeni glima mita vidogna, eghuteuna brahugna na, thokeni nheva mita, horoghoto ka krepagna Sugablahi na.

Ululahu Kings 3:9

Eghume tusu ranghi ghau gaoghatho te keli nei glalase eghu mala tangomana iara te funei frunidi nou naikno iagho igre ka puhi te doglo. Eghuteuna mala filo glanidi iara unha te doglo, nei unha te jafra. Jame te theo na, iara na theome laseni te mala funei frunidi naikno igre.”