Ululahu Kings 7:20 - Buka Blahi Ka Cheke Holo

²⁰ Aonu phaꞌudi phei khegra biꞌo igre, mae Huram ne lalaoni baludi phia gobi thotoghaledi sisi pomegranet faligohoni kligna ka vido te jateula fangna teu ka bras teu te lithui igne.

Ululahu Kings 7:20 ပူးပေါင်းရင်းမြစ်များ

Fapea Kronikols 4:13

Fati gobi mumuju sisi pomegranet, phei gobi ka kaisei fangna ka kaisei phaꞌu, eghuteuna phei gobi mala fangna ka keha phaꞌu na.

Fapea Kronikols 3:16

Mare lalaoni phaꞌudi phei khegra igre ka bras chen tei falithui mala jateula fangna eghu filodi re. Eghuteuna mare lalaoni ka kaisei gobi mumuju sisi pomegranet.

Fapea Kings 25:17

Haghedi phei khegra biꞌo igre thokedi nhana mita, eghuteuna phaꞌudire neke horo ka bras. Haghegna kaisei khegra na kaisei mita tolufulu sentemita. Mare lalaoni pha'udi khegra igre ka bras mala jateula fangna eghu lithui. Mare jaola lalaoni phaꞌudi khegra igre ka mumuju sisi pomegranet, kaisei nafnata sisi pomegranet. Phaꞌugna keha khegra na nanaba jateula keha na eghu.

Ululahu Kings 7:42

Fati gobi mumuju sisi pomegranet, phei gobi sisi pomegranet kaisei fangna teke hohoro ka chen eghu ka phaꞌugna kaisei khegra.

Ululahu Kings 7:19

Phaꞌudi khegra te gnafa ka varanda na igre jateula famane sisi te kiloi lili eghu filo laodire. Eghuteuna haghedi phaꞌudire thogra thokeni phei mita.

Profet Jeremaea 52:21

Phei khegra igre brahudire nhana mita, eghuteuna krepadire, thokeni namno mita. Glamnadi phei khegra igre kafe kora, eghuteuna thutadi geridire nhana sentemita.