Ululahu Kings 6:1 - Buka Blahi Ka Cheke Holo

¹ Fati gobi nhanasalei finogha ke leghugna te jifla Ijep naiknodi Israel, eghuteuna ka fafati finogha King Solomon te funei fruni Israel, eghuteuna ka nhigra Sif te fapea nhigra gna finogha na, King Solomon ne funu loku ka nogna Sugablahi Lord.

Ululahu Kings 6:1 ပူးပေါင်းရင်းမြစ်များ

Mae Khuru 7:47

Nu neubangau, ke leghu neke hohoro nga mae King Solomon u suga tuana neu.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Ululahu Kronikols 29:19

Tusu lao famane gaoghatho te keli sagho ka thugu iara Solomon, mala thofno leghudi nei faꞌuvedi eghu mana nou cheke iagho re. Toghoni mana sagho mala horo mana Sugablahi igne naugna iara neke kulu tarabana neku glepo te mala loku fahuigna na.”

Ululahu Kings 6:37

Khotogna Sugablahi igne, mare neke eni ka fapea nhigra ka fafati finogha gna King Solomon.

Hibru 11:10

Mae Ebraham ofo mala tei au ka namono biꞌo teke tarabana nei hohoro teku God te kegra maku fabrahu te theo ka grofo gna.

Hibru 9:11

Nu mae Kraes mae pris biꞌo na hata la meihi glepo te keli ka tahati gognaro gne. Mana rumahi ka chogho te blahi fara teke theome horo naikno nei theome nogna nauthoglu igne. U chogho tuana te au ka suga tapuale gna kligna te ulu nei klino ke tulao gna suga tapuale tifa na.

Kolose 2:7

Ghotilo kaisei balugna Kraes jateula kaisei gaju ba suga te kegra maku ke kligna glose. Eghuteuna nomi fatutuani ghotilo ka mae Kraes na mala e heta fakeli, jateula mare teke farirhiu ghami ghotilo. Eghuteuna leuleghu fata na ghotilo mala cheke fakelini mana.

Fapea Korin 6:16

Nogna Sugablahi God na theome mala fodu ka mumuju. Jaola ghotilo laseni eigna tahati na nogna Sugablahi God mae ihei te karha te tifa! Naugna God neke cheke eghu, “Iara ginauna mala au baludi nogu naiknore, eghuteuna iara ginauna mala tei baludi. Iara ginauna mala nodi God mare, eghuteuna mare ginauna mala nogu naikno iara.”

Ululahu Korin 6:19

Ba, ghotilo theome laseni thinimi ghotilo gre jateula Sugablahi nogna Tharunga te Blahi teuna!? Tharunga te Blahi na au ke lamnami ghotilo, eigna God neke tusu mei ka ghotilo. Ghotilo theome nomi themi,

Profet Sekaraea 6:15

Naikno te au ka keha kantri delei ra ginauna mei mala totogho mala ke babana fapulo nogna Sugablahi Lord. Kate eni igne, ghotilo ginauna laseni Lord mae ihei te au nolaghi fateote'o igne kuru mei ghau iara ka ghotilo. Mana noda God tahati, eghuteuna jame te loku heta ghotilo te leghuni mana na, gobigna lepore ginauna keli ranghi ghami ghotilo.”

Jajis 11:26

Ghehati khotodihi phei namono Hesbon ghe Aroa, baludi namono ikodi te au faligohodi phei namono igre, nei baludi namono te gnafa te au ka keha philegna khoꞌu biꞌo Anon nabagna thilo gobi finogha gognarona. Igne thofno raugha farahi, eghume naugna unha ne theome mei hata ka ghehati tifa?

Naba 1:1

Ka fapea finogha ke leghugna te jifla Ijep, Lord neke cheke ka mae Moses ke lamnagna Suga Thapuale te Blahi na ka namono nagou Sanai. Ka narane ululahu ka fapea nhigra ka finogha tuana, Lord neke cheke eghu ka mae Moses,

Mae Khuru 13:19

God neke paꞌe fahuidi fitu vike teke au ka namono Kenan, eghuteuna ke snakre lao namono tuana ka nogna naikno thegna re.

Ululahu Kings 6:2

Sugablahi igne thono biꞌo fara, brahugna na thokeni varadaki fitu mita, eghuteuna krepagna na, thokeni nheva mita, eghuteuna haghegna na, thokeni nabotho thilo mita vidogna.

Ululahu Kronikols 6:10

Mae Johanan gne neke kmagna mae Asaraea. Mae Asaraea gne neke mae pris biꞌo ka Sugablahi Jerusalem.

Esra 5:11

“Igne nodi cheke tughu mare na. “Mare ne cheke eghu, ‘Nomi God ghehati na, mana God gna kligna nei nauthoglu igne, eghuteuna ghehati gne nogna mae gloku mana. Ghehati mala ke loku fapulo Sugablahi igne naugna kaisei nomi king rheta ghehati maemi Israel gre teke horogna na Sugablahi igne tifa na.

Nodi Khoje Hatimare Mae Jiu 78:69

Jare teke hohoro mana nogna Sugablahi na, jateula nogna suga mana te au kligna na eghu. Uve, mana neke hohoro famamhaku fara suga igne, jateula mana teke hohoro famaku fabrahu nauthoglu igne eghu.

Profet Hagae 1:8

Gognarona ghotilo thosei theo tei mata mala kusu thaba, eghuteuna ghotilo ke pulo mei mala ke fakegra fapulo nogu Sugablahi iara na. Jame te eghu ghotilo na iara ginauna gleale'a fara, eghuteuna ghotilo ginau filo haghe ghau iara.

Eksodas 12:51

Ka narane igne Lord neke batudi mae Israel gre ka tothoghei leghui vike na ne jifla Ijep.

Fapea Kronikols 3:3

Solomon cheke ka mare mala horo Sugablahi igne leghuni nogna gaoghatho na. Eghuteuna mare leghuni nodi fafaja mae Jiu tifa ra. Brahugna Sugablahi igne na varadaki fitu mita, eghuteuna krepagna na nheva mita.

Profet Esikiel 41:1

Aonu mae igne hata ghau iara ne tei lamna ka Chogho Blahi na, eghuteuna mana ne fafaja grengathagna na. Krepagna grengatha igne glima mita, eghuteuna au gringni ka phei philegna re. Ka kaisei phile na jaola phei vidogna mita krepagna na, eghuteuna ka keha phile na kaisei nanaba ngala. Eghuteuna thutadi phei gringni te au grengatha farihotei igne thilo mita. Mana jaola fafaja chogho lamna na, eghuteuna krepagna na nabotho mita, eghuteuna brahugna na varadaki mita.