Ululahu Kings 5:9 - Buka Blahi Ka Cheke Holo

⁹ Nogu mae gloku iara igre ginauna pala thaba funu Lebanon soru tongna. Aonu mare ginauna haru fodu, eghuteuna mare ginauna fatathao ka thongna, ari longa ka vido aheva te magnahagheni iagho na. Ka vido tuana nogu mae gloku iara gre nate ari rurutha thabare, eghuteuna nou mae gloku iagho re tangomana te pala te tei re. Te mala folidi mare na, iara magnahaghei nigho iagho te famei gano ka iara baludi mae iheire te au ka sugagu iara igre.”

Ululahu Kings 5:9 ပူးပေါင်းရင်းမြစ်များ

Profet Esikiel 27:17

“ ‘Maedi Juda baludi mae Israel foli famane glepo ka iagho ka soasopai nafnata famane wit, nei jurukuli, nei oliv oel, nei glepo mala ei oel nei insens.

Esra 3:7

Aonu naiknore ne falao sileni mala folidi mae kapenta baludi mae iheire te lase kato thina. Eghuteuna mare ne fatei gano, nei waen, nei oliv oel eghu ka phei namono Taea ghe Saedon, mala foli gaju sida gna Lebanon mala horo gna Sugablahi na, leghuni unha teke chekeni King Saeras gna Pesia. Mare tangomana te lilisei gaju igre tongna, mala hata soru ka naprona biꞌo Jopa.

Mae Khuru 12:20

Kate au teu jare na, mae Herod neke diꞌatagna fara ka naiknodi phei namono biꞌo Taea nei Sidon. Aonu mae biꞌodi phei namono tuare ne loku fodu mala tei filoni mae King Herod. Ulu lahu na mare ne kulu famaemaheni mae Blastus, mae ihei te mae biꞌo ka nogna tothoghei mae gloku mae Herod re mala toghodi mana. Ke leghugna igne mare mei ne toreni u pharikeli na ka mae Herod, naugna funu tifa te mei na mare jare ka namono te funei frunini mae Herod tuana te mala foli gano koba na.

Fapea Kronikols 2:16

Mare ginauna tei Lebanon mala kato thaba te magnahaghedi iagho re. Eghuteuna mare ginauna pala soru thaba igre ka gratha na mala haru fodu jare. Eghuteuna mare na hata tei phugra gaju igre Jopa. Eghuteuna nou mae gloku iaghore ginauna soru ka vido tuana mala pala tei Jerusalem.”

Fapea Kronikols 1:15

Ka narane te king mae Solomon igre, silva nei gol teu igre kmana fara jateula te fiti thina ra eghu kolho ka namono biꞌo Jerusalem. Eghuteuna horo thaba ka gaju te kiloi sida te kmana fara jateula te fiti gaju te kotu tafri ka nohi Juda ra eghu.

Diutronomi 3:25

Snakre ghau iara sagho mala tei filodi iara famane glose te au ke kasa Khoꞌu biꞌo Jordan, nei famane glose ka gukhu nei ka Thogele Lebanon.’

Ululahu Kings 5:8

Aonu, mana ne fatei cheke igre ka king Solomon, “Nou cheke iagho ra la mei posahi ka iara, eghuteuna gognarona iara tarabana mala eni unha glepo te magnahagheni iagho na. Iara ginauna faꞌari gaju sida ka iagho, baludi keha nafnata gaju te keli langau eghu.

Ululahu Kings 5:10

Aonu mae Hiram ne fatei kmana gaju sida nei gaju te keli eghu ka King Solomon naba nihai teke toredi mana re.

Ululahu Kings 9:27

Aonu King Hiram ne kuru tei keha nogna mae kru te lase loku ka vaka. Aonu mare tei ne loku baludi nogna mae gloku mae Solomon ka vaka igre.

Ululahu Kings 3:12

Eghume, iara ginauna eni unha te toreni iagho na. Iara ginauna tusu ranghi nigho kmana gaoghatho te keli nei glalase eghu uludi iheire teke kulu karha ka iagho nei iheire nate karha mei ke leghumu iagho.

Ululahu Kings 4:20

Ka narane te funei King Solomon igre naiknodi Israel nei naiknodi Juda teu igre vuragha kmana fara jateula nusu ka geri thongna ra eghu theome tangomana te kahadire. Leuleghu narane na mare ghamu nei koꞌu eghu balu glealeꞌa.

Fapea Kronikols 9:22

Ka narane igre, King Solomon thono mae dedei fara salaꞌudi keha king ka nauthoglu igne, eghuteuna jaola thono lalase fara salaꞌudi mare.

Thoutonu Eigna Mae Job 32:8

Theome mae biꞌo kolho te au gaoghatho te keli na, eghuteuna theome mae biꞌo kolho te laseni unha te doglo na. Tharunga te Blahi nogna God mae ihei te au nolaghi fateote'o igne, te tusu ranghini mana gaoghatho te keli nei glalase teuna.

Eklesiasti 1:16

Igne unha te ghathoni iara na, “Iara kaisei mae biꞌohi, eghuteuna iara lalase fara salaꞌudi hatimare mae king teke kulu funei fruni agne Jerusalem tifa ra. Eghuteuna iara thofno lase fakelini puhigna mae ihei te au tagna gaoghatho te keli na.”