Ululahu Kings 7:2 - Buka Blahi Ka Cheke Holo

^2-3 Mare kiloni suga igne, “Gaju Gna Lebanon.” Naugna suga igne hohoro ka gaju gna Lebanon. Brahugna suga igne thokeni phiatutu glima mita, eghuteuna krepa gna na thokeni varadaki thilo mita. Eghuteuna haghe gna na thokeni nabotho thilo mita vidogna. Suga igne au fati thura khegra biꞌo ka sida. Thura khegra te gnafa igre au nabotho glima khegra tagna. Kligna ka khegra igre, mare lilisei phiatutu glima thaba sida biꞌo. Eghuteuna suga biꞌo igne mare hohoro ka thaba sida.

Ululahu Kings 7:2 ပူးပေါင်းရင်းမြစ်များ

Ululahu Kings 10:17

Mana jaola horo thilo gobi greoreo ikodi ka gol. Tahugna kaisei na namo thokeni phei kilo. Mana lilisei greoreo igre ka nogna suga te kiloni mare, Suga Gajugna Lebanon.

Fapea Kronikols 9:16

Eghuteuna mana hata gol mala horo thilo gobi greoreo ikodi. Tahugna kaisei na namo thokeni phei kilo. Mana lilisei greoreo igre ke lamnagna Suga biꞌo Gajudi Lebanon.

Famane Khoje 7:4

Graramu iagho na brahu nei famane fara jateula nogna suga mala toetoe eghu King Devet. Phei tathamu iagho re sigla fara jateula khoꞌu seu ka namono Hesbon, te au rhegna grengatha Bat-Rabim. Nehumu iagho na fnonu nei famane fara jateula thoa Lebanon aheva mare tangomana te filo teini Damaskas.

Ululahu Kings 10:21

Nogna kapu King Solomon igre mare kafe horo ka gol. Eghuteuna keha glepo te edi mare ka suga te kiloni mare Suga Gajugna Lebanon igne mare horo ka gol. Mare theome eni kaisei glepo ka silva, naugna ka narane gna mae Solomon igre, te ghathoni mare na, silva gne glepo theo nafugna kolho.

Ululahu Kings 9:19

Eghuteuna mare jaola horo keha namono biꞌo mala lilisei gano, chariot mala magra nei hose. Eghuteuna mare jaola ne horo keha glepo te magnahaghei edi mana Jerusalem nei Lebanon, nei ka keha vido aheva te funei frunidi mana re.

Ululahu Kings 9:1

King Solomon loku ne gnafa nogna Sugablahi Lord na balugna nogna suga biꞌo thegna na, nei keha glepo teke magnahaghei edi mana re.

Profet Isaia 22:8

Lord na theome togho ghami ghotilo mala reireghini kantri Juda. Kate filoni ghotilo glepo igne, ghotilo ginauna chari tei mala hata mei glepo mala magra ka suga aheva teke lilisei ghotilore.