Ululahu Kings 5:8 - Buka Blahi Ka Cheke Holo

⁸ Aonu, mana ne fatei cheke igre ka king Solomon, “Nou cheke iagho ra la mei posahi ka iara, eghuteuna gognarona iara tarabana mala eni unha glepo te magnahagheni iagho na. Iara ginauna faꞌari gaju sida ka iagho, baludi keha nafnata gaju te keli langau eghu.

Ululahu Kings 5:8 ပူးပေါင်းရင်းမြစ်များ

Fapea Kronikols 3:5

Chogho biꞌogna Sugablahi igne na, mare horo gringnigna na ka thaba gaju paen, eghuteuna mare sesere gringni igre ka famane gol. Eghuteuna mare sesere gringni igre. Mare horo mumuju ka grege thubo nei ka chen.

Ululahu Kings 6:34

Eghuteuna mare horo phei grengatha igre ka famane gaju. Phei grengatha igre kafe au phei vido te mala lolhopo na.

Ululahu Kings 6:15

Mare hata thaba sida ne toku tafru gringni thina ke lamnagna Sugablahi na. Thaba igre funu pari tei posa kligna. Eghuteuna goghogna na, mare horo ka keha nafnata famane gaju.

Fapea Samuel 6:5

Aonu mae Devet nei kmana naiknodi Israel eghu ne ragi balu koje mala kilo fnaknoni nanghagna Lord. Mare lalahu gita, tamborin, belo nei sesele.

Ululahu Kings 5:7

Kate nomhini King Hiram nogna cheke King Solomon igne, mana ne keli tagna fara. Aonu mana ne cheke eghu, “Gognarona iara cheke fakelini Lord! Naugna Mana ne tusu ranghini mae Devet kaisei thugna te au tagna gaoghatho te keli mala ke tughuni mana nei funei fruni ka kantri te rheta igne.”

Ululahu Kings 5:9

Nogu mae gloku iara igre ginauna pala thaba funu Lebanon soru tongna. Aonu mare ginauna haru fodu, eghuteuna mare ginauna fatathao ka thongna, ari longa ka vido aheva te magnahagheni iagho na. Ka vido tuana nogu mae gloku iara gre nate ari rurutha thabare, eghuteuna nou mae gloku iagho re tangomana te pala te tei re. Te mala folidi mare na, iara magnahaghei nigho iagho te famei gano ka iara baludi mae iheire te au ka sugagu iara igre.”

Fapea Kronikols 2:16

Mare ginauna tei Lebanon mala kato thaba te magnahaghedi iagho re. Eghuteuna mare ginauna pala soru thaba igre ka gratha na mala haru fodu jare. Eghuteuna mare na hata tei phugra gaju igre Jopa. Eghuteuna nou mae gloku iaghore ginauna soru ka vido tuana mala pala tei Jerusalem.”