Ululahu Kings 7:4 - Buka Blahi Ka Cheke Holo

⁴ Ka phei phile gringni gna suga igne, au thilo thura wida.

Ululahu Kings 7:4 ပူးပေါင်းရင်းမြစ်များ

Profet Esikiel 41:26

Ka geridi varanda igre au wida te drou thotoghale gaju thubo mare ka gerigna na. Eghuteuna ka chogho re ke kosi ka Sugablahi igne, mare jaola horo nafnata glepo ka thaba mala theome tangomana naikno te filo tei lamna ka suga igne.

Profet Esikiel 40:36

Nodi chogho mae te mala reireghi igre, eghuteuna gringni ka geri nabrou na igre, nei varanda teu igre kafe nanaba ngala jateula keha grengatha are eghu. Varanda igne nei chogho igre eghu jaola au wida. Brahugna sugagna grengatha igne jaola varadaki glima mita, eghuteuna krepagna na nabotho phei mita vidogna.

Profet Esikiel 40:33

Nodi chogho mae te reireghi igre, eghuteuna gringni fei nabrou igre, nei varanda teu igre kaisei nanaba kolho jateula keha grengatha eghu. Varanda igne nei chogho igre eghu jaola au wida. Brahugna sugagna grengatha igne jaola varadaki glima mita, eghuteuna krepagna na nabotho phei mita vidogna.

Profet Esikiel 40:29

Nodi chogho mae te mala reireghi igre, eghuteuna gringni fei nabrou igre, nei varanda teu igre kaisei nanaba ngala jateula keha grengatha are eghu. Varanda igne nei chogho te gnafa igre eghu jaola au wida. Brahugna sugagna grengatha igne jaola varadaki glima mita, eghuteuna krepagna na nabotho phei mita vidogna.

Profet Esikiel 40:25

Eghuteuna au wida ka varanda na ka grengatha na nei ka chogho lamna ka nabrou igne, jateula kehara eghu kolho. Brahugna suga gna grengatha igne varadaki glima mita, eghuteuna krepagna na nabotho phei mita vidogna.

Profet Esikiel 40:22

Varanda ka grengatha na igne, nei wida, nei thotoghaledi gaju thubo ka gringni na igre eghu kaisei nanaba ngala jateula grengatha ke maghati igne eghu. Fitu step te haghe ka glalako te mala tei ke kosi ka grengatha igne. Ka keha khukrugna sugagna grengatha igne, au varanda te figri tei fei glalaba biꞌo igne.

Profet Esikiel 40:16

Chogho te gnafa igre au wida ikodi, eghuteuna gringni te fofotadi chogho igre. Wida igre, ikodi ke kosi re, nu ke lamna re thora fabiꞌo. Gringni ka vido aheva te mala ruma ka nodi chogho mae te reireghi igre mare lalaoni ka thotoghale gaju thubo.

Profet Isaia 54:12

Iara ginauna babana ka thina ukru suga te mala toetoe namono biꞌo igne. Eghuteuna iara ginauna bara lithui namono biꞌo igne ka famane thina mala thofno keli fara fifilogna na. Eghuteuna iara ginauna hohoro grengathagna namono igne ka famane thina te siasigla mala jateula khaꞌaghi te phae ra eghu.

Ululahu Kings 7:5

Eghuteuna mare horo thilo grengatha ke ulugna suga igne.

Ululahu Kings 6:4

Mare horo keha wida ka gringni gna na, mala tothora nei ke bobotho eghu. Naugna gringni gna Sugablahi na thono thuta fara, eghuteuna wida ke kosi gna gringni na theome krepa, nu wida ka gringni ke suga na krepa fara.