Ululahu Kings 5:7 - Buka Blahi Ka Cheke Holo

⁷ Kate nomhini King Hiram nogna cheke King Solomon igne, mana ne keli tagna fara. Aonu mana ne cheke eghu, “Gognarona iara cheke fakelini Lord! Naugna Mana ne tusu ranghini mae Devet kaisei thugna te au tagna gaoghatho te keli mala ke tughuni mana nei funei fruni ka kantri te rheta igne.”

Ululahu Kings 5:7 ပူးပေါင်းရင်းမြစ်များ

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Proveb 23:24

Kmagna mae te doglo na thofno kelitagna fara. Ihei te au thugna te autagna gaoghatho te keli na thofno kelitagna fara.

Profet Isaia 8:18

Tore! Ghotilo fanomho fakeli! Lord mae ihei te au nolaghi fateote'o igne mana au ka Thogele Saion, eghuteuna mana noda king tahati. Iara au agne baludi goro sua teke tusu mei Lord ka iara igre, eghuteuna mana vahi ghami ghehati mala jateula kaisei fagaglana eghu mala tangomana ghotilo naiknomi Israel ra te filoni na.

Proveb 15:20

Mae sua te lalase na, faglealeꞌadi fabrahu idogna kmagnare. Nu mae sua te fagoigoli tafri na, theome ghatho tahudi idogna kmagnare.

Proveb 13:1

Sua te lalase na fanomho ka nodi cheke idogna kmagnare kate fadoglini na. Nu sua te maku jateula thina teu phaꞌugna na tirogna fanomho.

Proveb 10:1

Igre nogna famane cheke king Solomon. Kmagna mae te au tagna gaoghatho te keli na, mana gleale'a fabrahu. Idogna mae te fameomekro na, diꞌanagnafa fabrahu nei tanhi eghu.

Nodi Khoje Hatimare Mae Jiu 137:6

Jame te theome ghatho nigho iara na Jerusalem, faluti haghe iagho glapigu iara gne ka doadohagu gne eghu mala theome tangomana iara te koje na eghu. Eghu jame te theome ghathoni iara nogu glealeꞌa biꞌo eigna Jerusalem.

Ululahu Kings 10:9

Iara cheke fakelini Lord nou God mae ihei te kelitagna ka iagho nei vahi nigho mala king gna Israel! Naugna Mana thofno ghatho tahu ghami ghotilo fabrahu naiknomi Israel, mana vahi nigho king mala tangomana iagho te leghuni fabrahu puhi te doglo na, nei fatedi naiknore ka puhi te doglo.”

Ululahu Kings 3:9

Eghume tusu ranghi ghau gaoghatho te keli nei glalase eghu mala tangomana iara te funei frunidi nou naikno iagho igre ka puhi te doglo. Eghuteuna mala filo glanidi iara unha te doglo, nei unha te jafra. Jame te theo na, iara na theome laseni te mala funei frunidi naikno igre.”

Ululahu Kings 1:48

Eghuteuna mana ne cheke eghu, ‘Lord, nodi God mae Israel, iara cheke fakeli nigho, naugna gognarogne, iagho snakre ghau iara te filoni kaisei mae thugu iara te kegra tughu ghau ka sapegna king.’ ”

Jenesis 33:5

Mae Iso ne filo teidi gaꞌase te balu thudi re ne cheke eghu, “Iheire te mei balumu iagho igre?” Mae Jekop ne cheke eghu, “God neke fablahi ghau iara nou mae gloku iagho gne ne tusu mei sua igre ka iara.”

Ululahu Kings 5:6

“Eghume, iara magnahaghei nigho iagho te mala chekedi nou mae glokudi Sidon ra mala tei Lebanon mala kato keha gaju sida jare, mala babana iara Sugablahi igne. Nu iara ginauna kurudi nogu mae gloku igre mala ari toghodi mare. Eghuteuna iara ginauna foli nigho unha te chekeni iagho na mala folidi iagho nou mae glokure. Tapa kafe lasedi nou mae gloku iagho are thofno lalase salaꞌudi keha mae te kato thabara.”

Ululahu Kings 5:8

Aonu, mana ne fatei cheke igre ka king Solomon, “Nou cheke iagho ra la mei posahi ka iara, eghuteuna gognarona iara tarabana mala eni unha glepo te magnahagheni iagho na. Iara ginauna faꞌari gaju sida ka iagho, baludi keha nafnata gaju te keli langau eghu.

Ululahu Kings 4:7

King Solomon ne vavahi nabotho phei mae gavana mala reireghidi nabotho phei nohidi Israel. Nodi gloku mae igre mala hata gano ka nabotho phei nohi igre tei Jerusalem ka king nei tharaknagna. Mare eni igne kaisei nhigra ke lamnagna kaisei finogha.